ازاي اربي ابني او بنتي على الدين وازاي اخلي بنتي تبقى ايه يعني تحبي الحجاب وهي صغيره بس مش عايزه في نفس الوقت اعقدها من وهي صغيره والبسها مثلا الحجاب ولا غيره وفي نفس الوقت عايزاها تبقى بنت صالحه تبقى حابه الحجاب مش شايفه ان انا مثلا فرضته عليها مره واحده عايزاه يحب الصلاة ما بيحبش يصلي وبيغلبني كتير وما بيرضاش يصلي وما بيسمعش الكلام
اول حاجة: البيئة المحيطة ابن او بنت حضرتك لما يشوفوا والديهم بيصلوا وبيصوموا وبيتقوا الله وبيتكلموا ف الحلال والحرام ومش بيذكروا الناس بسوء بل بيدعولهم الحاجات دي بتأثر بالايجاب ف نفسية وشخصية الطفل عموما (عن تجربة شخصية) بالنسبة للصلاة حضرتك و والدهم هتتكلموا معاهم ف فضل الصلاة و ان ال بيصلي بيدخل الجنه وربنا بيبقى مبسوط اوي بيهم وتتكلموا معاهم كتير فيها وطبعا حضرتك هتكافئيهم على كل فرض بكلمة وجملة تشجيعية وتحفزيهم وتشوفي آخر اليوم التقييم كام من خمسة 5/.. عندنا خمس فروض واحد صلى ٤ فروض أخد ٥/٤ والتاني مثلا ٥/٢ حضرتك هتكافئيهم على كل حاجة بس ال اجتهد وصلى أكتر ياخد حاجة احلى علشان يتشجع والتاني يتشجع وبالتالي طول م في مكافئات الأطفال هتتحمس وتتشجع ..بتيجي الاول بالحماس وبعدين بالتعود ان شاء الله 🌟 تاني حاجة: والأكيد لازم حضرتك تعمليها انك تخصصليهم مسجد قرءان يروحوا يحفظوا فيه وعرفيهم ان كل خطوة بيخطوها للمسجد بياخدواعليها الأجر ولو كان الجو حر وهم ماشيين ف الحر للمسجد سواء رايحين او راجعين ف ليهم أجر مضاعف .. لو مش متاح قريب اشتركي ليهم اونلاين لما يشبّوا على القرءان ويكبروا بيه هتشكري نفسك قدااام كتيررررر اقعدوا مع بعض واسمعوا فيديو" ليه نحفظ القرءان؟" هتستفادوا وتتشجعوا جدا بإذن الله تالت حاجة: سمعيهم كل يوم قصة من قصص الأنبياء وخلي كل واحد يحكيلك احداثها بطريقته كدا حضرتك بتفيديهم بمعلومات دينية و بتنمّي عندهم مهارة الكلام والشرح والتعبير رابع حاجة: خصصوا يوم ف الاسبوع زي يوم الجمعة تسمعوا فيه حلقة دينية مثلا، فضل الزكاة ، الصلاة، ليه حرام و ممنوع الكذب ، وهكذا.... خامس حاجة : اذكار الصباح والمساء بتحميهم من الشيطان وهمسه ومن العين والحسد بإذن الله وأسأل الله أن يحفظهم ويبارك فيهم ويجعلهم بارين بكم وبأهلهم وان ينُشأهم على التربية الحسنه ويجعلهم من الصالحين آمين🌱🤍.
