هو مفروض ازاي نتعامل مع توهان ازاي نتعامل مع دنيا صعبه دي ؟
لي كل حاجه صعبه ليه ؟
ونا صغيره كانت دنيا وردي بس لما كبرت مكنتش اعرف انها هتبقي بصعوبة دي 😑
السلام عليكم و رحمه الله و بركاته، حابه افهمك نقطة معينه غفلتي عنها سؤال هي الدنيا ليه صعبه كدا إجابته أنتِ ذكرتيها بدون علم منك صعبه "عشان هي دُنيا" ،يعني دار ابتلاء مش مطلوب أبدا تبقا سهله لإنها مش جنة ،إحنا في إختبار عشان ربنا يشوف مين الي يستاهل بجد يدخل جنتة و مين الي كان مُفسد في الأرض و ميستاهلش ،مش معنى كدا إنك تتشائمي من الدنيا و لكن أتعاملي معاها صح و بحكمه في ناس ربنا أعطاهم دُنيا و خسروا أخرة و ربنا قال عنهم {الَّذِينَ اتَّخَذُوا دِينَهُمْ لَهْوًا وَلَعِبًا وَغَرَّتْهُمُ الْحَيَاةُ الدُّنْيَا ۚ فَالْيَوْمَ نَنسَاهُمْ كَمَا نَسُوا لِقَاءَ يَوْمِهِمْ هَٰذَا وَمَا كَانُوا بِآيَاتِنَا يَجْحَدُونَ} و في ناس على الجانب الأخر ربنا أعطاهم دُنيا بس مازالوا شاكرين و بيُقيموا حدود اللّٰه ، و لو أصابهم ابتلاء حمدوه و صَبروا ، مش لازم تكوني من الفئة التانيه يمكن ربنا مش عايز ده و أكيد في حكمه علينا إننا نشكُره و نرضى بقضاءه و مين عارف مش يمكن ربنا لو رزقك دُنيا تبعدي عنه و تبقي من الفئة الأولى؟ ساعتها هتبقي أشد الناس خسارة يمكن عشان ربنا رحيم بيكي و عارف إن نفسك ضعيفه ف منع عنك النعم الي ممكن تسوقك للنار!! و ده مثال و افتراض من وسط افتراضات كتير محدش فينا يعرفها لإن ربنا وحده علَّام الغيوب ف كل الي علينا نرضى ، سواء ربنا أعطانا دُنيا ف الحمد للّٰه و لو سبحانه و تعالى ابتلانا بردو الحمد للّٰه في الحالتين الفائز مش الي معاه دُنيا أو لاء الفائز الحقيقي هو العابد و الراضي بحكم اللّٰه. أشد مثال هم الصحابه ، دخلو الدين و ربنا ابتلاهم كتير و إبتلاءات صعبه محدش في زماننا يقدر يستحملها منهم الي قريش اخدو حياته و بيته و أضطر يهاجر لبلد تانيه و منهم الي كبراء قريش كانو بيستنو الشمس تحمى عشان يعذبوه و يجلدوه و في منهم الي مات من كتر العذاب أنتِ متخيله!! و منهم من جاهد في سبيل اللّٰه و قُتل، يعني محدش فيهم مثلاً جاهد أو اتعذب كل ده ف ربنا اداله دُنيا ولا حتى هم كانوا مستنين دُنيا و استمتاع بيها ، الأنبياء نفسهم و هم أكثر الناس قرابه من اللّٰه كان ربنا بيبتليهم و بيصبروا و يحمدوه و مكنوش مستنين مقابل ده دُنيا ، ف مين إحنا عشان نرفض ابتلاءات و قضاء ربنا و نستنى من العباده دُنيا؟؟ كلهم عارفين إن الدُنيا فانيه و مستشعرين المعنى ده بجد ،و برغم من إن ربنا مش أعطاهم دُنيا لكن أعطاهم آخره عايزاكي تتخيلي إن من ساعة م ماتو لحد اللحظه الي بكلمك فيها دي هم دلوقتي بيُنعَّموا في الجنة ، مُقابل ٤٠ أو ٦٠ أو حتى ٧٠ سنه عذاب و إبتلاء في الدُنيا بجنة هم موجودين فيها من آلاف السنين لحد عصرنا ده!! ف كل المطلوب منك متسأليش ليه و لا تقولي اشمعنى عشان ربنا عنده حكمه و هو وحده عارف السبب ف خليكي حامده و التفتي للنعم الي عندك في الدُنيا بصر و سمع و أيد و صحه ف الحمد للّٰه كل النعم دي غيرك يتمناها و يتمنى حياتك كلها!! بسم اللّٰه الرحمن الرحيم {قُلْ مَتَاعُ الدُّنْيَا قَلِيلٌ وَالْآخِرَةُ خَيْرٌ لِّمَنِ اتَّقَىٰ وَلَا تُظْلَمُونَ فَتِيلًا}.
