Fatima Mohamed

لا حول ولا قوة إلا بالله، هو مستفيد ب ايه يعني بيفكر ف ايه وهو بيقول كده ربنا يهديه ده شغل عيال ومش محل هزار خالص وغير مقبول ك ناس ناضجه ودخله زواج ومسؤولية بيت ، بس لو افترضنا انها اول غلطة وهتعديها ف لازم لازم تتبيني م صدقه او كذبه لو انت قابله انك تكملي معاه ، اسألي كويس وافهمي ربنا ينور بصيرتك ويرزقك الخير .

يعني انت بعد م تخلص ٩ شهور جيش هتسافر سنه كمان؟ لو اه ف صعب ، بس ع حسب البنت هيا موافقه ولا لا ، دي حاجه خاصة بيكو شاركها مخاوفك وافكارك هيبقي احسن وهيا ممكن تقبل وضع زي ده وممكن لا

السبب الاتنين معا تعاملي ع اساس ده ، وتابعي مع الدكتور علاجك والعلاج علشان يظهر له نتيجه محتاج فترة متستعجليش، و العبي رياضه علشان تقوي الاعصاب ، ونفسيا حاولي تقوي ثقتك ف نفسك الرعشة دي بتبقي خوف م حكم الآخرين أو دايما كلامك بيتنقد ف ده خلى عندك شعور بالخوف م التعبير ع نفسك ، عبري ع نفسك ولا يهمك اي حد ، لما تيجي ف موقف كده متركزيش ع تعابير الي قدامك ولا الناس الي حواليك كانهم مش موجودين ودايما كلامي نفسك بكلام ايجابي اعتقد انك بتحبي ان حد يقولك كلام حلو يحسسك بأهميتك ف عبري ع احتياجك ده للناس الي حواليكي الي هتقدر تدعمك وتديكي الاحتياج ده وركزي دايما ع أنك عندك مميزات كتير ، اولهم انك بنت يعني إضافة جميلة ف حياة اي حد برقتك وحنيك، وشوفي صفاتك الحلوة وكبريها ف نظرك بدون غرور علشان تحبي نفسك اكتر ، وربنا يصلح حالك ويرزقك كل الخير ي جميلة

فيه جروب ع الواتساب اسمه الحصون الخمس تبع الشيخ حمزة ، مش معايا لينك ليه بس ممكن تسأل عنه ، هو نظام منضبط جدا ومحتاج حد عنده إراده حقيقة ، لأنه عبارة عن جدول أسبوعي كل يوم حفظ ومراجعه قريب وبعيد وقراءة وسماع ف محتاج وقت ومجهود منك واستعانة بالله طبعا لأن الشيطان هيحسسك انك مش فاضي وانه حمل عليك ويثبط همتك ف استعن بالله ولا تعجز ، و جهادك لوحده عليه أجر بإذن الله ربنا يوفقك

ربنا يخفف عنك ويفرج كربك، كلامك مفهوم وحاسه بيكي انت بتمري بظروف صعبة كان الله ف عونك، بصي احسن حل الظروف دي هي المعاملة بصمت وبس مترديش ولا تخدي كلامها ع اساس الصحة هي بتفرغ مشاكلها وغضبها فيكي بس مش اكتر ، ودايما اي فعل غير سوي تعمله حطي ف دماغك انه بيعبر عنها وعن طريقة معاملة أهلها ليها وهي صغيرة ودي الطريقة الي شيفاها صح ، لأنك عمرك ما تقدري تعاتبيها لأنها هتشوف نفسها صح وبس وانت مش بأيدك تغيريها فحطي حدود نفسية بينك وبينها علشان تحمي نفسك وأنت اللهم بارك عامله كده عندك اخت كويسه و صحاب فده تعويض كويس جدا ، واختيار صح انك متبقيش ضحية وتستسلمي، وعيك بأن فيه حاجه غلط وعدم قبولك لتصرفتها يدل ع انك قررتي تكسري دايرة التربية الخاطئة وبتحبي نفسك ، بس طبيعي ساعات بيجي انتكاسة وتحسي انك مش قادرة م الضغط وخصوصا ان بقالها اسبوعين مش بتتكلمو فده بيتقل عليكي الحمل ، انت دايما احتسبي ان ده ابتلاءك ف الدنيا فيه ناس ابتلاءها ف أب قاسي وظالم او ابتلاء ف مرض صعب فتعاملي ع اساس كده الصبر وحسن البر لحد م تتجوزي وربنا يجعل عيلة زوجك حسن العوض وطيبة العشرة نصيحتي ابدئي كلام معاها مش اعتذار ، كلام ف سياق اليوم ، لأن ربنا هيحاسبها على كل كلمة وكل ضربة وعلى كل شيء ، ربنا عادل ، ولا يظلم ربك أحدا ، عايزاكي متفقديش ثقتك ف نفسك ولا تتهزي م كلام اي حد ، كلامه بيعبر عنه مش عنك ، انت جميلة والي ميقدرش ده مشكلته مش مشكلتك، ربنا يجبر بخاطرك ويخفف عنك ويهون عليكي وقولي دايما دعاء اللهم عافني في سمعي ، علشان اي حاجه تسمعيها ولا كأنها اي شيء نسأل الله العافية ، ودايما اتكلمي متكبتيش جواكي لان دي مشاعر كبيرة ومرهقه لأي انسان ، حتى لو بالكتابة ، خصصي نوت تكتبي فيها كل حاجه هتخف ع عقلك التفكير واعادة السيناريو، وربنا يأجرك ف مصيبتك ويخلفك خير منها ، وحقيقي اغلب البيوت فيها مشاكل زي دي و اعرف حاجات أبشع ربنا يصبرك ويخلف عليكي خير ، وتذكري دائمًا لا يكلف الله نفسا الا وسعها. ربنا يرزقك راحة البال والاطمئنان ي حبيبتي

