انا تالته ازهر كنت بنزل سنتر في اول السنه وبعدها علشان اوفر وقت وبرضو اعرف الم متراكم
حولت اونلاين بس بعدها ظروف اهلي بقت مش احسن حاجه فقولت علشان مزودهاش عليهم اخدت يوتيوب يادوب على قد شحن الراوتر بس المهم بدأت من شهر 12 يوتيوب بس تقدرو تقولو بدأت جد من 25 /1 لأن موضوع اذاكر لوحدي دا صعب اوي بجد دا غير المواد اللي عندي انا مكنتش بدأت رياضه خالص بدأتها خلصت فرع استاتيكا وخلصت هندسه فراغيه وخلصت اول وحده تفاضل وكنت هكمل بس ايامها حصل مشكله في النت فضل فاصل اربع ايام بقيت احفظ واذاكر الشرعي والعربي بشكل اكبر لأن كنت مثبته شرعي وعربي وقرآن جنب الماده العلميه بس جيت في رمضان لاني من طبعي مبقدرش اذاكر وانا حاسه اني ما أكلتش ما بذاكرش حلو انا قبل رمضان كنت بذاكر من الساعه 4 قبل الفجر ل الساعه 9 او 10 بالليل وكان الأكل بيساعدني انا مستغربه نفسي شويه بس مش عارفه ازاي لازم اكل علشان اعمل مجهود حلو المهم رمضان خلص وانا مذاكرتش حلو وانا كنت ناويه اذاكر يوم العيد بس حسيت ان نفسي مقفوله عن كل حاجه حتي أكل العيد ما اكلتهوش وامبارح حتي ما قدرتش اكل غير سانودتش مش عارفه حصل اي لكل دا بس اللي حاسه انه دايقني اوي يوم العيد لما قعدت مع واحده صحبتي ازهر بس هي بتنزل دروس قالتلي يلا يا أولي جمهوريه انتي دا انتي تلاقيكي مخلصه المنهج اصلا قولتلها والله لو قولتلك اللي عندي انا هصعب عليكي انا اصلا وكل مره تكلمني تقولي كدا برضو اقولها يارب والله ربنا يسمع منك مع ان اصلا انا مش عاوزه اكون من اوائل جمهوريه اصلا انا اقصي حاجه اتمناها في الموقف بتاعي دا ان اخلص منهجي واراجع واجيب درجات حلوه بس تدخلني الكليه اللي ربنا كاتبهالي
ف انا مش عارفه ابدأ ازاي تاني بقالي يومين بقول هقوم اهو واقوم واقعد واجي اذاكر مش قادره واقول هفتح الكتاب واقرأ او افتح فيديوهات وافتح فعلا ومش قادره اكمل زهقانه بطريقه غير عاديه انا عاوزه طريقه ابدأ بيهت مهما كانت وعموما في فكره انا كنت هبدأ بيها وهفضل عليها لان هي كدا كدا بايظه اصلا هخلص كل ماده ب مادتها والمشكله الاكبر مش حافظه غير البقره وآل عمران ونسيتهم اصلا بس مراجعه عليهم هتفكرني
انا لوحدي عموما معنديش حد يشجعني خالص ومنعزله عن الكل وقاعده قي بيتي من وقت الاونلاين يادوبك بخرج اجيب حاجه عاوزاها وخلاص ودا نادرا اصلا بس فيه جانب تحفيزي جدا من ربنا وانا الحمدلله علاقتي بربنا حلوه الحمدلله وجالي كذا أحلام اني بعرج او بيحصلي مشاكل بس في الأخر بوصل وكل حلم كنت بحلمه كنت بفسره لان لما عرفت ان دي رؤيا من ربنا بقيت احبها عارفه ان مينفعش اقول حاجه زي كدا بيني وبين ربنا بس انا بدي أمل للي بيقرأ علشان يكون عارف ان سعيي ليه نهايه حلوه في الأخر وفيه برضو رؤيا تانيه وهي كانت صريحه اوي بصراحه ان انا هدخل طب بشري هو دا حلمي اصلا وانا مهما كانت النتيجه كنت هرضي بس انا كنت دايما قبل الرؤيا دي اقول يارب بشرني بيها بس والله هعافر واسعي ومش هقول خلاص انا ضامنه اني هدخلها دا ربنا مبشرني والكلام دا لا هسعي وهحسها اكبر حافز ليا وفعلا بعدها بفتره يعني شهر كدا وجاتلي الرؤيه دي
أكتر مواد واقعه فيها بجد الإنجليزي والفيزيا اما الباقي اقدر الم كل ماده كلها ف اسبوعين او اقل والحمدلله شايفه بركه في وقتي وفي مذاكرتي وتوفيق من ربنا بيدل ان ربنا عاوزني أكمل