تم النشر السبت، ١ نوفمبر ٢٠٢٥
مرحباً يا صديقتي، الدنيا فعلاً مش دايمًا وردية، وغالبًا مع الزمن نكتشف إن الحياة مليانة تحديات وصعوبات ما توقعناهاش واحنا صغيرين. بس الحقيقة إن التعامل مع الدنيا وفهمها بيحتاج خطوات ووعي مش بس عاطفة. خليني أساعدك تفصلي الموضوع شوية: 1. فهم طبيعة الدنيا الدنيا دار اختبار، مثل ما قال الله تعالى في القرآن: "وَمَا هَٰذِهِ الْحَيَاةُ الدُّنْيَا إِلَّا لَهْوٌ وَلَعِبٌ ۚ وَإِنَّ الدَّارَ الْآخِرَةَ لَهِيَ الْحَيَوَانُ ۚ لَوْ كَانُوا يَعْلَمُونَ" (العنكبوت: 64). معرفتنا ده يعطينا نظرة أعمق ونستعد أكثر. 2. التعامل مع الصعوبات بالواقعية والإيجابية قبول الصعوبات: مش معنى إن الدنيا صعبة إننا نكسر، بالعكس، كل صعوبة بتعلمنا حاجة جديدة. التخطيط والتنظيم: حاولي تكسري مشاكلك الكبيرة لمشاكل صغيرة وتتعاملي معها واحدة واحدة. الصبر والمثابرة: مفتاح النجاح في الدنيا هو الصبر، وتذكري قوله تعالى: "إِنَّ مَعَ الْعُسْرِ يُسْرًا" (الشرح: 6). 3. طلب الدعم والنصح ما فيش حد بيقدر يمشي لوحده في الدنيا، وكلنا بنحتاج مساعدة. ممكن تطلبي مشورة أهل الخبرة أو تستشيري مختصين نفسيين أو حتى تستفيدي من خبرات الناس اللي عبروا صعوبات. 4. التركيز على القيم الإيجابية في حياتك رباطك بالله: دائماً ابني علاقتك بالله، وتوكلي عليه، واحتسبي عملك عنده. العائلة والأصدقاء: احتفظي بالعلاقات اللي بتدعمك. تنمية الذات: تعلمي مهارات جديدة، حاولي تواجهي التحديات بروح قوية. 5. اختاري وجهة نظرك لو الحياة بالنسبة لك صعبة وخانقة، جربي تغيري نظرتك للأشياء، ابدئي بالتركيز على الجوانب الجميلة حتى لو كانت بسيطة. ممكن تكتبي يوميات إيجابية، تمدك بطاقة. وأخيرًا، الدنيا صعبة، بس أنتِ أقوى مما تتخيلي! أوقات الصعوبة تختبرنا لكن بتعلمنا وبتقوينا. داومي على ذكر الله وكوني صبورة وحاولي تحسني من وضعك خطوة بخطوة. لو حابة، يمكنك زيارة صفحة الخبراء في فدني من هنا لو حبيتي تعمقي أكثر أو تأخدي استشارة تخصصية تساعدك. هل تحبي نساعدك على وضع خطة حياتية أو خطوات عملية تبدأي بيها؟ ذكية هنا دائمًا معاكِ. 🌷
تم النشر الخميس، ٣٠ أكتوبر ٢٠٢٥
لانها دار اختبار وليست دار قرار يا اختي .. بمعني اصح ادركي لماذا خلقك الله وماهي مهمتك التي يجب عليك فعلها في هذه الدنيا .. حاولى انجاز مهمة خلقك وانجحي بإذن الله في الاختبار الذي انزلك الله فيه مثلنا .. هذا اجمالا وبإختصار شديد .. هذا والله اعلم
تم النشر السبت، ١ نوفمبر ٢٠٢٥
خليني أقولك حاجة مهمة: مش لازم تتعاملي مع الدنيا كلها دفعة واحدة. اتعاملي مع النهارده بس، مش الأسبوع الجاي ولا السنة الجاية. خدي كل يوم بخطوة صغيرة، حتى لو بسيطة جدًا. والتوهان اللي حاساه دلوقتي ممكن يكون بداية طريقك لفهم نفسك أكتر، مش نهاية الطريق. ساعات لما نحس إننا تايهين، ده لأننا بدأنا ندوّر فعلًا على معنى حقيقي لحياتنا، مش مجرد نعيشها بالعافية.
تم النشر الاثنين، ٣ نوفمبر ٢٠٢٥
احمد ربنا
تم النشر الاثنين، ٣ نوفمبر ٢٠٢٥
اتقبلي الواقع وأنها الحياة وانا طفولتك انتهت مع اول امتحان ليكي واهلا بيكي في مجتمع الكبار 😂
تم النشر الأحد، ٢ نوفمبر ٢٠٢٥
الدنيا صعبة لما الإنسان بيفضل يجري فيها منغير استراحة ... خلي الصلاة والقرآن والقيام والتوكل على الله مستراح لك وغذاء
تم النشر الجمعة، ٣١ أكتوبر ٢٠٢٥
والله يا قلبى هي صعبه على الكل مش عليكى بس😂🤍 بس انا هقولك حاولي اي مشكله تواجهك تعديها حاولي تبقى أقوى من كده لأن الدنيا دي عايزه واحد قويه و واعيه و اي موقف هيكون صعب عليكى في يوم هتيجى بعدها و بعد ما الموقف يعدى تضحكي على اللى حصل فى وقتها ، كل حاجه يتعدي و الحياه بتمشي انتي بس خليكي واعيه و هتعدي ب اي حاجه مهما كانت ايه ربنا يوفقك فى حياتك يا جميله🤍
تم النشر الجمعة، ٣١ أكتوبر ٢٠٢٥
احمدى ربنا على اى حال
تم النشر الجمعة، ٣١ أكتوبر ٢٠٢٥
لعرض السؤال في فدني اضغط هنا