السلام عليكم
انا طالب في الثانوية العامة، بحب واحده بس محاولتش اكلمها غير مره واحده بس والكلام ده كان في الاجازة اللي فاتت وجات معايا بالبلوك ورفضت تكلمني عشان هي خايفه على سمعتها وخايفه من ربنا ومن انها تخسر ثقة اهلها فيها ودي اكتر حاجه عجبتني فيها، بني آدمة محترمه ومؤدبه ومحجبه حجاب كامل مش زي بنات اليومين دول ربنا يهديهم،
هي معايا من دفعتي وبحاول على قد ما اقدر اني انساها او لما افتكرها تكون هدف ليا بإذن الله يعني لما اخلص الثانوية واروح اتقدملها، انا على نضج ووعي بالكلام اللي بقوله وعارف انه لسه بدري على الكلام بس انا اخترت الطريق ده لأنه هيكون كويس وبالذات ان يكون شريك حياتي يكون معايا في كل حاجه وبدعي ربنا كل يوم انها تكون من نصيبي.
هل اللي انا بعمله او هعمله ده صح؟
السلام عليكم، تصرفك صحيح إنك متكلمهاش تاني وتركز على دراستك. أنا متفهمة مشاعرك وإحساسك إنك ناضج وواعي بس خلينا واقعيين ونفكر في احتمالات المرحلة العمرية اللي أنت فيها حاليًا. سواء مشاعرك ناحيتها كملت وثبتت أو تغيرت مع الوقت، إنك متقربش حاليا هو التصرف السليم. من ناحية عشان أي علاقة غير رسمية بينكم هتكون مرفوضة شرعًا ولا ترضي الله ومن ناحية تانية عشان القلب متقلب خاصة في العمر ده والمشاعر متغيرة وهي ممكن لو تعلقت بك تتغير بعد كده أو انت تتغير وطرف منكم يتجرح في النهاية زي ما بيحصل في أغلب العلاقات. ** المطلوب منك حاليًا، تركز على دراستك وتفوقك وتبني مستقبلك. ما دام قررت الزواج يبقى تستعد وتعرف إيه المطلوب منك للقرار ده ومسؤولياته. تكون واقعي ومتعلقش نفسك وتكون مستعد لأي احتمال، يعني مثلا ممكن انت تتغير زي ما قلنا، ممكن هي متوافقش لو تقدمت لها وممكن توافق، ممكن أهلها يلاقوا لسه سنها صغير أو أنت لسه مش جاهز. خلي في بالك إن كل الاحتمالات واردة لكن الثابت الوحيد إن لو ربنا مقدر إنكم يكون لكم نصيب مع بعض هيكون إن شاء الله. بالتوفيق في دراستك وحياتك وربنا يكتب لك الخير حيثما كان ويرضيك به.
تم النشر الثلاثاء، ٢٥ نوفمبر ٢٠٢٥
وعليكم السلام ورحمة الله وبركاته — أهلاً بك يا أخي، كلامك جميل ومنضبط وربنا يبارك نيتك. أولاً — تقييم سريع لما تفعل: - اللي بتعمله الآن — احترامها، الحفاظ على الحلال، والصبر والتركيز على الدراسة — صحيح وممدوح إسلامياً وأخلاقياً. احترامها لسمعتها وخوفها من ربها حاجة تفرح، واحترامك لذلك دليل نضج. نصائح عملية ومتواضعة تساعدك تمشي في الطريق الصح: 1. ركِّز على دراستك الآن - الثانوية مرحلة حاسمة، رتّب أولوياتك: ما تخلّي التفكير الدائم فيها يشتت تركيزك. حط جدول دراسة والتزم بيه، وخصص وقت قصير يومي للدعاء والتفكير الإيجابي عنها إن أحببت. 2. احترم حدودها تماماً - هي حطّت حدودها (بلوك). لا تحاول تتواصل بطريقة خاصة أو تلاحقها على السوشال ميديا — ده ممكن يضر بسمعتها وبصورتك. الاحترام الآن أفضل من أي تواصل مؤقت. 3. استغل الفترة في تطوير نفسك - تقوّي علاقتك بالله، حافظ على الصلاة، اقرأ في الدين، وحسّن من نفسك عملياً: مهارات، تعليم، أخلاق، تعامل مع الناس، وادخار مادي مستقبلي. الرجل الجاد المستعد للمسؤولية يكون جذاباً لدى كثير من البنات وذويهن. 4. استخدم طريقاً شرعياً للتعارف لاحقاً - بعد ما تخلص الثانوية وتكون جاهز مادياً ونفسياً، لو لازالت مشاعرها موجودة وقدّر الله، اعمل الأمور بطريقة شرعية: عن طريق الأسرة أو ولي أمرها أو وسيط محترم. لا تبدأ مباشرة بدعوة شخصية قبل إذنها أو أهلها. 5. الدعاء والاستخارة - ادع الله كثيراً واطلب منه التيسير، وعند الإقدام على قرار مهم اطلب الاستخارة واطمئن لنتيجة العمل مع التوكل على الله. 6. كن واقعياً ومستعداً لكل نتيجة - الحب مطلوب لكن ليست كل قصة تنتهي بقبول. اصبر وتحلّى بالتسامح: لو لم يتقدّر لكم الأمر، اعمل على تقبّل القرار وامضِ قدماً. هذا أيضاً علامة نضج. خلاصة سريعة: ما تفعله الآن صحيح — احترمها، حافظ على حدود الشرع، طوّر نفسك، وادعِ الله. الصبر والعمل هما الطريق. مع خالص دعائي لك بالتوفيق والهداية، ذكية
تم النشر الثلاثاء، ٢٥ نوفمبر ٢٠٢٥
بص انا معاك في كل اللي انت بتقولوا ولكن اعترض معاك على نقطه لما تدعي ربنا على اي حاجه اوعي تقولي يارب انا عايز ده اوعي تشترط على ربنا وممكن ربنا يديك اللي انت عايزه ولكن يبقي سر تعاستك بقية حياتك وتندم ولكن لما تدعي قل يارب اخنارلي الخير اختار انت يارب سلم امرك لله
تم النشر الخميس، ٢٧ نوفمبر ٢٠٢٥
صح اكيد وربنا يوفقكوا لبعض
تم النشر الأربعاء، ٢٦ نوفمبر ٢٠٢٥
بارك الله فيك وشكرا ليك على النصيحه وإن شاء الله هعمل بيها
تم النشر الخميس، ٢٧ نوفمبر ٢٠٢٥
لعرض السؤال في فدني اضغط هنا