Yass As

بصي حبيبتي قمة الجدعنة منك انك تقفي معه و تساعدينه و الحب جميل و كل حاجة لكن تعالي بينا نفكر بالمنطق سوا مش ممكن بيضحك عليك و مش بيحبك مش يمكن بيتسلي معاكي و بيضيع معاكي وقت فراغ مثلا ، م ا تقول لي لا بيحبني و بيعاملني حلو، حسألك سوال هل في بنت شريفة عفيفة تعمل علاقة كاملة مع راجل بدون جواز اكيد الرد لا طيب ليه في بنات متربين احسن تربية بيقعوا في حاجة زي كده؟ عشان في واحد منه لله بيضحك عليها بأنه بيحبها و يبيع الدنيا كلها عشانها و هو بيضحك عليها اسمعي مني الرجاله بتعرف تمثل كويس اوووي الا من رحم ربي فنفصل ازاي بقى انه بيحبك بجد و شاريكي فعلا؟ تطلبي منه انه يجي يتقدم لك و فهميه انه حقنع بابا و ماما يتهاونوا معاك و تكلمي باباك و ماماك انك عاوزاه هو و لو مش كده روحي لاي حد حكيم في عليتكم يقنع ابوك بكده إن شاء الله شيخ الجامع اللي عندكم فيدخل البيت من بابه و تبقى علاقتكم في النور قدام الناس و وقتها مش حيتقدم لك عراسان خلاص فهترتاحي في النقطة دي اما بقى لو هو اللي رفض انه يجي يتقدم لك بعد ما تقولي له انك حتقنع باباك و مامتك بأنهم يتهاونوا معه في الطلبات فاعرفي انه بيلعب بيكي و كان بيتسلي مش بيحبك زي ما مثل لك، و وقتها تنهي معه الموضوع بأنه دا عنوان بيتنا و دا رقم بابا لو عاوزني بجد عنواني ما بتوه و اديك عارف حتوصل لي ازاي و اقطعي معه على كده بعدها ما في مكالمات و لا شات ولا اي حاجة خالص لو بيحبك بجد حيجي لو كان بيتسلي و بيلعب بيكي فحتلاقي الايام و الشهور بتعدي و هو نساكي و انتهى على كده و وقتها حقك تزعلي و تحزني و اعتبريه مات من حياتك خلاص و إكرام الميت دفنه اي تدفني كل حاجة تخصه عندك و أربعين يوم تكتئبي فيها و بعدها تبدئي تهتمي بنفسي و تشوفي حياتك و خلاص على كده،،، دا رأيي انا الشخصي و اسأل الله يكتب لك الخير و السعادة و ييسر جوازكم لو هو خير ليكي و لو شر يعوضك باللي احسن منه اللي يستحق قلبك الأبيض دا و جدعنتك دي يا بنت الأصول 🌸

اولا لازم تقوي علاقتك بربنا ثانيا و دا الأهم جو عقلي الواعي و اللاواعي دي كلها سحر و دجل عاوز دليل ادخل يوتيوب اكتب هيثم طلعت علوم الطاقة و اسمع بقى لحد ما تتأكد بنفسك و في قناة قرار إزالة كمان ثالثا اللي انت فيها دا محتاج مساعده نفسية من شخص مختص يفيدك و يساعدك احسن من اي حد كمان انت محتاج تروح زي نادي او جيم تطلع فيه الطاقة اللي عندك و هيحسن من حالتك النفسيه حتى لو مش معاك فلوس انزل اتمشى ان شاء الله تروح تصلي كل الفروض في الجامع و تتمشى كده عشر دقايق بعدها تاخد نفسك و تريح أعصابك، و كمان الأفضل من انك تتشوف حوار اللاواعي و الطين دا اكتب مذكراتك فرغ فيها كل اللي جواك، و إن شاء الله خير ، اما عن موضوع الحب و الحاجات دي ف انت لسه بدري عليك لسه جامعة و جيش و عقبال ما تلاقي شغل لانه حتى لو روحت تتقدم لها اكيد باباها مش حيوافق ف لازم تشتغل على نفسك عشان تعرف توصل لها بحلال و ربنا يكتب لك اللي فيها الخير