طبعا الله قادر ع كل شئ اهم حاجه اليقين ف الدعاء والدعاء ب افتقار وتذلل الي الله سبحانه وتعالى وحاولي تدعي كل يوم ف اوقات الاستجابة الدعاء له ثلاث اشكال للاستجابة أما يتحقق الي بتدعي بيه او قد يكون شر ف يصرفه الله عنكي أو يأجرك عليه و يجازيكي ف الآخرة ويرفع أجرك ابن القيم قال "ولو لم يكن في الدعاء إلا أنه يُبين لك حاجتك وفقرَك إلى الله، لكفى." اقرءي قصص كتير ع الدعاء وكيف يصنع المعجزات

انا جربت نيزابكس كويس جدا تحطيه عشر دقايق عليها وبعدين تشطفيها ولازم تنشفي كويس وتغيري هدوك الداخلية بإستمرارعلشان العرق والميه بينشط الفطريات يعني جسمك يبقي جاف بس مترطب طبعا محتاج كل يوم تستمري عليه وهتروح علطول خلال فترة قصيرة لو هيا درجتها مش غامقه لو غامقه مش عارفه الصراحه نفس العلاج ولا ايه

وعليكم السلام ورحمة الله وبركاته، علي حسب حالتك فيه حبوب بتبقي مرضية وتحتاج لكورس علاج ادوية مع جلسات ده لو وشك مليان حبوب ومحمرة عمله التهاب وكبيرة ، وده اعرف كذا واحده عملته ونجح بيحتاج وقت بس ، اما لو حب شباب عادي الي بيروح ويجي ف علاجه مرهم فوسودين واغسلي وشك بالغسول علشان ميجمعش بكتيريا ويطلع حبوب ورطبيه بعدها ، هيا كل فترة الحبوب بتقل علشان الهرمونات بس ف متقلقيش ، ولو منفعش معاكي روحي اكشفي

مفبش مشاعر هايفه ليكي حق تحسي بالي انت عيزاه متضغطيش علي نفسك وسيبي نفسك شوية ، ممكن عقلك بيقولك كده علشان مش هتقدري تواجهي او تستحملي عواقب مشاعرك ممكن يجيلك اكتئاب او انطفاء ف بتتجهليها، المهم تعرفي السبب الي بيخليكي مش معترفة بمشاعرك علشان تقولي لا انا هقدر اواجها الا لو انت فعلا مش هتقدري ف بالتالي خدي استشارة دكتور نفسي وهيا مش عيب بالعكس هتفهمي نفسك اكتر وربنا يريح بالك ويطمنك

لو مفيش سبب طبي يبقي غالبا مس او حسد او سحر حافظ علي قراءة سورة البقرة يوميا والرقبة علي الماء واشربه وادعي ربنا دايما انه يشفيك وطلع صدقة بالنية دي وخد سبع تمرات م تمر المدينة لو متوفر او اي نوع تاني المهم انه اول حاجه تنزل معدتك واشرب ميه بعسل ربنا يشفيك ويعافيك ان شاء الله الموضوع بياخد وقت لازم الاستمرار علشان تلاقي نتيجه

