انا ف تالته ثانوى ازهر
و امتحانتى قربت
وانا مش حافظه كلمات انجليزى كتير زى اى طالب
و مش خاتمه القران زى اى طالب ف تالته ازهر
و مش عارفه اعمل اى
ممكن نصيحه
ولو حد عارف مذكرة pdf فيها كلمات كتيرة ياريت يفدنى
السلام عليكم ورحمة الله وبركاته، أهلًا لك... أنا أيضًا في الصف الثالث الثانوي أزهر، وأخبرك بنصيحتي.. بالنسبة للإنجليزية: لا تحفظي كلمات عشوائيًا، كل يوم خذي 10 كلمات فقط من المنهج نفسه، واكتبي كل كلمة في جملة، راجعيهم في نفس اليوم قبل النوم، ثم أعيديهم بعد يومين، التكرار أهم من الكمية، ويجب أن تسمعي الكلمات سواء لنفسك والأفضل ورقيًا، ولو أمكن المتابعة مع أستاذ ستفيدك كثيرًا. وبالنسبة للقرآن: لا تفكري في “ختمة كاملة” الآن، حددي وردًا ثابتًا صغيرًا جدًا — نصف صفحة أو صفحة يوميًا — المهم الاستمرار لا السرعة، ولو فاتك يوم لا تعاقبي نفسك، فقط عودي في اليوم التالي، اكتبي جدولًا أسبوعيًا بسيطًا: ساعة إنجليزي يوميًا، ورد ثابت للقرآن، ومراجعة مادة أساسية كل يومين، الفكرة ليست أن ننجز كل شيء دفعة واحدة، بل أن نمشي خطوة ثابتة كل يوم. والتوتر لن ينجز بدلًا منك، لكن الهدوء سيفعل، وتذكري أنكِ لستِ متأخرة، أنتِ فقط تحتاجين تنظيمًا… وبمجرد أن تبدئي، سيخف القلق وحده. وفقك الله ووفقني لما يحبه ويرضاه 📚🌸
تم النشر الأحد، ١ مارس ٢٠٢٦
بصي بلاش تشتتي نفسك مش لازم تحفظي قاموس ركزي على كلمات المنهج الأساسية (Keywords) اللي في كل وحدة، دي اللي بيجي منها الاختياري والترجمة. الامتحانات السابقة حلي امتحانات أزهر السنين اللي فاتت كتير، هتلاقي الكلمات المهمة بتتكرر، واحفظي اللي يقف قدامك بس. الجرامر اضمنيه في جيبك لأنه فهم وقواعد ثابتة، بيلم درجات أسرع من حفظ الكلمات. القرآن الكريم امشي بمبدأ القليل الدائم مفيش وقت تراجعي المصحف كله، ركزي على أوائل السور و المواضع المشهورة اللي بتيجي في امتحانات الأزهر دايماً. التسميع الذاتي طول ما أنتي ماشية أو بتعملي حاجة، شغلي السورة اللي بتراجعيها في ودنك صوت، ده بيثبت الحفظ جداً من غير مجهود. الماضي القريب ركزي جداً على الأجزاء اللي مقررة عليكي السنة دي (الجزء الأخير في المنهج) لأن أسئلته بتبقى مباشرة أكتر. ارمي التلفون من ايدك ده أكبر عدو ليكي دلوقتي. ونامي كويس السهر بيخليكي تنسي اللي حفظتيه. 6 ساعات نوم كفاية جداً. وخديها تحدي قولي أنا هعمل اللي عليا في الكام يوم دول والباقي على ربنا، وصدقيني ربنا بيجبر الخاطر في الآخر. حتى لو كنتى مقصره قبل كدا نصيحة أخيرة الأزهر امتحاناته بتعتمد كتير على التكرار، فلو حليتي امتحانات الـ 5 سنين اللي فاتوا في كل مادة، هتخشى الامتحان وأنتي مطمنة بنسبة 80%. وانا بقلك كدا لاني مريت بيها قبل كدا والحمد لله واقفلي وسائل التواصل الاجتماعي كلها، حتى واتساب ،وركزي على هدفك الكام شهر دول.وجد ربنا يوفقك ويكرمك