تم النشر الخميس، ١٠ سبتمبر ٢٠٢٦
القدوة والبيئه الصالحة هما الاساس زى الزرع اللى يزرع فى تربه جيده يطلع كويس/الابن اللى بيشوف الولدين بيصلوا بيقلدهم حتى من قبل ما يدرك/وكمان بيجى دور التوجيه المباشر والمكافاه"صليتى النهاردا؟كام فرض؟برافوا عليكى"/ الابن يصحب ابنه للمسجد ويقابل ناس ملتزمه فيحب الطاعه والابن تشجعه/ثانيا اتباع التدرج التربيه عملا بالقاعده :لاعبه سبعا وادبه وصاحبه سبعا./ثالثا الوعى يعنى الفرض والغصب ممكن ينفر
تم النشر الثلاثاء، ٨ سبتمبر ٢٠٢٦
التربية الدينية الصحيحة تبدأ بالقدوة الحسنة والحب، مش بالإجبار. أنتِ كأم بتقدري تبني علاقة إيجابية مع الدين عند أولادكِ بدون ما تخليهم يشوفوه كواجب ثقيل أو عقاب. خليني أقدم لكِ نصائح عملية ومتوازنة تناسب عمر الأطفال وتحافظ على مشاعرهم. بالنسبة لبنتكِ والحجاب: أفضل طريقة هي أن تكوني قدوة لها من خلال حبكِ أنتِ للحجاب وارتدائه بفرح، مش كالتزام فقط. ابدئي بتعريفها على الحجاب تدريجياً من خلال قصص إيجابية عن بنات صالحات أو ألعاب تمثيلية، مثل "نلعب دور الأميرة اللي بتلبس طرحة جميلة عشان تحافظ على جمالها". لا تلبسيها الحجاب مبكراً إذا كانت صغيرة جداً، بل اتركيها تختار ألواناً وأشكالاً تحبها عندما تبدأ تشعر بالرغبة. ركزي على بناء شخصيتها كبنت صالحة من خلال تعليمها الصدق واللطف والصلاة معاً، فالحب للحجاب سيأتي طبيعياً عندما تراه جزءاً من جمالها وهويتها، وليس فرضاً. إذا شعرتِ بمقاومة، تذكري أن الإقناع بالحوار والمكافآت الصغيرة أفضل من الضغط. أما بالنسبة لابنكِ والصلاة: الأطفال يحتاجون إلى رؤية الصلاة كنشاط عائلي ممتع وليس واجباً يُفرض. جربي أن تصلي معه يومياً في وقت ثابت، واجعليها قصيرة في البداية مع تشجيع مثل "يا بطل، صلينا مع بعض النهاردة!". استخدمي قصصاً عن أنبياء أو ألعاباً تعليمية عن الوضوء والصلاة، وكافئيه بمديح أو نشاط يحبه بعد الصلاة. إذا كان يرفض، لا تُظهري الغضب أمامه، بل تحدثي معه بهدوء عن أهمية الصلاة كوسيلة للراحة والقرب من الله، واستمري في التذكير بلطف. الاستمرارية والصبر هما المفتاح، فالأطفال يتعلمون بالتكرار والمحبة. تذكري أن كل طفل مختلف، وأنتِ الأقدر على فهم احتياجاته. ابحثي عن أسئلة مشابهة على فدني للحصول على آراء إضافية من أمهات أخريات. أنتِ تقومين بعمل رائع، وبالصبر والدعاء سترين النتائج الإيجابية إن شاء الله.
تم النشر الاثنين، ٧ سبتمبر ٢٠٢٦
انا شايف ان افضل طريقه لتربية الأبناء على الدين هى جمعهم فى المساجد وديهم كتاب ووالله هيأثر كتير ووديهم دروس علم شرعى اما يكبرو وتحببيهم ف الموضوع انا عاوز اقلك حاجه انا الحمد لله اهلى كانو مربينى حلو وكنت بروح كتاب من صغرى بس كنت زى اى انسان عادى ونا ف تانيه اعدادى عرفت ان فيه دروس علم ف المسجد بعد العشاء يوم الاتنين فقلت اروح مش عشان اتعلم حاجه انا كنت رايح لحديث ان مجالس العلم بيقوم الناس الى فيها مغفور ذنبهم كله فده الى كان محببنى فى الموضوع ومره ورا مره حبيت الدروس اكتر هى مكنتش دروس بالمعنى الحرفى كان الشيخ بيقول زى موعظه وحاجات عمليه بسيطه نعملها ف حياتنا فضلت على هذا الحال لحد تانيه ثانوى الحمد لله صاحبت الناس الصالحه الى كانو بيعينونى ع الخير والعباده وبدأت أصلى امام بالناس وختمت القران فى تالته اعدادى لحد تانيه ثانوي جه المشايخ كانو هيفاحو مجموعة كلب علم شرعى بقا بجد وهندىس كتب وكده وشافو ان انا كويس ف ده وبلتزم بدروسى فعرضو عليا وقبلت الى عاوز اقوله ان بعد ربنا دا كان السبب فى صلاحى لإن كنت بعرف ربنا اكتر واكتر واصاحب الناس الى لو عملت حاجه غلك يقولولك ويعيبو فعلك مش الى يشوفك تعلى الغلط وميقلش حاجه
تم النشر الجمعة، ١١ سبتمبر ٢٠٢٦
اولا الحجاب هي مش مغرمه تحبه و هي صغير عشان دي طفله لما تكبر تكون مثلا ١٦ سنه ابدأي كلميها عنه و كمان الصلاه ،وقت الصلاه اسحبي الموبايلات و قوليلهم يلا تعالو صلوا معايا بلطف
تم النشر الخميس، ١٠ سبتمبر ٢٠٢٦
لعرض السؤال في فدني اضغط هنا