وعليكم السلام ورحمة الله وبركاته، اللهم بارك فخورة بيكي انت عملتي حاجه كبيره ف علشان كده صعبة عليكي بس صدقيني من ترك شيئا لله عوضه الله بخير منه ، فخلي عندك ثقة وحسن ظن بربك وادعيه دايما يثبتك ويحصن قلبك ويرزقك الحب الحلال و الزوج الصالح ، أكتر حاجه بتصبرك ف مواجهه الفتن هيا الصحبة الصالحة مهم اوي اوي مينفعش ميبقاش عندك صحبة او اتنين ملتزمين وبيحبو ربنا وعايشين للآخره تعرفي عليهم وقربي منهم والصاحب ساحب تاني حاجه الحجاب الشرعي قال تعالي" ذلك ادني ان يعرفن فلا يؤذين " حجابك بيدل علي انك مسلمة عندك حدود ومحدش يقدر يتعدى حدوده معاكي جاهدي ف هذه النقطة وهذا فتنة البنات ف ربنا يهدينا ويثبتنا ويرضى عنا تالت حاجه وهيا القرآن، القرآن هو حياة القلب هو أكبر داعم لكي بس محتاج حد عايزه ومقبل عليه افضل ادعي ربنا لحد ما يرزقك حبه والتمسك به واقرءي القرآن وتعلمي القرآن هيهذب أخلاقك ولسانك وحياتك كلها الرسول صل الله عليه وسلم كان خلقه القرآن ف اللهم أرزقنا يارب رابع حاجه اغلقي اي باب للفتن ، اقرأءي حديث إنك ان تفتحه تلجه ، وأحاديث كثيرة عن الفتن ، ابعدي ع اي باب للمعصية اعملي انفولو لكل شاب مترديش علي اي رسالة م ولد متجربيش انت مش قد الفتنه دي ومتقوليش هشوف بس لا اقفلي الباب خالص اتفرجي علي بودكاست وعي كانو عملين حلقات عن الصحوبية والشهوة وكل المواضيع المترابطة ببعض دي هتستفادي منهم كتير وربنا يثبتك يارب ويهديكي

دي بسبب اختلاف التربية ، هو اهله مش متربين علي كده فبالتالي مش بيعملو كده ومش شايفين أنهم غلطانين، ف انت قدامك انك تجربي تقوليله بطريقة لطيفة كده ي خطيبي انا بحب اوي انك تجيلي ف العيد ومتعوده اني واهلي بنعمل مع بعض أجواء العيد وكده وحبه انك انت واهلك تشاركونا عبري ع مشاعرك وانك حبه يعملك كده ، مش انه وحش ومش بيفهم ف الأصول ، جربي مره واتنين بطريقة لطيفة وساعديه انك يتعلم منك الحاجات المختلفين فيها ، هو اكيد كمان عنده حاجات بالنسبالك مش بتعمليها ف عادي طبعو ع بعض ، ف الاخر بقي لو حسه انه لا مش مرتاحه ومش مبسوطه والموضوع مضايقك اوي خلاص سبيه متظلمهوش بس انا حسه انه سبب بسيط دلوقتي صعب تلاقي حد كويس ف حاولي بس متجيش ع نفسك برضو واستخيري ربنا كتير ف كل خطوة وربنا يوفقك للي فيه الخير

بتفرق من شخص يستحق ولا ميستحقش انت الي تقرر وهل هتغير حاجه المعاتبة ولا كلام وهيعدي فكر ف الشخص وعلاقتك بيه كانت ازاي وعموما جرب محدش بيخسر التجربة بتعلمك احسن م الندم وتقو ليت جربت بس اهم حاجه ف المعاتبة انك تعبر عن مشاعرك مش تتهم الي قدامك حتي لو انت صح بس كده افضل لو مش عايز تخسر الي قدامك وهو مهم بالنسبالك ، وصل استخارة برضو

جربي تشتغلي حاجه إدارية، مساعدة ف عيادة او ف شركة ع حسب مؤهلك

اذكار المسلم ، فيه اذكار الصباح والمساء والنوم وبيظهرلك ع الشاشه كل شوية ذكر

اتفرجي ع دول دول شباب طريقتهم بسيطة وفاهمين دماغ الشباب https://youtu.be/saN93CPUg2A?si=CfkZEf9EUZdeoxVC https://youtu.be/2jGaxdGVtHI?si=gMseVnFs2W4GSywF