انا عموما كاتبه حاجه زي دي وخايفه يكون فيه حد يقول ان انا بألف كلام من عندي بس والله لا دا الي حصل فعلا بجد انا سيبت حاجات كتير اوي كان نفسي فيها وقولت ربنا هيعوضني وحاجات صعبه اوي علي الإنسان انه يقدر يتخطاها بسهوله بس قولت لا ربنا هيعوضني وفعلا اتعوضت قبل السنه ما تنتهي حتي بس لازم اسعي واكمل حتي لو مخلصتش المنهج بس هفضل اعافر لأخر نفس فيا
ياريت محدش يقولي كلمه تدايقني لأن والله النفسيه بايظه لوحدها اصلا ومحتاجه مساعده ك فكره مش ك فعل لأن اللي هيساعدني بجد ربنا وافكاركو ما هي الا اسباب بس
كفكر ، ان انتي ما عليكي إلا السعي و الاخذ بالاسباب و التعامل معاها انها افضل شئ ممكن يحصلك حتى لو انتي مش شايفه ده ، عارفه مشكلتنا ايه ؟ ، اننا بنفترض ان كلنا زي بعض ، بمعنى ان لما بيحصل عندنا مشكلة او نتعثر في طريقنا لهدفنا ، دماغنا بتدور تلقائياً عن حلول بناءً على اللي غيرنا بيعمله ، مش بناء على حالتنا احنا و موقفنا ووضعنا و شخصياتنا ، حد غيرك كان حمل اهله فوق طاقتهم ان لأ أنا لازم فلوس دروس و إلا ما حدش يعاتبني ع النتيجة ، او كانت طنشت و قعدت في البيت و كبرت دماغها ، لكن انتي عملتي الصح ، اتحطيتي في موقف و ليس فوق استطاعتك فلا يكلف الله نفسا إلا وسعها ، لكن احنا اللي ما بندورش على الحلول جوانا ، اي كرب و اي موقف صعب علينا بيبقى هدفه اننا نعرف حاجه جديدة و شخصيتنا تتطور لكن للأسف مش الكل عنده و عي ب ده ، و انك وعيتي لده ، ده في حد ذاته انجاز عظيم تستحقي تحيي نفسك عليه ، الوقت اللي فاضل ليكي كتير على الامتحانات و كان فيه هنا بنوته عندها نفس المشكلة فعملتها تطبيق يقسملها الوقت و المذاكرة و المنهج لحد آخر الامتحانات ، هسيبلك الرابط بصي عليه و لو هيفيدك عرفيني و اتا هظبطهولك بناءً على موادك و دروسك انتي ، و بالتوفيق 😊 https://study-1th.netlify.app
تم النشر الأحد، ٢٢ مارس ٢٠٢٦
بصي يا بنت الحلال ربنا مش بيدينا أحلام أكبر من طاقتنا لكن بيدينا أحلام تطلع أجمل ما فينا. أنتي دلوقتي في مرحلة التمحيص يعني ربنا بيشوف يقينك فيه وفي الرؤيا اللي بعتهالك هيفضل ثابت ولا الزهق هيهزه. خليكي عارفة إن النية"الصادقة بتبني قصور في الجنة فما بالك بمستقبلك هنا؟ قومي وانفضي غبار اليأس ده وقولي يا رب أنا هسعى عشانك وعشان أجبر خاطر أهلي وأنت عليك التمام. التوفيق مش بكتر الساعات لكن بالبركة اللي بتيجي لما القلب يصفى ويطمن لربنا. ابدأي بسم الله في أكتر مادة خايفة منها وهتلاقي العقد بتتحل واحدة واحدة. الجنة حفت بالمكاره والطب والنجاح محتاجين صبر النفس الطويل. أنتي مش لوحدك ربنا معاكي وشايف تعبك وده لوحده كفاية إنه يطمنك. استعيني بالله ولا تعجزي واللحظة اللي هتشوفي فيها اسمك في كشف المقبولين هتنسيكي كل ثانية تعب مريتي بيها دلوقتي. وعارف احساسك كويس لاني مريت بنفس حالتك للعلم انا ثانويه ازهريه والأهل كلهم في عشت كل لحظه انتي عشتيها معى اخواتي ونفسي وناس تانيه الكلام ده مش كلام وخلاص . اتمنى اني اكون قدرت أفيدك 😊 وجد والله ربنا يحفظك ويوفقك
تم النشر الأحد، ٢٢ مارس ٢٠٢٦