حاول تتكلم معها بلطف، في بنات كتير بيبقى عندهم خوف كبير جدا من الزواج برغم انه ممكن تكون بموت في الراجل اللي معها بس فكرة الزواج بترعبها و بتخليها خايفة، انا بنت اهو و بقول كده البنات بيبقى عندهم مخاوف كتير جدا من الجواز زي فكرة الولادة و انه في ستات بتموت و هي بتولد دا غير فكرة الأمومة و انها مسؤلية كبيرة مش صغيرة و في بنات بتبقي سمعت تجارب سابقة لبنات متزوجة و تقول انه جوزها بيسئ لها في العلاقه الخاصة بينهم و بيتصرف تصرفات بتخليها تكره نفسها لكنها ساكتة لانه عارفة انه الزواج لو رافضت زوجها تلعن ف بتعديها و بتسيبه ياخد اللي هو عاوز، كل دي حاجات و قصص تحكيها البنات المتزوجات على الانترنت بتخلي البنات اللي لسه مش اتجوزوا خايفين جدا جدا من الخطوة دي، و حتى لما بتحب بتبقي بتهرب من الجواز،، ف رأيي انا الشخصي يعني انه حاول تتكلم معها او تقابلها و تتكلم معها بحب و هدؤ انك بتحبها و شريها و انك عمرك ما حتزعلها ابدا و حاول تطمنها و افهم منها براحة، و كمان يمكن عندها مشكله مش قادرة تقول لك عليها في حياتي او في عيلتها الله اعلم، لكن رأيي انا الشخصي صلى لربنا صلاة استخارة لها و صلاة حاجة انه لو هي خير لك ف ربنا يتمم لك الجوازة منها و حاول معها زي ما قولت و ان شاء الله، الله يكتب لك الخير و يسعدك و يحفظك على الخير

شكرا ذكية 😊🌸

شكرا جزيلا ليكي استاذتنا الجميلة نسأل الله أن يكتب أجرك و ان يبارك فيكي و يجعلك من السعداء في الدنيا والآخرة يارب 🌸

في اكادمية معين دي لدكتور اسمه جاسم المطوع اسمع عنها على الانستجرام، بتبقي باشتراك سنوي زي 10 دولار تقريبا، بيدا فيها مع الطفل من خمس سنين تربية دينة و تربية نفسية سليمة عشان الولاد يطلع سوي نفسيا، و بيعطيك انت كاب او ام حاجات تعملوها مع للولد و كده، بلاس حديك نصيحة الطفل مش بيسمع الكلام الطفل بيشوفك انت بتعمل ايه و يعمل زيك، يعني عاوز ابنك بيصلي صلى قدامه عاوز ابنك مش يكذب ما تكذب قدامه و هكذا و ربنا يجعله من الصالحين البارين بوالديه يارب 🌸

حاسة و كانك بتحكي معاناتي مع عالتي 😢💔

والله يا بنتي انا لو مكانك مكانش حيشوف وشي تاني، لما يعرف انك تعملي عملية وومتجاهلك اومال لما تتجوزوا و تولدي و تبقى تعبانة و محتاجته جنبك حروح الشغل و يسيبك كده بردوا!!! انا مش عارفة بصراحة انا مش عاوزة اقول لك سبيه كده يمكن هو وضعه صعب فعلا لكن اللي اقدر اقوله لك صلى استح و استمري عليها و لو فضل علي وضعه و ما تحسن يبقى مش خير ليكي و كل واحد يروح لحاله احسن و ربنا يكتب الخير مع حد احسن 🌸

متقبل الود لا ياتمن و من آيات المنافق اذا خاصم فجر، صلى استخاره و لو الوضع تعقد اكتر بعدها يبقى سبيه و ربنا يعوضك بالاحسن منه 🌸

لا ليس هناك دليل من القرآن و السنة على ذلك، و كلا ياخذ منه و يرد الا الله و رسوله، هذي بدعة بارك الله فيك 🌸

الله يعينك يا حبيبتي على اللي انتي فيه الله يقويك و يعوضك خير يارب، بصي بصراحة مشكلتك صعبة حابة لانه في بيبي لو كان الكلام دا قبل البيبي كنت حقول لك انفصلي عنه دون تردد لكن مادام في بيبي يبقى لازم نحسب خطواتنا صح عشان الطفل مش يتأثر هو مش ذنبه حاجة، أنصحك تتابع ست طيبة على اليوتيوب اسمها سماح عبد الفتاح و ممكن كمان تبعتي تسأليها بترد على مشاكل الناس عادي، شوفي الأستاذة سماح حتقول لك ايه و لو في امل في جوزك خير لازم البيبي و لو ما في امل منه يبقى خلاص تبدي في صلاة الاستخارة في الانفصال و ربنا يكتب لك الخير يارب و يعوضك عن اللي شفتيه 🌸