قال تعالي ولا متخذات أخذان يعني صاحب ، قال تعالي ولا تقربوا الزنا ، هتقوليلي ايه العلاقة هقولك الآية معنها ان الزنا مبيجيش مرة واحدة بس خطوات الشطيان بيمهدها واحده واحده ، البداية زميلي ف الجامعة او ف الدرس بيشرحلي حاجه بيساعدني ف كذا بنتكلم بحدود ، بابا وماما عارفين حتي لو ابن خالتك مع الوقت هيبدء حد ينجذب للتاني ويبقي فيه كلام تاني كمان المخالطة بيتفسد القلب وبتبعد عن ذكر الله وتخليكي متعلقة بحد غير ربنا، اي علاقة م غير خطوبة ولا زواج لا ترضي الله ولن ترضيكي ف النهاية.

خلي عندك صحبة او اتنين تبقي واخده راحتك معاهم وبيحبوكي زي م انت وده هيزود ثقتك ف نفسك وادعي ربنا برضوو

خلي بالك من اكلك متكليش اكل فيه زيوت ومواد حافظة الشبسي والحاجات دي وشوفي ايه الي بيزود عندك الحبوب وامنعيه او قلليه

أتجوزها علشان تكسب فيها ثواب وتدخلها الجنة ده أعظم سبب للزواج أهلها مش هينفعوها يوم القيامه وممكن بعدين تبقي سبب ان ربنا يهديهم للاسلام

كل علاقة بدايتها لا ترضي الله نهايتها لن ترضيكي انت ف سن تعلم ولسه صغيرة وده واحد بيتلسي بيكي اساسا لسه كالب زيه زيك ولا معاه فلوس ولا مستعد لاي خطوة جد انت مفروض تحفظي ع نفسك مش ده السن الي مناسب عقلا ولا نضجا انك تفكري ترتبطي فضلا عن الزواج ، توبي الي الله احنا ف رمضان وادعي ربنا يعفك وركزي ف مذكرتك وتطوير شخصيتك وبس ، حافظي علي مشاعرك لزوجك الي يستحق ف الحلال وبس ، خدي خطوات عملية وامسحي رقمه واي صلة لكي بيه وربنا يصلح حالك

بص انت وصلت لحد هنا مينفعش تستسلم انت ربنا أعانك ووقف جنبك كل الفترة دي ف مش هيسيبك، لسه الحياة طويلة قدامك وحياتك هتبقي احسن وهترتاح أحلي حاجه انك طموح ومكمل وبتشتغل وبتصرف علي نفسك ودي اهم حاجه ف كمل انت هتبقي حاجه كويسة كمان كم سنة وهتبقي فخور بنفسك أنك مستسلمتش أنت راجل يعني مينفعش تتكسر وتحس بالضعف الي يقعدك عن طريقك، ان انت بتتعامل مع أهلك رغم كل السوء الي عملوه ليك ده بر عظيم اوي ومش هيضيع عند ربنا وتأكد ان ربنا هيعوضك ويجبر بخاطرك بس انت توكل عليه وخليك متعلق بالصلاة ف المسجد هترتاح كتير ، ولو انت بتحبها اخطبها وسيبك من الي فات لو هيا لسه بتحبك هتفهم انه مش غلطتك ، ربنا يوفقك وييسرلك أمرك

أعتقد أنه بسبب انك ف بيئة مش بتشجعك علي الحوار وتاخد رأيك، حاولي تبادري بالكلام والرأي وتكوني مسؤولة عن قرارتك ومتعزليش نفسك ابدا صاحبي حد يكون بياخد رأيك ويدعمك علشان الوحدة بتخلي الشيطان يوسوسلك ويحزنك ويحسسك بأنك غريبة ، انصحك بالرقيةوالمحافظة علي الأذكار وربنا يفرج كربك

التعود بيفقد المعاني العميقة دي ف لما يحصل حاجه لحد يتعب فجأة، بنحس بقيمته وقد ايه مهم واحنا بنحبه ف التعب ده خلها تحس بالمشاعر دي تاني زي م تكون مسافر وترجع ، عمتا انت اسألها مباشرة ومتخليش الشيطان يصورك اشياء اخري الصراحه بتقربكم لبعض اكتر ومهم نوضح اول بأول مشاعرنا علشان الود يدوم بينكم ربنا يألف بينكم ويسعدكم

