انا عندي ٢٧ سنة وشغال في شركة في السعودية، اتعرفت على بنت مصرية من منطقة جمب المنطقة اللي انا ساكن فيها في مصر، هي منفصلة بقالها ٤ سنوات عن جوزها وشغاله في السعودية، بقالها ٤ سنين في السعودية شغاله في المجال الطبي وبتنزل اجازة كل سنة او سنتين لأهلها، هي معاها بنت قاعده مع بباها في مصر لانه اتجوز وعنده ولاد من التانية و بنته عايشه معاه، هو للامانة كان مبهدلها وكان بيشرب حشيش وبتاع نسوان ومش فارق معاه حد وكان بيضربها كتير وبيبهدلها فهي اطلقت وسافرت للعمل في السعودية، انا كنت اعرفها في مصر بس مفيش اي كلام ولا سلام بينا، ويشاء القدر والظروف اننا نتكلم هنا فضلنا نتكلم ٦ شهور تقريبا نتكلم مكالمات وفيديو واتفقنا على الجواز وكدا، بس للأمانة انا كنت قلقان خصوصا انها بقالها ٤ سنين في السعودية وبتقعد ب السنتين متنزلش، انا مش شيخ ولا ملاك علشان استاهل ملاك بس انا فعلا قلقان خصوصا انها مرت بتجربة فاشلة بمعني الكلمة واتنازلت عن كل حقوقها علشان تطلق ومعاها بنت وشغاله وعايشه حيتها في بلد لوحدها واثناء المكالمات كان فيه مكالمات فيديو اكيد فاهمين قصدي، المهم انا اتفقت معاها اننا نتجوز ونستقر مع بعض سنة او اتنين هنا في السعودية وبعدين هي تنزل مصر وانا انزل ليها وهي تيجي ليا بس متشتغلش خصوصا ان شغلها الطبي في اختلاط كبير وانا تاني انا مش شيخ ولا ملاك ولا بصلي ع السجادة، المهم قعدت اسبوع كدا وراحت قاطعه الكلام لمدة تقريبا ١٥ او ٢٠ يوم ورجعت العلاقة والكلام بعد كدا معدش زي الأول، وفضلنا نتكلم كل فين وفين بس انا بأمانة كنت ناوي خير مع اني مش وحش ولا محتاج بس قولت هكمل واوفي بعودي وهتقدم ليها رسمي مع ان هي اللي فبدأت وفتحت في موضوع الإرتباط دا مش انا وفعلا حبتها واتعلاقت بيها، وبعد ما الكلام قل هي اختفت وعملت بلوكات، للي هيجاوب مكنش فيه بينا مقابلات وهي في مدينة وانا في مدينة ولا كان فيه بينا فلوس وتحويلات ولا الكلام الفاضي دا،انا لسه في بداية حياتي ودا اول تجربة وعلاقة ليا، حاولت اتواصل معاها واتكلم معاها بس هي اللي على لسانها انا مش هتجوز تاني وهفضل بدون زواج، تنصحوني باايه أكمل لاني فعلا حبتها مع انها مش حلوه ولا جميلة بس القرد في عين امه غزال زي ما بيقوله ولا اكتفي بكدا وخلاص، اللي يرد يرد بأدب وإحترام، احنا بشر مش ملايكة وانتقد الذنب او المعصية ما تنتقدش المذنب او العاصي، كلنا ماشين بالستر، فأسل الله الهادية لينا جميعا والستر والعفاف.
أخي الكريم، أقدر تمامًا اللي بتمر بيه، خاصة إن دي أول تجربة ليك وأنت فعلاً تعلقت بيها ونويت خير. الشعور ده طبيعي، والإنسان لما يحب يبقى عايز يكمل ويوفي بوعده، بس لازم نشوف الصورة كاملة بصراحة وواقعية. اللي حصل واضح: هي بعد فترة من الكلام قررت تبعد وتعمل بلوكات، وقالت صراحة إنها مش هتتجوز تاني. ده مش مجرد "فتور"، ده قرار واضح منها. حتى لو أنت شايف إن فيه أسباب زي تجربة الجواز السابقة أو الاستقلالية اللي عاشتها، يبقى الأفضل تحترم كلامها واختيارها. الإصرار هنا ممكن يزود الألم ليك أكتر، ومش هيغير رأيها لو هي فعلاً مصممة. من ناحية إسلامية، الزواج رزق ونصيب، ولو الطريق سد قدامك كده يبقى ربنا بيفتح لك باب أفضل. جرب تعمل استخارة وتدعي بالهداية والستر، وخد وقتك تتعلم من التجربة دي بدون ما تلوم نفسك. أنت لسه في بداية حياتك، وربنا هيكرمك بمن تكون أكثر استقرارًا وتوافقًا معاك. نصيحتي العملية: ركز دلوقتي على نفسك وشغلك وتطوير حياتك، ومتحاولش تتواصل معاها تاني. لو القدر جمعكم مرة تانية بطريقة حلال وواضحة هيبقى خير، لكن دلوقتي الأفضل تكتفي وتسيب الأمر لله. ابحث عن أسئلة مشابهة على فدني عشان تشوف تجارب ناس تانية، وادعي ربنا يرزقك الزوجة الصالحة اللي تكون سكنًا ليك. ربنا يهديك وييسر أمرك يا رب.
تم النشر الثلاثاء، ١٨ أغسطس ٢٠٢٦
لعرض السؤال في فدني اضغط هنا