انا طالبه تانيه ثانوي وعندي مشكله اني مراكمه كتير ومش عارفه الم الي فاتني ولا اشوف الي جي
السلام عليكم، أعتقد إنكم مش بادئين بقالكم كتير وحتى المدارس لسه هتبدأ أصلا فبلاش توتري نفسك وتضغطيها من البداية. هتعرفي تلمي اللي فات لما تبدئي، طول ما أنتِ عمالة مركزة إن فاتك كتير وتراكم عليكِ دروس كتير طول ما هتحسي بضيق وخنقة ومش هتقدري تبدئي. متركزيش على المتراكم وركزي على إنك تبدئي وإنك تنظمي وقتك وتوازني بين مذاكرة الدروس القديمة والجديدة. شوفي وقتك الأول بيضيع في إيه ممكن تلاقي وقت كتير ممكن تستفيدي منه، وممكن تستعيني بالذكاء الاصطناعي إنه يعمل لك خطة منظمة لمذاكرة المواد حسب وقتك ومواعيد دروسك وتراعي كمان اوقات نشاطك وتركيزك. *** شوفي إجابتي على السؤال ده فيها شوية نصائح ورابط لسؤال تاني عن إزاي توازني مذاكرة ومراجعة القديم والجديد. https://www.fedni.net/q/37522649 *** أول خطوة بتبقى صعبة بس لما تاخديها الجاي هيبقى أسهل إن شاء الله، فاستعيني بالله وابدئي. وربنا يوفقك إن شاء الله.💚💚
تم النشر الثلاثاء، ٨ سبتمبر ٢٠٢٦
يا بنتي، أول حاجة أحب أقولها لك إن اللي بتمرّي بيه طبيعي جدًا في السنة دي، وكتير من الطالبات بيحسوا بنفس الضغط ده. التراكم بيحصل لما الضغط يزيد والوقت يضيق، بس الحلو إنك قادرة تتعاملي معاه لو قسمتيه خطوة بخطوة. ابدئي بعمل قائمة واضحة: خدي ورقة أو مذكرة واكتبي كل المواد اللي عندك، وبعدين قسمي كل مادة لمواضيع فاتتك ومواضيع جاية. رتبي المواضيع حسب الأهمية أو الامتحانات القريبة، وابدئي بمادة واحدة بس في اليوم عشان ما تتشتتيش. مثلاً، خصّصي ساعتين يوميًا لمراجعة اللي فات، وساعة للجديد، واستخدمي تقنية بسيطة زي "25 دقيقة دراسة + 5 دقايق راحة" عشان تحافظي على تركيزك. لو حسيتي إن التراكم كبير أوي، ركزي على الأساسيات أولاً (المواضيع اللي بتتكرر في الامتحانات) واطلبي مساعدة من معلمة أو زميلة في المواضيع الصعبة. كمان، حاولي تعملي جدول أسبوعي واقعي يناسب طاقتك، وكل ما تخلّصي جزء احتفلي بنفسك حتى لو بكلمة تشجيع. أنتِ قادرة تتجاوزي ده، وكل خطوة صغيرة هتخلّي الوضع أسهل. لو عايزة أساعدك في ترتيب جدول معين أو أفكار لمادة محددة، قوليلي.
تم النشر الثلاثاء، ٨ سبتمبر ٢٠٢٦
حاولي تهدي انتي في أول السنه متضغطيش على نفسك نظمي وقتك بأن الأولويات الجديد وفي وقت الفراغ ممكن تجيبي القديم اهم حاجه الجديد معاكي لانه الاكثر والي مطلوب منك حاليا ولو ركزتي على القديم مش هتعرفي تركزي على الجديد وكله هيتلم سوا بإذن الله وربنا يكرمك يارب
تم النشر الخميس، ١٠ سبتمبر ٢٠٢٦
حفظ الوقت.... هو الحل
تم النشر الثلاثاء، ٨ سبتمبر ٢٠٢٦
ركزي على الي مش مراكماه و خدي السنة الجاية الي مراكماه و الطريقة انك مبتحضريش الامتحان الاساسي ولا الدور التاني و تروحي المدرسة تختاري المادتتين الي تغيبتي عنها
تم النشر الجمعة، ١١ سبتمبر ٢٠٢٦
جربي قسمي السنة على اتنين
تم النشر الجمعة، ١١ سبتمبر ٢٠٢٦
حاولي بكل الطرق تخلصي المتراكم دا لو هتخلصي فى شهر حتي بس حاولي طول ما انتي بتفكري بس و مش بتحولي صدقيني مش هتعملي حاجه هتلاقي نفسك دايما زهقانه و مهمومه و مش مرتاحه كدا و تايه فى المنهج و صحابك بيتكلموا عن المنهج و انتي مش عارفه تقولي حاجه نفسيتك هتتعب ف لا بالله عليكي حاولي تخرجي من الجو دا و خلصي كل اللي عليكي و ربنا يوفقك يعيوني
تم النشر الجمعة، ١١ سبتمبر ٢٠٢٦
لعرض السؤال في فدني اضغط هنا