فرص عمل مضمونة إلى حد كبير: يتم تعيين الخريجين غالبًا في المستشفيات الحكومية أو الجامعية أو مراكز الرعاية الصحية، خصوصًا في التخصصات المطلوبة مثل الأشعة أو المعامل. 2. مدة الدراسة قصيرة: الدراسة سنتين فقط، وبعدها سنة تدريب عملي (امتياز)، ثم التخرج. 3. فرصة للترقي والتكملة: يمكن بعد المعهد التقديم على كليات مثل: كلية التمريض كلية العلوم الصحية التطبيقية (في بعض الجامعات) التعليم المفتوح (لو متاح) المعادلة والالتحاق بكليات أخرى حسب الشروط 4. تخصصات متنوعة: يوجد أقسام مثل: فني مختبر (تحاليل طبية) فني أشعة فني تمريض فني تغذية فني طوارئ وإسعاف 5. طلب عالي على بعض الأقسام: مثل فني الأشعة وفني التحاليل، وهي مطلوبة بشدة في السوق الحكومي والخاص. 6. إمكانية العمل بالخارج: بعد الخبرة والتدريب، بعض الدول تقبل الفنيين الصحيين للعمل في مراكز طبية أو مستشفيات. عيوب معهد الفني الصحي: 1. القبول محدود وتنافسي: التنسيق مرتفع نسبيًا بالنسبة لمعاهد، خاصة للبنين. وهناك فرق في التنسيق بين المحافظات. 2. المرتب بعد التخرج مش عالي: الراتب كبداية في القطاع الحكومي مش كبير، رغم أن في فرص شغل في القطاع الخاص ممكن يكون الدخل أعلى. 3. الإجهاد وضغط الشغل: أغلب التخصصات تتطلب دوام شاق، ورديات ليل ونهار، خصوصًا في المستشفيات والطوارئ. 4. الفرص الوظيفية للبنات أقل شوية في بعض التخصصات: مثلاً الإسعاف أو الأشعة ممكن تكون فرصها أعلى للبنين. 5. قلة الوعي بتخصصات المعهد: كثير من الناس ما يعرفوش إمكانيات المعهد ولا بيحترموه زي كليات الطب أو التمريض. 6. قلة التطوير والتحديث في بعض المعاهد: بعض المعاهد الحكومية ما فيهاش إمكانيات كافية للتدريب العملي الحديث أو الأجهزة الطبية المتطورة.
تم النشر الاثنين، ٢١ يوليو ٢٠٢٥
بصي هو انتي غلطي غلطه كبيره جدا طبعا بس لازم تتحملي عواقبها لو هتتفقي معاه تتجوزوا شهر واحد بس حتي بيت اهله بيت اهله هو دلوقتي المسأله كبيره مافيش وقت تدوروا علي بيت ولا شقه جديده اي مكان بس المهم يكون في بينكم جواز شرعي حتي لو هتسبيه بعد كده اقنعي اهلك بكده قولي انك بتحبيه وموافقه تعيشي معاه تحت أي ظرف لو ليكي جده أو جد او حد في عيلتك قريب من ربنا كده وبترتاحيله احكيله يقف معاكي وحافظي علي نفسك جسمك ده ماينفعش حد يشوفه الا لما يكون شرعي ربنا معاكي ويوفقك
تم النشر الاثنين، ٢٨ أكتوبر ٢٠٢٤
وعليكم السلام ورحمة الله وبركاته هو كل اللي انتي حاساه ده مجرد فقدانك لأصدقاء حاسه انك بقيتي لوحدك بس احنا نتغلب علي الشعور ده بأن مثلا تتقابلي مع اصحابك وليكن مره أسبوعيا تفضلوا مع بعض طول اليوم تجددي فيها طاقتك والسفر مش حل صدقيني حاولي تكوني صحاب جدد الموضوع سهل مش صعب ربنا معاكى ويوفقك
تم النشر الأحد، ٢٧ أكتوبر ٢٠٢٤
