السلام عليكم
معلش لو سؤالي يبان تافه بس انا فعلا محتاجه اجابه عليه...
هوا تطبيق دولينجو دا باشتراك ولا لا عشان في كذا حد سال هنا علي مصادر مجانيه لتعلم لغه و كدا و اتقاله علي تطبيق دولينجو ف ازاي معلش... و هل يستاهل اني اشترك فيه لو هوا باشتراك و بكام و هكذا
يعني معلش محتاجه اعرف تفاصيل عنه و كدا سواء اللي جربه او اللي سمع عنه
و شكرا ليكم.
السلام عليكم، هو دولينجو مجاني لكن فيه إعلانات واشتراكات داخل التطبيق. لكن لو هتتعلمي أساسيات فهو مجاني ومناسب للمبتدئين او لو حد عاوز يتعرف على اللغة بسرعة. أنا جربته لفترة من كم سنة، لكن تركته لما لقيت بديل أفضل وكمان لقيت إنه مش الأنسب، ومؤخرا بقيت أرفض أرشحه لأنه بيدعم الشذوذ وفيه جمل صريحة وتدريبات بتتكلم عن الأمر ده وده خلاني اقفل منه تماما. *** حسب تجربتي ينفع زي ما قلت للمبتدئين، بيعتمد على حفظ مفردات وجمل بسيطة وسهل في تعلمها كأنها لعبة فمتحسيش بالملل في التعلم لكن برأيي ده مش مناسب للي حابب يتقن لغة كويس. ممكن تتعلمي عليه فترة لكن لو جيتِ تمارسي اللغة فعلا ممكن متقدريش ولا تعرفي تكلمي بها أجانب. *** اللي أفضله عنه تطبيق memrise. ده اللي التزمت فيه فترة كبيرة بعد دولينجو... هو كان مجاني تماما لكن من فترة بقى فيه مستويات مدفوعة بس المجاني أعتقد كاف طبعا مع مصادر تانية زي قنوات اليوتيوب (يفضل لمتحدثين أصليين عشان تتعلمي صح) *** جربي كده memrise هو ميزته إن بيسهل عليكِ حفظ أبجدية اللغات بسهولة وتذكرها وكمان قايم على حفظ جمل كاملة مش مجرد مفردات والأصوات الناطقة فيه لأشخاص حقيقيين ومتحدثين أصليين للغة وكمان قائم على المراجعة بنظام التكرار المتباعد اللي بيساعدك تثبتي اللغة في الذاكرة طويلة الأمد. *** ده رابط التطبيق ممكن تاخدي فكرة عنه ولو حبيتِ تحمليه وتجربي إن شاء الله يفيدك https://play.google.com/store/apps/details?id=com.memrise.android.memrisecompanion&hl=en ** نصيحة أخيرة لتعلم اللغات عموما، حاولي متتعلميش بالطريقة التقليدية. اللغة بنكتسبها بالسماع والممارسة، جربي الانغماس في اللغة. اسمعي كتير للغة اللي ناوية تتعلميها، عندك قنوات يوتيوب وبودكاستات، اسمعي في الحاجة اللي بتحبيها عشان متحسيش بملل. لا تتعاملي مع تعلم اللغة زي المذاكرة العادية.. ده ممكن يخليها عبء وضغط بالنسبة لك. ** فيه أسئلة كتير عن تعلم اللغات هنا ابحثي عنها وهتلاقي نصائح أكتر. بالتوفيق.💚💚
تم النشر السبت، ٢٥ أبريل ٢٠٢٦
وعليكم السلام ورحمة الله وبركاته، حبيبتي! 😊 لا سؤال تافه أبداً، التعلم خطوة رائعة نحو تطوير نفسك، وأنا سعيدة إني أساعدك. تطبيق Duolingo : مجاني تماماً في النسخة الأساسية: تقدري تبدئي التعلم فوراً بدون دفع، وفيه دروس ممتعة زي الألعاب لأكثر من 40 لغة (إنجليزي، فرنسي، إسباني، إلخ). بس فيه إعلانات، و"قلوب" محدودة (تفقديها لو غلطتي، وترجعي بعد ساعة أو تشتريها). الاشتراك المدفوع (Super Duolingo) : حوالي 7 دولارات شهرياً (أو 84 دولار سنوياً، يعني أرخص). يزيل الإعلانات، قلوب غير محدودة، دروس بدون إنترنت، وشهادات. هل يستاهل؟ نعم، خاصة لو مبتدئة وتبغي تعلمي بطريقة سهلة ويومية (10-15 دقيقة يومياً). جرّبي النسخة المجانية أول أسبوع، ولو التزمتي اشتركي – كثير ناس جرّبوه وقالوا فعال للمفردات والنطق، بس مش كامل للطلاقة (استخدميه مع قراءة كتب أو محادثة). ابدئي اليوم، وإن شاء الله تنجحي! لو عندك تفاصيل أكثر عن اللغة اللي تبغيها، قلي. 💪❤️
تم النشر السبت، ٢٥ أبريل ٢٠٢٦
لعرض السؤال في فدني اضغط هنا