بصي يا بنتي معلومات انه في معهد اسمه المعهد الفني التجاري ذا سنتين اتنين بتخلصي منه بيدخلك كلية تجارة او كلية حقوق انتي اللي تختاري لكن لازم تكوني جايبة مجموع كويس في المعهد عشان يقبلوكي في الكلية و في المعهد الفني الصناعي دا بردوا ستنين و بطلعي منه على كلية هندسة، دا معهاد حكومية يعني ختدفع لك اقصي حاجة بمصاريف بالكتب الف جنية بس، لكن طبعا في معاهد خاصة بالفلوس بتبقي ك مستوى احسن و الدكاترة مش بيبقوا تشفين زي المعاهد الحكومية لكن دا لو قدرتك المادية كويسة يعني و حالتك تسمح و الأفضل يا بنتي تصلي استخارة لربنا يدلك على الخير و الأحسن ليكي، الله يوفقك و ييسر لك أمرك و يحل لك كل مشاكلك بحوله و قوته ان شاء الله خير يا حبيبتي 🌸

ربنا يخليكم لبعض يارب و يجعلكم ديما سند و ظهر لبعض 🌸

انت ليه واخذ نفسك حقل تجارب 🙂

ايه دا 🙂 مين راح فين 😵‍💫 انت مش كنت بتقول فوق انه بتقللي من مشاعر و الجواز و كده 🙂 احيه 😵‍💫🤕 انت فككت لي راسي 😭😂 روح يا ابني شوف الانجليزي اللي وراك و سيني الم دماغي 🤕😭🤧😂😂😂🤣

اه و متنساش اختي الكتكوتة دي، لما ربنا يكرمك كده و تشتغل ما تدخل عليها بايدك فاضية لا دلعلها كده و هات لها شكولاته احنا نحب الحاجات دي 😂🤍

ههههه 😂، الله يقويك يارب و يرزقك فهم الأنبياء والمرسلين و يجعلك من الأوائل كده، و تدخل الكلية اللي نفسك فيها كده، و لازم تشرفنا يا ولاه عشان تروح تتجوز البت 😂😂😂

شكرا 🌹، الحمد لله على كل حال و الحمد لله حتى يبلغ الحمد منتهاه، ان شاء الله اللي جاي جميل و عوض ربنا ما في أجمل منه 🌸

ربنا يوفقك و يصلح حالك و يرشدك للخير و يهديك و يجعلك اشبه الخلق بالحبيب المصطفى 🌸

الله يا ابني ييسر لك كل عسير و يحل لك مشاكل و يهديك للخير و يعوضك بالخير 🌸

طب انت عارف انه امي توفت في امتحانات للثانويه العامة و قبلها بسنين كانت مريضة كانسر كانت بتموت قدمنا و مش قدرنا نعمل حاجة ما كان عندي رافهية انه اخد درس دي، انا يوم لما اخذت درس اخذ في الفيزياء عشان واحدة ماما بنت كانت معايا صعب عليها و كلمت المستر ف خلاني اخذ الدرس شفق كنت بقعد لساني لازم في سطح بقي مش قادره اسال او اقول مش فاهمة بقول كتير خير الراجل انه مدخلني احضر شفقة 🥺💔

بص يا استاذ عبد الرحمن انت زي اخ صغير ليا، كلامي كله ليس بحجة عليك اي كلانا ياخذ منه و يرد الا الله و رسوله دي قاعدة في الدين اي لا أحد معصوم عن الخطأ الا الرسول صلى الله عليه وسلم حتى الصحابي رضوان الله عليهم قد يخطون لكن اللي انا بقوله دا نابع عن تجربتي انا الشخصية و اللي عيشته و بحاول افيدك بيها قدر ما اقدر حابب تعمل بيه ماشي مش حابب على راحتك و ربنا يكتب لك الخير 🌹