الحفل هيكون به محرمات كتير غير الخمور كعري و اختلاط وأغاني ورقص ف يجب عدم الحضور ، يجب أن تنكر المنكر بيدك ولسانك وقلبك ف حضورك يعني موافقه علي ما يحدث + احتفالهم بشئ ليس م الاسلام في شئ بل هو عكس الإسلام وحرام الاحتفال به

اقرء كتاب الشخص مفرط الحساسية للكاتبة ألين أن ، حقيقي حلو جدا وهيفرق معاك كتير وهتفهم نفسك اكتر وهتحب الصفة دي اكتر لان ليها مميزات كتير ، بس برضو محتاج استشارة دكتور نفسي

فيه بنات مش بيفرق معاها التعليم يبقي عالي أهم حاجه تبقي شخصيتك مثقفة وطموح وده هيبان ف طريقة تفكيرك ف تربية الأولاد عايز تربيهم علي النجاح والتفوق ولا اي تعليم ومش شاغل بالك ، كمان انت لما تيجي تتقدم لواحده لازم تبقي معرفهم الأساسيات علشان متتحرجش زي م قلت، أدعي ربنا يرزقك الزوجة الصالحة التي تتقبلك زي م انت ، مفيش حد كامل علفكرة كلنا عندنا حاجه محسسانا بالنقص بس ربنا يرزقك حد يكمل النقص ده ويكون حنين عليك ويحتويك

ثبت عنه ﷺ أنه كان إذا حزبه أمر، يقول: لا إله إلا الله العظيم الحليم، لا إله إلا الله رب العرش الكريم، لا إله إلا الله رب السماوات والأرض، ورب العرش العظيم هذا دعاء الكرب، ويدعو بعد ذلك بما يهمه، وكان يستعين بالصبر والصلاة، إذا حزبه أمر؛ فزع إلى الصلاة

أول حاجه تبدء الدعاء بالحمد والشكر والثناء علي الله بأسمائه وصفاته مثل اللهم لك الحمدُ أنت نور السَّماوات والأرض ومَن فيهنَّ، ولك الحمد أنت قيّم السَّماوات والأرض ومَن فيهنَّ، ولك الحمد أنت ربّ السَّماوات والأرض ومَن فيهنَّ، ولك الحمد لك ملك السَّماوات والأرض ومَن فيهنَّ ، أنتَ الحقُّ، وقولُكَ الحقُّ، ووعدك حقٌّ، والجنَّةُ حقٌّ، والنَّارُ حقٌّ، والنَّبيُّونَ حقٌّ، ومحمَّدٌ حقٌّ، اللَّهمَّ لَكَ أسلمتُ، وبِكَ آمنتُ، وعليْكَ توَكَّلتُ، وإليْكَ أنَبتُ، وبِكَ خاصَمتُ، وإليْكَ حاكمتُ، فاغفِر لي ما قدَّمتُ وما أخَّرتُ، وما أسررتُ وما أعلَنتُ، أنتَ إلَهي لاَ إلَهَ إلَّا أنتَ ثم الصلاة على النبي وأفضلها الصلاة الإبراهيمية اللهم صل على محمد، وعلى آل محمد، كما صليت على آل إبراهيم، وبارك على محمد، وعلى آل محمد، كما باركت على آل إبراهيم في العالمين إنك حميد مجيد ثم تدعو الله بكل ما تريد وتختم الدعاء بالشكر والثناء والصلاة على النبي . لحديث النبي إِذَا صَلَّى أَحَدُكُمْ فَلْيَبْدَأْ بِتَمْجِيدِ رَبِّهِ جَلَّ وَعَزَّ ، وَالثَّنَاءِ عَلَيْهِ ، ثُمَّ يُصَلِّي عَلَى النَّبِيِّ صَلَّى اللَّهُ عَلَيْهِ وَسَلَّمَ ، ثُمَّ يَدْعُو بَعْدُ بِمَا شَاءَ وأنصحك بسيد الإستغفار اللهم أنت ربي لا إله إلا أنت خلقتني وأنا عبدك وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء بذنبي فاغفر لي فإنه لا يغفر الذنوب إلا أنت وجوامع الدعاء الذي وصى به سيدنا محمد لأمنا عائشة اللهمَّ إنِّي أسألُك من الخيرِ كلِّه عاجلِه وآجلِه ما علِمتُ منه وما لم أعلمُ، وأعوذُ بك من الشرِّ كلِّه عاجلِه وآجلِه ما علِمتُ منه وما لم أعلمُ، اللهمَّ إنِّي أسألُك من خيرِ ما سألَك به عبدُك ونبيُّك، وأعوذُ بك من شرِّ ما عاذ به عبدُك ونبيُّك، اللهمَّ إنِّي أسألُك الجنةَ وما قرَّب إليها من قولٍ أو عملٍ، وأعوذُ بك من النارِ وما قرَّب إليها من قولٍ أو عملٍ، وأسألُك أنْ تجعلَ كلَّ قضاءٍ قضيتَه لي خيرًا

