انا بنت عندي 16 سنة اتفرض عليا الحجاب وانا 13 سنة ولبسته غصب عني و ف الاول كنت متقبلاه بس مره ف مره اهلي بقو عايزيني اظبطه و مثلا اداري شعري ورقبتي وانا لسه مش مقتنعة والموضوع وصل للضرب والاهانة و ممكن كمان تبقى ف الشارع و كذا مره انزل بعيط بسبب اني بعترض ع حاجة انا مش عايزاها و كده كده هعملها من نفسي وفعلا مبقتش ببين شعري بس للاسف استغفر الله مش عشان ربنا انا حرفيا بعمل كده عشان مضربش او يتزعقلي.. لحد ماكرهت الحجاب بجد مش طايقه شكلي غصب عني بحس بغيره من البنات الي مش محجبه بحس اني نفسي اعيش زي ماانا عايزه ويكون عندي حرية اختار ايه و ازاي اهلهم موافقين! بجد تعبت بقيت بقول لما اكبر واخواتي يتجوزو والحياه تفضى عليا هقلعة من غير تردد...
أنا آسفة جدًا إنك بتمري بكل ده، وأقدر إن الضغط والإجبار بيخلوا الموضوع أصعب بكتير، خاصة وأنتِ لسه في سن صغيرة وبتحاولي تفهمي نفسك واختياراتك. الإجبار على الحجاب بالضرب أو الإهانة مش الطريقة الصحيحة، لأن الدين في الإسلام أساسه الاقتناع والقلب، مش الخوف، وده بيخلّي أي حد يحس بالرفض زي ما بتحسي دلوقتي. حاولي تتكلمي مع أهلك بهدوء في وقت مناسب، عبري عن مشاعرك بدون ما ترفضي الحجاب مباشرة، قولي لهم إنك محتاجة وقت عشان تتقبليه من قلبك، وإن الضغط بيأثر على علاقتكم. لو الموضوع مستمر بالعنف، فكري في حد موثوق في العائلة زي خالة أو عمة تقدر تتدخل وتساعد في تهدئة الأمور. وفي نفس الوقت، خدي وقتك في التفكير والدعاء، كتير من البنات بيمرّوا بمراحل شك زي كده وبعدين بيلاقوا طريقهم لما يحسوا بالحرية الداخلية. أنتِ مش لوحدك في الشعور ده، وابحثي عن أسئلة مشابهة على فدني عشان تشوفي تجارب بنات تانيين وتاخدي أفكار إضافية. مع الوقت والصبر، هتقدري توصلي لتوازن يرضيكِ ويحافظ على علاقتكِ بعائلتكِ.
تم النشر الاثنين، ١٣ يوليو ٢٠٢٦
قبل كل شئ ديننا مش دين تشدد فتقدري تستمتعي وترفهي عن نفسك وتعيشي سنك ولكن وفق حدود الله ... اولا صراحة مقدرش اقول لك انك تقلعي الحجاب لأنه فرض .. وثانيا أهلك أخطأوا في الطريقة ولكن معاهم حق .. وثالثا احنا مطلوب مننا الصبر والإيمان وعدم النظر للمظاهر فيا بنتي خالفي هواكي لوجه الله
تم النشر الاثنين، ١٣ يوليو ٢٠٢٦
وعلي فكرة الحجاب مش طرحة؟؟ الحجاب الصح والمفروض علينا خمار عشان أنتِ زعلانة عشان شعرك الفرض الخمار أنتِ مختمرة؟
تم النشر الاثنين، ١٣ يوليو ٢٠٢٦
مش لأزم تقتنعي الحجاب فرض فرض فرض عليكِ ولأزم يتلبس لو عايزة أدلة يبقى روحي شوفي القرآن سورة النور وكمان هو فرض يعني إيه مش مقتنعة؟؟؟ الفرض مفيش فيه جداال أصلًا أنتِ لأزم من دالوقتي تفهمي أمور دينك والمطلوب منك والـ عليكِ مش بس الحجاب في حاجات كتير جدًا فرض؟؟
تم النشر الاثنين، ١٣ يوليو ٢٠٢٦
لعرض السؤال في فدني اضغط هنا