السلام عليكم ،
كنت تبت من ذنب الغيبة بس كنت قاعده و بحكي ان المسقط "مكان كل الشقق عندها شبابيك فيه فبنبقى سامعين لو في مشكلة او كدا او حد صوته عالي"
كنت بحكي ان في ناس بيصدعوني و في منهم الي بيزعق و في منهم اللي بيغني و في اللي بيحكي عن كذا فوالدي قال في واحد عاق لوالديه بيفضل يزعق فيهم و يشتم و صوته بيبقى عالي بسمعه قولتله اه عارفاه فقالي مين؟
قولتله مش عايزه اقول و فضل يلح عليا يعرف مين و انا ليه مش عايزه اقول فقولتله عشان هبقى بفضحه فقالي هو مفضوح اصلا ، روحت غيرت الموضوع راح رجع يلح ان يعرف تاني هو مين فقولتله ،قالي ازاي ده متدين فقولتله معرفش بقا
انا مش عارفه كدا وقعت ف غيبه ولا فضحت مسلم؟
و اعمل إيه ، عارفه ان كفارة الغيبه اروح اعتذر من الشخص بس ازاي ؟ كدا هعمل ذنب تاني هو ان هتواصل مع واحد و غلط
و في بيقولو ان اصلح اللي عملته و اروح اصلح صورته قدام اللي شوهتها ، طب ازاي بردو ؟ انا لو صلحت صورته بإن مدحته قدام والدي كدا هتفهم غلط و هتفهم ان اعرفه و هقع في مصيبه تانيه
مش عارفه اعمل ايه و بردو نفس الحكايه كنت زمان اغتبت خطيب صاحبتي و هي سابته و مبقتش عارفه اعمل الكفارة ازاي لا ينفع اعتذر ولا اصلح صورته قدام حد عشان هتفهم غلط
وعليكم السلام ورحمة الله وبركاته يا حبيبتي، أولاً، الله يبارك في توبتك ويثبتك عليها، وأنتِ عارفة إن الغيبة ذنب كبير، بس الحمد لله، باب التوبة مفتوح، والله غفور رحيم. كفارة الغيبة هي توبة نصوحة عملية: الندم الصادق + الاستغفار : قولي "أستغفر الله العظيم الذي لا إله إلا هو الحي القيوم وأتوب إليه" كتير، وادعي للشخص بالهداية والصلاح سرًا (مثل: الله يهديه ويصلح بينه وبين أهله). الإقلاع والعزم : اقفلي باب الغيبة نهائيًا، ولو حد سأل، قولي "خلاص، مش هتكلم في حاجة زي كده". إصلاح الضرر إن أمكن دون ذنب أكبر : ما تعتذريش له مباشرة ، عشان زي ما قلتِ هيفتح باب تواصل غلط مع غير محرم. للإصلاح قدام والدك : ادعي له بالخير عمومًا قدام أبوكِ (مثل: "ربنا يهدي الشباب ده ويصلح أحواله") بدون اسم، أو قولي حاجة إيجابية عامة زي "فيه شباب كويسين بيحاولوا يصلحوا". كده تصلحي الصورة بدون فضيحة جديدة. صدقة : طلعي كفارة بسيطة، زي صدقة عن الشخص اللي اغتبتِه، بنية الكفارة. نفس الخطوات لقصة خطيب الصديقة السابقة – الدعاء والصدقة كفاية، خاصة إنه خلص الموضوع وسابته. يا قمر، ابدئي دلوقتي بالاستغفار والدعاء، وربنا هيقبل إن شاء الله. لو عايزة تفاصيل أكتر أو استشارة شرعية دقيقة، روحي على صفحة الخبراء في فدني https://www.fedni.net/experts وابحثي عن عالم دين، أو دوري على أسئلة مشابهة في التطبيق هتلاقي إجابات كتير. ربنا يغفرلكِ ويستركِ، وأنتِ قوية وهتقدري! 💕
تم النشر الأربعاء، ١١ فبراير ٢٠٢٦
مش عارفه اقولك اي بجد يبقا خلاص استغفري ربنا وانسي الي حصل وربنا يهدي يارب
تم النشر الخميس، ١٢ فبراير ٢٠٢٦
@Dareen 🌷 فعلا جزاكي الله خيرا ، شكراً
تم النشر الأربعاء، ١١ فبراير ٢٠٢٦
ادعيله بظهر الغيب وبلاش تروحي تعتذري لان اولا مينفعش تروحي تكلمي راجل غريب عنك ثانيه ده هيكون في مفسدة ليكي لأهلك وهيفتكروا انكم قاعدين تجيبوا في سيرة الناس. احسن حاجة ادعيله وخلاص
تم النشر الأربعاء، ١١ فبراير ٢٠٢٦
تتوبي بينك وبين ربنا تندم بجد تستغفر تعزمي انك مش تعملي كده تاني
تم النشر الأربعاء، ١١ فبراير ٢٠٢٦
أي مسألة ليها تفصيل عشان متوهيش،
تم النشر الأربعاء، ١١ فبراير ٢٠٢٦
@شمس عواد اللهم آمين ، جزاكي الله خيراً شكرا على اجابتك
تم النشر الخميس، ١٢ فبراير ٢٠٢٦
@شمس عواد حضرتك عندك حق بس هو بابا سامع الخناقات ذيي و عارف هو بيقول ايه ف من الغريب أن اقوله ع حاجه هو مسمعهاش ده غير ان الخناقات مستمرة ربنا يهدء فيما بينهم يا رب
تم النشر الخميس، ١٢ فبراير ٢٠٢٦
ممكن تقولي لوالدك مش انا كنت قاعده وسمعت الراجل الي قصدك عليه بقا ببتكلم مع والده وولدته وليقولهم انه اسف وبيعتذر جدا علي الي كان بيعملو وانه كان في ساعت غضب وبعدين لقيت ولدته بتدعيلو وبتقول عليه كلام حلو يعني.واضح انه كان متعصب وهو بيقول كدا هي دي كذبه وكبيره بس انه تتكلمي علي حد في غيابه وبالسوء كمان اكبر، غلط قولي لولدك كده وربنا عالم انك عملتي كدا عشان تصلحي صوره الشخص ده ومتبقيش وقعتي فالغلط
تم النشر الخميس، ١٢ فبراير ٢٠٢٦
لعرض السؤال في فدني اضغط هنا