هو حقه لأنه هو الي جايب الاكل ف لازم تستأذنيه وبالذات انك عرفتي انه بيضايق من كده ف ليه يبقي سبب مشاكل بينكم ، ممكن الأحسن انك تشتري م فلوس خاصه بيكي لأهلك او تتفقي معاه علي خطوط واضحه علي الموضوع علشان متكبرش المشكله بعدين

بصي انت لازم تعرفي انك كده هتخسري ناس بسبب الموضوع ده ف لازم تركزي اوي ف كلامك لحد ما تتحل المشكلة

عايزة افهم حاجه هيا بتسيبك وتكلمهم ولا بتكلمهم وانت ف الشغل مثلا او نايم او مشغول عموما يعني؟

هو فبه حل بس صعب لو تعرفي تقعدي علي بحر مالح يومين هتختفي خالص بس الفكره ممكن ترجع تاني برضو ، بصي هيا هرمونات ف علشان كده بيطلعك حبوب كل فترة الموضووع هيتضبط اكتر ولما تتجوزي برضو هتتضبط ناس كتير اعرفهم لما تجوزو بشرتهم بقت كويسه علشاان الهرمونات بقت مستقرة

ممشي اهل مصر فيه حاجات حلوة

هو بالنسبة لسنها هيا لسه مرتبطة بأهلها ملحقتش تنضج لدرجه انها تشوف حياتها وبيتها بس عموما انت لازم تتكلم معاها بالطريقة الي انت عارفه انها بتجيب معاها بالحنيه بالقفش شوف انت بينفع معاها ايه

اطروده من البيت وغيرو مفتاح باب الشقة والعمارة علشان ميطلعش ولو عمل مشكلة الناس ساعتها فالشارع هتسمع و هتقوم بالواجب

دي مشكلة العالم دلوقتي كله مدمن موبيل ، حاولي تشغلي نفسك مذاكره او خروج ، رياضة ، تساعدي مامتك ، تقرأي قرآن او كتاب المهم تبعدي الموبيل عنك وحاولي تقفليه وتحطيه ف الدرج بعيد عن عينك علشان عقلك يبعد عنه شوية ميبقاش عايز يمسكه حتي لو زهقتي ومش لاقيه حاجه تعمليها ، حاولي تعملي كده لو ساعه حتي مع الوقت الموضوع هيقل ان شاء الله والمشاغل هتبعدك عنه

متتكلميش معاه قبل الخطوبة علشان تتأكدي م صدق نيته مش بيتسلي بيكي

أشغلي نفسك الفراغ مفسدة، ركزي ف حياتك ومذاكرتك ومستقبلك انت تستحقي راجل يتقي ربنا فيكي وعينه متشفش بنت غيرك فكري بعقلك وسيبي قلبك علي جنب علشان متزعليش بعدين .

تصلي استخارة وتكلم أهلها

اسمها basic بتتباع ف اي محل طرح كبير زي لافوال

فيه بطانه بتتلبس تحت الجيبة علشان الهوا ميخلهاش تلزق بتبقي خمتها قطن غالبا لو تعرفي تجبيها والبسيها تحت هدومك ومتلبسيش بنطلون ليكرا لانه بيلزق ف الجيبه ، الجيب البيلسيه مش بتلزق اوي جربيها ، اجهتدي ف الموضوع ع قد م تقدري وان شاء الله متخديش ذنب اهم حاجه ميبقهاش بيلزق بدرجة مبالغ فيها او ملفته ، شروط الحجاب لا يصف خلي بالك وبرضو لا يكلف الله نفسا إلا وسعها،والله أعلم

فاهمه قصدك ، ممكن تكشف نظر أكيد ليها حل بإذن الله شفاك الله وعافاك، اي انسان عنده مشكله او عيوب انت مركز عليها ف مسيطره ع حياتك شوف ايه مميزاتك وركز عليها علشان تحب نفسك وتثق ف نفسك وتبقي جريئ وخليك ف بيئة بتحبك وبتدعمك ، وعليك بالدعاء انهاردة الجمعة فيه ساعة استجابة .