لمجرد انك انت وهما في جامعه واحده يبقا مستواك هو مستواهم وده نحاول نسعا ونجتهد ونركز في مذاكرتنا علشان تبقا اتغلبت علي الفكره نفسها فكره انك اقل منهم دايما لما الإنسان يشوف حد احسن منه بيحاول يقلل منه يأما بيجتهد علشان يتفوق عليه فممكن تكون انت احسن منهم فحاجه يعني دي ممكن تكون مجرد غيره مش اكتر طالما وصلت لمرحله جامعيه يبقا مش صعوبه في الفهم ممكن تكون دماغك مشغوله أو مش مركز مع اللي بيكلمك او مكذكرتك حط بس انت في دماغك هدف وتسعا جديا لتحقيقه والكلام اللي بيشدنا لورا نتغلب عليه بثقتنا بنفسنا ان احنا نقدر ربنا معاك ويوفقك
تم النشر الأحد، ٢٧ أكتوبر ٢٠٢٤
ممكن تمارسي اي نشاط بدني تمارين رياضيه المشي او الجري اسمعي موسيقا هاديه لما تلاقي اي مشكله واجهتك بلاش لوم ولا عتاب فكري في حل وانك انتي اللي تحليها وخليكي علي يقين ان الغضب والعصبيه مش هيحلوا حاجه سامحي ومتزعليش من أشخاص فتره طويله المشاعر السلبيه هي اللي بتقلب معاكي بعصبيه حاولي قبل ما تردي او تتكلمي تفكري كويس ساعه كده في اليوم اقعدي فيها لوحدك متفكريش في مين عمل معايا ايه ولا مين زعلني في ايه لالالا تقولي انا هغير نفسي للأحسن ازاي انا هطور نفسي وإمكانياتي ازاي انا ازاي اقدر اسعد اللي حوليا صدقيني حياتك هتتغير كتير للأحسن وربنا معاكي
تم النشر الأحد، ٢٠ أكتوبر ٢٠٢٤
اهتمي بوالدتك من ناحية مرضها واعتني بها جيدا وحافظي دائما انتي واختك ان تكون بحاله نفسيه كويسه مش مهم اللي بيعملوا والدك المهم عندها اللي انتم بتعملوه معاها لو في اي حد ليه سيطره علي والدك من عائلته او أصحابه ويعرف ربنا وبيتقيه اقعدي معاه انتي واختك اتكلمي معاه واحكيله الموضوع من وجهة نظرك انتي واطلبي منه المساعده متشغليش بالك كتير بأي حاجه باباكي يقولها عليكم علشان متأثرش عليكي ولا علي اختك هو واضح انه مريض نفسيا ولا علي المريض حرج بصي بقا اهم نقطه من كل اللي فات صلي لربنا واتكلمي معاه وربنا هيعينك وهيساعدك واوعي تدعي علي باباكي او اي حد اتسببلك في اي اذي كل اللي تقوليه حسبي الله ونعم الوكيل وربنا يعينك
تم النشر الخميس، ١٠ أكتوبر ٢٠٢٤
اولا ممكن تصلي صلاة استخاره في هذا الزواج او عن هذا الشخص ثانيه فتره الخطوبه كفيله لمعرفه شخصيته واسلوبه وطريقته في التعامل وممكن تتكلمي معاه قبل الخطوبه لمعرفته اكتر ثالثا خوفك مش مبرر لرفض شخص وبالنسبه للسن مش مقياس لقبول او رفض حد اهم حاجه الراحه النفسيه معه أثناء الحوار والتعامل ربنا يوفقك
تم النشر الخميس، ١٠ أكتوبر ٢٠٢٤
تعرفي انتي موهوبه جدا طيب ما تحاولي ناخد الجانب الكويس من النقطه دي اللي هو انك بتالفي قصص طيب اشتغلي علي نفسك وأكتبي قصص والله هتنجحي جدا ربنا يوفقك هاتي وليكن اجنده واكتبي فيها قصه وسيناريو وحوار واكتبي اسمك واكتبي وليكن مسلسل حواديت مختلفه وابدعي فيها وانشريها علي مواقع التواصل وربنا يوفقك
تم النشر الخميس، ١٢ سبتمبر ٢٠٢٤
حولي طاقتك او مجهودك في العصبيه وشدة الأعصاب الي حاجه بتحبيها اشغلي دماغك او شوفي هواياتك ايه واشتغلي عليها وحطي في دماغك انك تنجحي فيها وربنا معاكي
تم النشر الخميس، ١٢ سبتمبر ٢٠٢٤
لعرض الملف الشخصي في فدني اضغط هنا