أنا في أقل موقف بيحصل معايا ميستدعيش مني عصبيه زياده تلاقيني بتعصب جامد لدرجه لو اختي بتستفزني بقوم اتعصب واضربها واصرخ وممكن اشتم واكسر ف البيت أو اي حاجه قدامي وبيكون الموضوع تافه ميستدعيش ولو حد ادخل بفضل اضرب فيه واتعصب اكتر واصرخ واعلي صوتي واكسر ف كل حاجه قدامي وبيكون مش فاهمين اي بيحصلي وللأسف ساعتها مبكونش شايفه قدامي ولا حاسه باي حاجه بقولها أو بعملها حتي لو امي وابويا اللي بيتخانقو معايا ومش عارفه لي بجد بعمل كده ويتكون حاجه خارجه عن ارداتي وبندم بعدها وبقعد اعيط وساعات بكون عايزه اسيب البيت هل ده ايه واي علاجه
اولا من الممكن استشارة طبيب نفساني في هذه المشكل حتى تعرفي سبب هذه المشاكل النفسية . ثانيا لربما انك تعانين من الكبت او من نقص في العلاقات الاجتماعية فهذه العلاقات من الممكن انها تجعلكي منفتحة اكثر. حاولي ممارسة الرياضة فهي تقلل من الاكتئاب و من التعب النفسي
تم النشر الخميس، ١٢ سبتمبر ٢٠٢٤
بصي في الوقت دا بالظبط كدا روحي امشي برا علطول حتي لو معاكي حق ، وطلعي واتمشي واقعد في قيمة ساعتين تلاتة برة وارجع هتلاقي نفسك بترتاح خالص مثلا تروح تسهري مع صحابك ، تخرجي تتمشي شوية مع نفسك تجيبي حاجة تشربيها او تاكليها ، مثلا برده تروحي تخشي المسجد تصلي ركعتين وتدعي شوية
تم النشر الأربعاء، ١١ سبتمبر ٢٠٢٤
أختي العزيزة، أولاً، أود أن أقول لك إن مشاعرك وأفعالِك التي تصفينها تعكس حالة من الإضطراب الداخلي، وقد تكون نتيجة لضغوطات أو مشاعر مكبوتة تحتاج إلى تحليل وفهم أعمق. من الواضح أن هذه التصرفات تزعجك وتسبب لك ندمًا بعد ذلك، مما يدل على أن لديك وعيًا بحقيقتك ورغبة في التغيير. من المهم أن نفهم ما يحدث في داخلكِ، إنه أمر شائع أن نشعر بالقلق أو الإحباط أو الغضب، لكن كيفية التعامل مع هذه المشاعر يمكن أن تؤثر على حياتك وعلى الأشخاص من حولك. إليك بعض النصائح التي قد تساعدك في التعامل مع هذا الوضع: تعرفي على المشاعر : حاولي أن تتعرفي على ماذا يحدث لكِ قبل أن تتصاعد مشاعركِ. هل هناك مواقف معينة تثير غضبكِ؟ وعيكِ بهذه المواقف قد يساعدكِ في التعامل معها بطريقة أفضل. التعبير عن المشاعر بطريقة صحية : حين تشعرين بالغضب، حاولي أن تخرجي تلك المشاعر بطرق إيجابية، مثل الكتابة، الرسم، أو حتى ممارسة الرياضة. تحدثي مع أحد : لا تترددي في مشاركة ما تعانينه مع شخص تثقين فيه سواء كان صديقة مقربة أو أحد أفراد الأسرة. الحديث قد يكون وسيلة جيدة لتخفيف الضغط. مراجعة أخصائي نفسي : إن كانت هذه المشكلة تؤثر بشكل كبير على حياتكِ الشخصية والعائلية، قد يكون من المفيد التواصل مع مختص نفسي يمكنه مساعدتك في معالجة هذه المشاعر وفهم جذورها. تعلم مهارات التحكم في الغضب : هناك تقنيات وأساليب يمكن تعلمها للتحكم في ردود الفعل العاطفية، مثل التعلم على كيفية أخذ فترة قصيرة لمراجعة المشاعر قبل الرد أو اتخاذ قرار. تذكري أن الإيجابية تتطلب مجهودًا، لكن يمكنكِ تحقيق ذلك بخطوات صغيرة وعدم الضغط على نفسكِ. أنا هنا لدعمكِ في هذه الرحلة، وأتمنى لكِ كل خير. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الأربعاء، ١١ سبتمبر ٢٠٢٤
انا احاول ايضا التحكم في غضبي ولكن ينتهي بي الحال الي ضرب نفسي وايذاءها
تم النشر الأربعاء، ١١ سبتمبر ٢٠٢٤
مفيش علاج لان ده مش مرض هو مجرد عدم التحكم في النفس او المناعه النفسية بإختصار شديد لما تتعصبي اشربي ميه او خدي نفس عميق وابعدي عن المكان اللي فيه المشكلة وحاولي متجادليش كتير واسمعي اكتر ما بتتكلمي
تم النشر الأربعاء، ١١ سبتمبر ٢٠٢٤
أنا معاملتي معاهم كويسه واحنا قريبين جدا من بعض خصوصا أن اخواتي كلهم بنات ودايما بابا مسافر ف البيت كله بنات ف احنا ع طول مع بعض ف كل حاجه أقل موقف بينا ميستعديش العصبيه بتحول ف لحظه لدرجه اني ببقي حد تاني ف يتجنبوني
تم النشر الخميس، ١٢ سبتمبر ٢٠٢٤
يبقي سلوكك وطريقه معاكلتك اللي غلط ومحتاجه تتغير مش محتاجه علاج
تم النشر الخميس، ١٢ سبتمبر ٢٠٢٤
انا مش بوهم نفسي بكده أنا اصلا كل مره أما بيحصل معايا كده بكون شايفه نفسي اني صح ومفيش ولا مره قولت اني غلط المرادي أما حسيت اني زودتها اوي وبقا البيت كله مش بيكلمني وكله متجنبني بقيت ابحث وأشوف ده يبقي سببه ايه
تم النشر الخميس، ١٢ سبتمبر ٢٠٢٤
مجرد وهم
تم النشر الخميس، ١٢ سبتمبر ٢٠٢٤
انا درست علم نفس + اللي انتي فيه ده مش مرض ده انتي واهمه نفسك بحاجه فعشان كدا بتعملي اللي انتي حاسه بيه مع ان ده غلط انتي واهمه نفسك ومفيش ولا اضطراب وكل ده كلام فاضي متبحثيش انتي لانك بسبب اللي انتي عملتيه ده هتحطي نفسك ف مشكلة كبيرة
تم النشر الخميس، ١٢ سبتمبر ٢٠٢٤
حولي طاقتك او مجهودك في العصبيه وشدة الأعصاب الي حاجه بتحبيها اشغلي دماغك او شوفي هواياتك ايه واشتغلي عليها وحطي في دماغك انك تنجحي فيها وربنا معاكي
تم النشر الخميس، ١٢ سبتمبر ٢٠٢٤
بحثت عن الموضوع ده وظهرلي أنه مرض نفسي اسمه الاضطراب الاندفاعي المتقطع ونفس الأعراض بتاعتي بظبط ومش عارفه ده صح ولا ايه لان الحوار بيتكرر كتير بقاله فتره كبيره يجي سنتين معايا ومش بشوف قدامي ساعتها ولا بيفرق معايا إذا كان امي أو ابويا الي واقف وعقلي دايما يقولي اكسر حاجه وازعق واشتم وتصرخ جامد لحد ما اهدي
تم النشر الأربعاء، ١١ سبتمبر ٢٠٢٤
شوفي مثلا انتي بتحبي ايه واشغلي نفسك بيه وابعدي عن اي حاجه حواليكي ممكن تدايقك
تم النشر الأربعاء، ١١ سبتمبر ٢٠٢٤
لعرض السؤال في فدني اضغط هنا