هو السن ده بيبقي فيه مشاكل مع الاهل وبتحس انك كبير وعايز تستقل وتعتمد علي نفسك بس الفلوس هيا الي بتوقفك بس هيا فترة صعبة لكن هتعدي بإذن الله وتكون كسبت رضاهم ف الدنيا والجنة ف الاخرة ، رضا الوالدين اساس التوفيق والنجاح من غيرهم رضاهم مش هتنجح ، بس علشاان تعدي الفترة دي حاول انك قلل احتكاك بيهم ع قد م تقدر دراسة او شغل حتى لو سوبرماركت محل موبيلات اي حاجه كبداية الشغل مش عيب ، وصلي ف المسجد علشان تتعرف ع صحبة صالحة وتكون عون ليك

اقرء سورة البقرة يوميا وأقرء الرقية او اسمعها وقرب لربنا حافظ علي الصلاة ف المسجد ودي بداية انك تخرج للحياة الواقعية وتتعرف ع صحبة صالحة هتساعدك وتقف جنبك، الدعاء يغير الأقدار أدعي ربنا بالي انت عايزه بيقين وإلحاح وربنا يصلح حالك ، موضوع البنات لو مش بطريقة شرعية ف طبيعي انه ميتمش لأنه لا يرضي الله .

هيا سنة أولي بتبقي صعبة ف التأقلم مع الحياة الجديدة والتغيرات الي بتحصل ودي حاجه طبيعية جدا سواء صحابك او اهلك او دراستك، موضوع والدك اعمليله حاجه بيحبها لو شاي حتي واقعدي معاه ف ساعه صفا يكون رايق واتكلمي معاه واعتذريله وفهميه انك ظروف الدارسة وهكذا وهو هيبقي متفهم طبعا الموضوع سهل ان شاء الله ، اخوكي الصغير انت لما كنتي قده كان وقتك فاضي بالتالي متقارنيش نفسك بيه هو كمان لما يكبر هيبقي مشغول اكتر منك وعموما المقارنة مش كويسه ابدا وبتخلي فيه فتنه وحقد بين الأخوات ف خدي بالك، اما بقي صحابك ف عايزة اقولك ان صحاب الجامعة مهمين جدا وهما دول الي هيبقو معاكي طول سنين الكلية وهيهونو عليكي واكتر ناس هتبقي فاهمه وضعك لانكو بتمرو بنفس الظروف الدراسية، صحاب الثانوي حلوين وهيفضلو صحابك بس هتتقابلو كل فترة علشان دي الحياة بس متضايقيش نفسك هتتعودي اكتر السنة الجيه والاكتئاب هيروح ان شاء الله ربنا يفرح قلبك ويوفقك

الصحبة الصالحة بتعين كتير ، اهم حاجه ان يبقي عندك نية وإرداة حقيقة للتغير وربنا هيعينك هيبعتلك ف طريقك إشارات و ناس تساعدك، المهم تبدء بنفسك وتسيبك من المجتمع الي حواليك انت مسؤول ع نفسك بس انت هتتحاسب لوحدك محدش هينفعك " وكلهم آتيه يوم القيامة فردا " ، انت مش بتذاكر وبتغش علشان مش عارف ايه الفايده من المذاكره، اخنا بنذاكر علشان احنا خلفاء الله ف الارض وواجب علينا تعميرها ف هنعمرها بالعلم والعمل ودي نطقة البداية تتعلم علشان تشتغل وتعلم غيرك وتنفع غيرك وتتجوز وتبقي اب صالح ينشأ ذرية صالحة تعمر الأرض وهكذا انت ليك هدف ورسالة ركز عليهم علشان يبقي عندك سبب تقوم من النوم علشانه، بجانب اهتمامك بصحتك تلعب رياضه تنزل الجيم تتمشي حتي ، ترفهه عن نفسك تخرج مع صحابك تزور أقاربك تساعد والدتك او والدك ف البيت ، المسلم انسان متكامل يحافظ علي كل جوانب حياته ونيته فيها خالصة لوجه الله مش علشان حد ، لما تحس نفسك تعبان فاقد الشغف تايه اقرء قرآن حتي لو صفحه حتي لو مش خاشع الاستمرارية ف اي عمل بتخليه مؤثر وفعال مع الوقت وطبعا صلي ف المسجد هتقابل شباب صالحين هناك وتقدر تشاركهم ويساعدوك