يا حبيبتي، أول حاجة أقولك إنك قوية جداً ومجهودك واضح، واللي بتمرّي بيه ده طبيعي في الثالثة أزهر، خاصة مع الظروف اللي عندك. ربنا شايف سعيك وهيوفقك إن شاء الله، زي الرؤى اللي بشّرتك – خليها حافز مش ضغط. النفسية بايظة؟ عادي، بس هتبدأي خطوة خطوة، وأنا معاكي. خطة بسيطة عشان تبدأي غداً صباحاً (مش هتاخدي وقت كتير في التخطيط): ابدأي صغير جداً (5-10 دقايق بس) : قومي بعد الفجر، اغتسلي، صلّي ركعتين حاجة، وقولي "بسم الله، هبدأ بالبقرة بس صفحة واحدة". اقرأيها بصوت عالي، هتفكّرك وتريّحك. خلصتي؟ حمّلي نفسك وكافئي نفسك بشاي أو فاكهة. جدول يومي قصير (4 ساعات مقسّمة) : صباحا (4-7 صباحاً) : قرآن + شرعي/عربي (اللي حافظاهم، راجعيهم يومياً 30 دقيقة عشان يثبّتوا). بعد الضهر (2-4 مساء) : مادة سهلة زي رياضيات أو هندسة (خلصي وحدة كاملة في يومين، زي ما عملتي قبل كده). مساء (8-9 مساء) : إنجليزي أو فيزياء (الضعيفة) – ابدأي بـ25 دقيقة فيديو يوتيوب + تلخيص بكلامك. استخدمي تطبيق زي Forest عشان تقفّلي الجوال. كل ساعة: 5 دقايق تمشية في الغرفة أو شرب مية. للأكل والطاقة : كلّي وجبات خفيفة منتظمة زي موز مع زبدة فول سوداني، أو بيض مسلوق مع خبز، أو زبادي مع تمر. مش لازم أكل كتير، بس منتظم عشان الدماغ يشتغل. اشربي مية كتير، ونامي 7 ساعات. لو زهقتي أو وقفتي : قولي "أستغفر الله" 100 مرة، وادعي "يا رب وفّقني لطب بشري زي ما بشّرتني". افتحي فيديو قصير تحفيزي عن السعي. وكل يوم نهاية، اكتبي 3 حاجات خلّصتيها في ورقة. أنتِ مش لوحدك، ربنا معاكي والبركة في وقتك واضحة. خلّصي المنهج خطوة خطوة، وهتجيبي درجات حلوة إن شاء الله. لو عاوزة خطة مفصّلة أكتر لفيزياء أو إنجليزي، قوليلي. ابحثي في فدني عن "نصائح ثالثة ثانوي" هتلاقي إجابات كتير من خبراء. يلا يا أولى جمهورية، قومي غداً وابدأي بالبقرة، ربنا يوفقك ويفرح قلبك! 💪❤️
تم النشر الأحد، ٢٢ مارس ٢٠٢٦
بإذن الله، تسلميلي والله بجد وانتي اكتر من أخت والله ربنا يوفقك في حياتك ويرضي عنك يارب 🤍
تم النشر الأحد، ٢٢ مارس ٢٠٢٦
بحاول وحاطه قدامي فكره عدم الإستسلام وان مش هخسر ولا هندم ابدا بس مش فاهمه مالي كنت ناويه اطلع من رمضان ادمر الدنيا مذاكره واعمل مجهود معملتوش قبل كدا بس لقيت نفسي بالحاله دي بس هقاوم لأن ربنا وعدني وان الله لا يخلف الميعاد ربنا يفرحك ويعوضك ويعفو عنك ويرضيكي يارب بجد فرحت اوي ان حد نصحني من بدايه السنه كنت بنصح زمايلي وانا مكنتش لاقيه حد خالص يقولي كلمه حتي أهلي جزاكِ الله كل الخير يارب 🤍
تم النشر الأحد، ٢٢ مارس ٢٠٢٦
لا تقلقي ابدا اي حد ناجح وشاطر بيمر بنفس اللي انتي فيه ده ف اعتبريه دليل على نجاحك وبخطه صغيره كله هيبقى زي الفل بإذن الله، وانا موجوده في اي وقت تحبي تتكلمي اعتبريني اختك الكبيره بجد وهبقى سعيده بده
تم النشر الأحد، ٢٢ مارس ٢٠٢٦
ربنا يحفظك ويكرمك وتخلصي على خير كملي وربنا كريم وواثقه ان حد باليقين ده اكيد ربنا هيكرمه وشايلك خير كبير وان شاء الله تيجي وتقولي انك وصلتي للي بتحلمي بيه، انتي عارفه انتي عايزه ايه وطبيعي يبقى في فتور فتره، السنه طويله فده عادي متحبطيش ركزي انك ترجعي واحده واحده شوفي اكتر ماده بتحبيها وبتندمجي فيها وابدأي بيها مره ع مره هتلاقيكي رجعتي تنجزي والشعور ده هيساعدك تكملي بإذن الله ولو في حد بيقولك كلام بيسببلك احباط ف بلاش منه دلوقتي يدوبك خلي طاقتك للاساسيات ولو تقدري تزودي اي حاجه تفكي بيها عن نفسك لو ساعه ف اليوم اظن هتفرق وربنا يوفقك
تم النشر الأحد، ٢٢ مارس ٢٠٢٦
وخلي الكلمة دي في بالك ... اذا بذلتي المجهود فارضي بالموجود وإن لم تحققي المقصود 😊...
تم النشر الأحد، ٢٢ مارس ٢٠٢٦
لعرض السؤال في فدني اضغط هنا