بس حقولك على حاجة من خبرتي العقل اللا واعي دا منشعب جدا ما ينفع تتعامل انت معه بدون طيب و يكون طيب اسلامي، عارف بقول لك كلامي دا ليه انا بحثت كتير جدا عشان اوصل لاي دكتور يساعدني في حالتي بس ما لقيت لكن اللي اكتشفته وقتها ان مافيش حاجة اسمها تنويم ايحائي مثلا في دكاترة علم نفسي مش عندهم ضمير بيعالجه بيه و دا تاثره خطر على المريض و اضراره اكتر بكتير من نفعه و و صلت كمان انه العقل الاواعي دا انت كان واحد غير مختص لا تستطيع انك تتعامل معه، طب اقول لك الأسوء انه اغلب نظريات علم النفس اللي عملها واحد اسمه فوريد تعرف انه دا كان يهودي و الحاد و في طرق علاج له ماخذوة من سحر الكابلاة اليهودي، طيب انت عارفه ان الشخص الأسود اللي بتحكي عنه دا ممكن يكون قرينك يا ابني والله والله انا عديت بكل اللي انت فيه و عارفة انه صعب تصدقني و انا كنت زيك و بحثت كتير لحد ما تأكدت، انا مش حقول اكتر من كده اللهم بلغت اللهم ف أشهد

اوكي انت شايف كلامي عند الدين سطيحي طب تعال كده قول لي اين الله من الكتاب و السنة طب بلاش تقدر تقول لي يعني ايه عقيدة طب بلاش تقدر تقول لي الفرق بين الكفر الأكبر و الأصغر و الشرك الخفي طب بلاش تقدر تقول لي الذنوب المخرجة من الملة طب بلاش تقدر تقول لي تعرف ايه عن سيرة الرسول صلى الله عليه وسلم قدوتنا ولا حاجة انا مش قصدي بالكلام دا انه اقول انك جاهل لكن بعرفك انه الحمد لله انا مش جاهلة في ديني، و حسالك انت سوال يصحيك كده شوية ربنا سبحانه و تعالى قال في كتابه الكريم "كان لكم في رسول الله أسوة حسنة" أسوة يعني قدوة طيب اذا انت بتقول كبير و بتفكر في الارتباط مش قريت حاجة في سيرة الرسول صلى الله عليه وسلم مع زوجاتها عشان على الاقل تفهم دماغ الستات ازاي و ازاي الحبيب المصطفى كان بيعملهم بطيب و حسن بلاش دي قريت في فقة الأمور الزوجية عشان يبقى عندك فكرة كده اللي هو ا ب جواز ما اعتقد طيب يبقى عرفت انك مش قريب من ربنا، مش بقول انك سيئ لكن اذاي تدعي ربنا و انت مش عارف صفاته ولا ازاي تدعي له طب ازاي احنا مسلمين و قدوتنا ليست محمد ابن عبد الله طيب ازاي حتقدر تتحمل الصعوبات و انت مش عارف رسولك عاش ايه ولا اتحمل ايه و جزاء الصابرين ايه طيب ازاي مسلمين و مش عارفين مثلا تفسير كلمة الصمد او او او (عارفه كلامي تقيل اوووي لكن يا ابني والله والله انا كنت اسوء منك بمراحل شوف كنت زعلان انك روحت لدكتور نفسي انا بقي دا كان حلمي وقتها بس القى حد يسمعني بس مش اكتر لكن حتى دا ما كان موجود، ما انقذني شيء الا تعرفي على الله و رسوله، لما تتعلم الدين حتلاقي انت نفسك اللي بتروح للصلاة حتحس ان الصلاة وحشتك و الدعاء وحشك حتبقى مستني الاذان بفارغ الصبر و عن تجربة كلام) و نصيحة كمان الشكو لغير الله مذلة والله) الشكو لله هي اللي توصلك تعرفك على الله هو اللي حيوصلك و مافيش حد يقدر يعوضك ولا حايحس بيك فعلا قده ربنا أقرب إلينا من حبل الورد بس احنا اللي مش بنروح له و لما بنروح مش بنعرف نتصرف صح لانه ما عندنا معلومات كفاية عن ديننا و دا اللي مضيعنا والله

