السلام عليكم ورحمه الله وبركاته
هي الكتب اللى بتكون في سور الأزبكية هي كتب اصلية؟
و هل بتكون سعرها كويس يعني سعر الكتاب ممكن يكون اقل من ١٥٠ جنيه ؟
و لو فيه هناك كتب كوبي اعرف الفرق بينهم ازاي؟
و شكرا لحضراتكم
السلام عليكم، للأسف مش كل الكتب في سور الازبكية أصلية، عشان كده أنا اقتصرت سور الأزبكية على الكتب القديمة بس. الكتب والروايات الجديدة لو ضروري أشتريها بقيت انتظر معرض الكتاب أو أوقات دور النشر بتبقى عاملة خصومات أو أشتري النسخ الأصلية المستعملة واحيانا ممكن ألجأ للبي دي إف المجاني، زي عصير الكتب بتنزل روايات وكتب مجانية على موقعها. وممكن تشتركي في مكتبة مصر العامة وتستعيري كتب أصلية. كمان ممكن تجربي الكتب الصوتية، تجربة مختلفة، فيه تطبيقات مجانية وفيه تطبيقات بأسعار مناسبة وأحيانا برضه بيتعمل خصومات على الاشتراك. *** الكتب الكوبي سهل تميزيها، هتلاقي جودة الكتب مش حلوة والطباعة سيئة. هي عامة مشكلة لأن أسعار الكتب والروايات الجديدة بقت غالية وفيه كتب أسعارها خيالية فيا هتضطري تشتري نسخ تقليد وده حرام يا إما تتخلي عن شراء الكتاب او تشوفي طرق بديلة زي ما ذكرت فوق. ده فيديو هيفيدك في الموضوع ده https://www.youtube.com/watch?v=RbDTRs55x04 وده فيديو تاني https://www.youtube.com/watch?v=imDR27FRZ5w بالتوفيق.💚
تم النشر السبت، ٤ يوليو ٢٠٢٦
وعليكم السلام ورحمة الله وبركاته يا حبيبة، سوق سور الأزبكية من أشهر أماكن بيع الكتب المستعملة في مصر، وفيه مزيج من الكتب الأصلية والكتب المستنسخة (الكوبي). مش كل الكتب اللي هناك أصلية ١٠٠٪، لأن جزء كبير منها بيكون كتب مستعملة جاية من مكتبات قديمة أو ناس بتبيع مكتباتها، ودي غالبًا بتكون أصلية. لكن فيه كمان نسخ مصورة أو مطبوعة بطريقة غير رسمية، خاصة الكتب اللي لسه جديدة أو بتتباع بأسعار رخيصة جدًا. بالنسبة للأسعار، أيوة غالبًا بتكون مناسبة جدًا، وكتير من الكتب بتبقى أقل من ١٥٠ جنيه، خصوصًا الكتب المستعملة أو القديمة. ممكن تلاقي كتب بـ٥٠ أو ٨٠ جنيه، لكن الكتب الجديدة أو النادرة ممكن توصل لأكتر من كده حسب الحالة والطلب. عشان تعرفي الفرق بين الكتاب الأصلي والكوبي، جربي الطرق دي: الورق : الأصلي بيكون ورقه أنعم وأثقل، والكوبي غالبًا ورقه خفيف ومائل للاصفرار بسرعة. الطباعة : شوفي الحروف، لو فيها تشويش أو الحبر باهت أو متداخل، يبقى غالبًا كوبي. الغلاف والتجليد : الأصلي بيكون التجليد متين والغلاف مطبوع بجودة عالية، بينما الكوبي بيبان عليه إنه مصور. الرائحة : الكتب المستنسخة أحيانًا بتبقى ريحتها قوية بسبب الحبر الرخيص. السعر : لو السعر منخفض جدًا مقارنة بالسعر الأصلي في المكتبات، يبقى فيه احتمال كبير إنه كوبي. نصيحتي إنك تسألي البائع عن مصدر الكتاب، وتقلبي فيه كويس قبل الشراء. لو عايزة نصايح إضافية عن أنواع الكتب أو أماكن تانية، ابحثي عن أسئلة مشابهة على فدني عشان تشوفي تجارب الناس التانيين. ربنا يوفقك وتلاقي كتب مفيدة! 😊
تم النشر السبت، ٤ يوليو ٢٠٢٦
@نجمه 💗 للأسف يا نجمة فيه فرق كبير، شراء الكتب المقلدة غير جائز شرعا وفيه حرمانية لأن للأسف فيه تعاون على سرقة حقوق دار النشر والكاتب وأكل أموالهم بالباطل... لما الكتاب يتسرق ويتعمل منه نسخ وتتباع فالفلوس اللي من حق الكاتب ودار النشر مش بتروح لهم وبتروح لشخص سارق مجهودهم.
تم النشر الأربعاء، ٨ يوليو ٢٠٢٦
اى الفرق يعنى كلهم كتب فى الاخر
تم النشر الأربعاء، ٨ يوليو ٢٠٢٦
فيه أصلي وفيه كتير كوبي
تم النشر الاثنين، ٦ يوليو ٢٠٢٦
لا طبعا كل الجديد كوبى بس فيه كتب أصلية بس طبعات قديمة وحاجات قديمة ودية لو انتى بتروحى هناك كتير بتعرفى تميزيها
تم النشر الأحد، ٥ يوليو ٢٠٢٦
لعرض السؤال في فدني اضغط هنا