سمعت شيخ بيقول انك لو عايز تخشع في صلاتك وتحس بيها لازم تهيأ نفسك قبلها من خلال انك تقرأي صفحة بخشوع وتركيز بعدين تصلي، هتحسي بفرق كمان انك تصلي بآيات معينة لموقف حصل معاكي ف يومك مثلا ، او تصلي بآية جديدة بحيث تركزي وأنصحك بأنك تصلي السنة لانها بتجبر الفرض ، والحمدلله ان قلبك فيه نور وضمير بيأنبك ربنا بيحبك وعايزيك ترجعي ليه ربنا يصلح حالنا جميعا. اهم حاجه متيأسيش إن الله لا يمل حتي تملو .

عايزة اقولك اني بحب البشرة القمحية اكتر من البيضاء ، انت جميلة زي م انت ومتفكريش كده ، انت بس علشان بتقارني نفسك ب اخواتك ف حسه بكده بس لا كل واحد جميل زي م هو ي حبيبتي حبي نفسك علشان الناس هتحبك زي م انت

شوفي الدبلومه بتاعت الجامعات اعتقد عين شمس فيها تخصص كده

بصي انت محتاجه تحبي نفسك وهتلاقي الناس يتحبك شوفي ايه الي مش متقبلاه ف نفسك وحاولي تحلي المشكلة وهتلاقي الناس بتحبك زي م انت ، بالنسبة للشباب ف أي حاجه فيها معصية ربنا مش هيسعدك فيها والحمدلله ان ربنا انجاكي من الشاب الشمال ده ربنا يرزقك الزوج الصالح ويصلح حالك ، ممكن تتعرفي علي صحبة صالحة تحضري معاهم درس علم حرفيا هتحسي انك في عالم تاني القرب من الله لذة كبيرة اوي اوي ربنا يرزقنا جميعا، اتفرجي ع بودكاست وعي هتلاقي فيه كل المواضيع الي تشغل بالك وبطريقة سهله وهتغير فيكي اكيد بإذن الله

قولي دعاء بعد المذاكرة " اللهم إني استودعك ما حفظت وما فهمت وما قرأت فرده الي عند حاجتي اليه " و حاولي تكلي اكل صحي ومكسرات وتشربي ميه كتير ، والنوم بعد المذاكره بيثبت المعلومات اكتر، ولما تحسي بكده قومي صلي ركعتين قضاء حاجه وادعي ربنا وربنا يوفقك

استخيري ربنا بس باين م اولها ده هو دلوقتي كده امال في مسؤوليات البيت هيعمل ايه

استعيذ بالله من الشيطان لانه بيوسسلك وبيدخلك من المدخل الي انت حبه ومقتنع بيه زي الدعوة وطبعا ده حاجه حلوة جدا بس لازم تفرق بين انت عايز تبقي ايه وانت دلوقتي ف ايه حياتك مراحل وربنا أمرنا ان كل مرحلة نعيشها بالشكل الي يرضيه ونعمل احسن ما عندنا "إن الله يحب اذا عمل احدكم عملا ان يتقنه "ف علشان كده ركز ف المرحلة بتاعتك وهي الدراسة ده المطلوب منك دلوقتي زي ما كنت طفل ومش مطلوب منك صلاة لما بلغت اتفرضت عليك ، وأمور كتير في حياتك نفس النظام أتمني تكون فهمت قصدي ، ثانيا لو مدرستش هتبقي جاهل ومعلوماتك ضيئلة الحياة تحتاج عالم دين مثقف دارس وواعي مش بس ب امور الدين بل بالأمور الثقافية والاجتماعية وغيره معظم الدعايا تلاقيهم اللهم بارك خرجي كلية هندسة او طب واتجهو للدعاية ومعلوماتهم وطريقتهم تدل علي اد ايه هما مثقفين وفاهمين كويس الدنيا وامابالنسبة للدليل ف كتير ربنا ذكر فضل طالب العلم ان الملائكة تضع اجناحتها لطالب العلم رضا بما يصنع ،، وأن الملائكة تحف مجلس العلم ، ممكن تتفرج علي بودكاست عن الموضوع ده يساعدك اكتر والله أعلم