و مين قال بننكر مشاعرك بس يا ابني لوجه الله الكريم انا لسه كاتبة لوحده مافيش حاجة اسمها سن للجواز الرسول صلى الله عليه وسلم تزوج امنا خديجة و هي أكبر منه ب ١٥ سنة و تزوج امنا عائشه و هي أصغر منه بفوق التلاتين سنة،"و كان لكم في رسول أسوة حسنة" بابي و امي يا رسول الله، لكن تعال كده يا باشا ننزل على أرض الواقع الرسول صلى الله عليه وسلم لما تزوج امنا خديجة كان عمره 25 سنة فاهم حاجة.؟ طب بلاش اقولها لك بطريقة عمليا اكتر انت دلوقتي سيدتك روحت اتقدمت لها ابوها حيوافق عليك بتاع ايه و انت لسه بتاخد مصروفك من أهلك يعني من الاخر كده في عينهم لسه عيل طب اقولك الاحلى بمي انك بتكلم بالدين اوي كده قوامة الرجل في الشرع تكون بالانفاق و في القانون كده بردوا يعني من الاخر لو افتراضت معاك أعلى درجات الإيجابية و ابوها وافق عليك لو اتحوزتها و جيت تكلمها نص كلمة ولا يهمها كلامك اصلا و اللي يمشي كلمته على ابوها ما هو اللي بيصرف، لا أقول ان قوامة الرجل في الإنفاق فقط و لكن عمود القوامة الأساسي هو الانقاق، كلامي تقيل، اه عارفة لانه بيخليك تنزل من السحابة اللي انت قاعد عليها عشان تشوف أرض الواقع فيها ايه و الواقع ديما مؤلم

قولت لك انسب حل للتفريغ هو كتابة المذكرات او اليوميات زي ما تحب تسميها سميها، كل يوم تمسك ورقة و قلم و اكتب طلع كل اللي في قلبك او حتى اكتب في فونك او سجل ريكورد و بعدها اسمعها، اولا حتفرغ المشاعر اللي مش حلوة جواك ثانيا و دا الأهم انك لما حتسمع الريكورد بعدها حتقدر تنفهم ايه اللي يضايقك و او بيوجعك، افكارك حتفضل ضايع طول ما انت مش بتصطادها بالتدوين

طيب اولا كده يا فندم انا مش بتكلم كلام في الهوى ولا بلا مصداقية انا قولت لك مكان الدليل فين حابب تروح تسمع خير مش حابب برحتك خالص خالص انا مش جاية اجبرك تؤمن باللي انا مؤمنة بيه انا بقدم نصيحة ترضى ضميري لو موت بعد الرساله دي و اتسالت عنها اكون ضميري مستريحه بيها، صغير اه صغير انا مريت بابشع من اللي انت بتحكيه كانت بتجيلي نوبة خوف و وووو و محدش كان جنبي اصلا كنت لوحدي تماما و قاعدت اربع سنين عايشة في وهم علوم الطاقه و الخرافات دي و ما اعطني اي حاجة غير اسلوب الكبر اللي انت بتتكلم بيه دا و قدام حتعرف معنى كلامي دا كويس لانه علوم الطاقة كلها من اولها لاخرها حتعطيك تحسن مؤقت وبعدها حترجع اسوء من الاول ف حابب تاخد مني خير مش حابب براحتك انا مش بجبرك لكن اعتبرني كده واحدة جاية لك من المستقبل تقول لك أخرت اللي انت فيه دا ايه

بص حقول لك على حاجة حلوة تعلمها تساعدك تكمل في حفظ القرآن او الصلاة في المسجد و كده، انت قولت انك بتحب الزبادوه و الاندومي و كده ف كافي نفسي ازاي بقي قول لنفسك انا لو نزلت اصلي في المسجد حكافي نفسي باندومي و انا راجع عشان تحفز نفسك انك تنزل تصلي و كل لما تعمل حاجة صعبة عليك و تنجح فيها للآخر كافي نفسك بحاجة بتحبها ف دا حيحفزك انت تمشي على عادات صحية و دا حيحسن من مستوى حياتك و نفسيك ف شوية شوية حتلاقي نفسك بيعدي عليك يوم و انتين و تلاته و عشره و اسبوعين و تلاته و ما تشوف اب حيا ت تاني حاول و ان شاء الله خير و ربنا يقويك يارب، حاول نفسك تستاهل 🌸

بنسبة للصداقاء ف لما تدخل على تطبيق واعي حتلاقي ناس تتكلم معهم هما بيعملوا معسكرات غير مختلطة بنات مع بنات و ولاد مع ولاد و بيعملوا مهام و تحديات مع بعض و كده ف اعتقد حتلاقي أصحاب ترتاح معهم

شوف بالنسبة لموضوع الإدمان دا ف في تطبيق اسمه واعي ممكن تنزله و عندهم قناة على اليوتيوب و التليجرام و على تيوتير و كمان في دكتور اسمع عنه اسمه دكتور عماد راشد له بودكاست على اليوتيوب يتكلم فيه عن الإدمان و اسباب و كيفية علاجه و كده اعتقد ممكن تفيدك ان شاء الله

