شكرا لتوجيه السؤال ليا الاكتئاب والقلق ممكن يكونو هما سبب التوتر وكثرة التفكير ، شرود الذهن وتشتت التركيز والاسباب بتختلف من شخص للتاني، بحسب الظروف اللي هو عايشها وبالتالي الاجابة او التوجيه المناسب لحضرتك ، هيحتاج اعرف تفاصيل كتير منك ، عشان اقدر افيدك بالرد المناسب ولكن بشكل عام ، لو الاكتئاب (لو فعلا هو اكتئاب، لانه ممكن يكون حزن او احباط) والقلق ، لو مستمرين معاك لفترة طويلة اكتر من 4 شهور ، ومافيش اسباب او ظروف كبيرة كانت مسببهاهم ، ولو حياتك متعطلة ، شغلك او دراستك او علاقاتك بالناس حواليك بدات تبوظ بسبب الاكتئاب او القلق .. فحضرتك محتاج الدعم والمساندة النفسية في جلسات مستمرة اسبوعية مع متخصص نفسي ، اخصائي/معالج او طبيب نفسي .. لان هتحتاج كلام مباشر مع المتخصص عشان يقدر يقدملك الخطوات المناسبة اللي تسرع في التحسن والتعافي
لعرض الإجابة في فدني اضغط هنا