الله يرحمه ويغفر له ويسكنه فسيح جناته يارب العالمين هو و كل موتى المسلمين يارب العالمين، أنصحك تروح لمختص، دكتور نفسي او أخصائي ان شاء الله يقدر يساعدك و اسال الله ان يلهمك الصبر والسلوان و يهوني عليكي و يعوضك بالخير يا رب 🌸

و لو انتي خايفة من الحرمانة و كده اتصلي بدار الافتار المصري و اسال 🌸

معاكي حق والله الناس محتاجة محتوى هادف و ليس دنيئ مثل اغلب ما يعرض الان،،، بصي نصحتي لك صلاة استخاره و توكلي على الله لو الموضوع مشي معاكي حلو يبقى خير الحمد لله لو اتعكل و وقف اعرفي انه شر ليكي و عشان كده ربنا صرفه عنك و ربنا يكتب لك الخير يارب و يوفقك لما يحب ويرضى 🌸

ما لها شروط حبيبتي، عندك الرسول صلى الله عليه وسلم تزوج امنا خديجة و هي أكبر منه ب ١٥ عام تقريبا و تزوج امنا عائشه و تصغره بالكثير ف ما لها قاعدة ثابتة نمشي عليها، لكن في حاجات و علامات تقول لك الجوازة دي تمام ولا لا و اولهم التفاهم بينكم ازاي، ما ممكن يكون الفرق بينكم 20 او 25 سنة و متفاهمين جدا و حد تاني ممكن يكون الفرق بينا 3 او 5 سنين و مش بنعرف نسمع بعض ابدا دي حاجة، تاني حاجة بقي العلاقات اللي من النوع دا بتبقي محتاجة من الطرف الكبير سوء راجل او ست يكون عنده احتواء و نفهم للصغير و يكون عنده تفكر ان طبيعي ممكن يغلط و يضايقني لانه مش عنده خبرة في الحياة زيي و تطلب من الطرف الصغير سوء راجل او امرأة انه يفتح مخه و يسمع من الكبير لما يعطيه النصيحة و يحط في راسه انه دا أكبر من و المثل بيقول أكبر منك بيوم يعرف عنك بسنة، و كمان لازم يكون فيها شي من التنازل من الطرفين يعني مثلا في مميزات كتير اوي بس عصبي ف احاول اتماهي مع العصبي بتاعته و ما اتناقش معه وقت العصبية و اسيبه لما يهدي و بعدها نتفاهم و كذا بقي،،، دا رأيي الشخصي والله يسعدك يا بنتي مع ابن الحلال و يرشدنا و إليكي الي ما يحب و يرضى يارب 🌸

حبيبتي انتي ما لكي ذنب في حاجة انت كنتي طفلة صغيرة مش فاهمة حاجة، حاقول لك على قاعد احنا مش مسؤولين عن الفعل لكن مسؤولين عن رد الفعل يعني اي يعني ببسطة كده هل انتي كنت عاوزة تشوفي الحاجات دي و انتي اللي روحتي تبحثي عنها لا محصلشي يبقى ما لكي ذنب في دا و لا مسؤولة عنه لكن انتي مسؤولة عن الوقت الحالي اللي بقيت واعية فيه و عن اختياراتك انتي، ف دلوقتي هل انتي مستمرة في مشاهدة دا ولا لا لو لسه يبقى هنا اقول لك لا هنا انتي مسؤولة عن دا طب الحل ايه، الحل فيها هو نمط حياة ممتلي و صحي يعني ما تسيب اي وقت فراغ عندك اعملي لنفسك جدول فيه مهام صحية تمشي عليها زي الصلاة و قراءة القرآن و التدبر فيه او تتفسحي مه صاحباتك البنات او حتى تكلمي بنات عيلتك او اتعلمي حاجة جديدة تسلي وقتك زي الخياطة او الغات جديدة او الطبخ كل دي حاجات حتسعدك انك تبعدي عن الحاجات دي و كمان في تطبيق حلو للموضوع دا اسمه واعي و لهم صفحات على الفيس بوك و على تيليجرام و على اليوتيوب و على تويتر و كله ف تابعيها و اسمعهم و بيعملوا معسكرات للبنات يعملوا فيها مهام مع بعض و حاجات كده تملي وقت فراغك و تساعدك تحسني من نفسك، و ربنا يهدينا و إليكي حبيبتي و يصلح حالنا و يرشدنا الي ما يحب و يرضى 🌸