تم النشر الأحد، ١ مارس ٢٠٢٦
أسهل طريقة لحفظ كلمات اللغة الإنجليزية هي البطاقات التعليمية، وأفضل تطبيق لذلك هو Quizlet، بعد كتابة الكلمات على البرنامج سيقوم بتحويلها لاختبارات تفاعلية يمكن الرجوع إليها في أي وقت، هيساعدك في حفظ كلمات كتير حتى لو مستواكِ في اللغة ضغيف. بعد حفظ كلمات الدرس عن طريق هذا البرنامج، حاولي تحلي أكبر قدر ممكن من الأسئلة على الدرس لتثبيت حفظ الكلمات والتعود على حل الأسئلة. الإنجليزي تراكمي احفظي أي كلمة جديدة عليكِ مش لازم كلمات المنهج فقط، ابحثي عن أهم كلمات اللغة الإنجليزية واحفظيهم عن طريق الكتابة والسماع والتكرار أو عن طريق البرنامج السابق ذكره. السر في حفظ القرآن هو الاستعانة بالله أولا ثم الاستمرارية، تخيلي لو بتحفظي ربع كل أسبوع فخلال شهر هتكوني حفظتِ حزب (نصف جزء)، ولو ربعين في الأسبوع، خلال شهر هتكوني حفظتِ جزء كامل، ولو حفظك بطيء أو خايفة تحفظي كم كبير فتكسلي أو الاستمرارية تقل أو تنعدم، فالأفضل تحفظي صفحة واحدة في اليوم أو نصف صفحة من منهجك (سورة البقرة وسورة آل عمران) ومن الماضي احفظي أوائل السور فقط.
تم النشر الثلاثاء، ٣ مارس ٢٠٢٦
يا حبيبتي، أول حاجة: لا تقلقي خالص ، اللي زيك كتير في تالتة أزهر، والوقت لسه كفاية لو رتبتي نفسك. ربنا يوفقك وييسرلك، وادعي ربنا كتير: "رب زدني علما" 💕. الصورة اللي بعتيها حلوة أوي. نصائح سريعة وعملية للدراسة: لكلمات الإنجليزي (مش هتحفظي كل حاجة، بس هتتقدمي بسرعة): ابدئي بـ 50 كلمة يوميًا بس. استخدمي فلاش كاردز (اكتبي الكلمة قدام، معناها ورا، وجملة مثال). راجعيها كل يومين بطريقة التكرار المتباعد : النهاردة، بكرة، بعد يومين، بعد أسبوع. حملي تطبيق Anki أو Quizlet (مجاني)، حطي فيه الكلمات المهمة من المنهج الأزهري. شوفي فيديوهات يوتيوب وبودكاست. اقري جمل كاملة مش كلمات لوحدها، زي قصص قصيرة من موقع British Council. لختم القرآن (أهم حاجة في الأزهر): حددي جزء واحد يوميًا (أو نص جزء لو الوقت ضيق). اقري بتدبر، واستعيذي بالله قبل كل جلسة. هدفك ختم مرة كاملة قبل الامتحانات، وراجعي اللي حفظتيه سابقًا. اجعليها روتين صباحي بعد الفجر، مع الدعاء: "اللهم اجعل القرآن ربيع قلبي". جدول يومي عام (ابدئي النهاردة): | الوقت | النشاط | | 6-8 ص | قرآن + إنجليزي كلمات | | 9-12 م | مواد رئيسية (رياضيات/علوم) | | 2-4 م | إنجليزي + مراجعة | | 8-10 م | قرآن + أي حاجة ناقصة | درس 45 دقيقة، استراحة 10 دقايق (اشربي شاي زي اللي في الصورة 😊). نامي 7 ساعات، وكلي وجبات خفيفة صحية. دوري في Fedni على أسئلة مشابهة عن "نصائح تالتة أزهر"، هتلاقي إجابات كتير من خبراء. لو عايزة استشارة شخصية، روحي للخبراء صفحتهم. أنتِ قدها! ربنا يفتح عليكِ، وردي بعد أسبوع تحكي إيه اللي عملتيه 🌟. ذكية معاكِ دايمًا!
تم النشر الأحد، ١ مارس ٢٠٢٦
يكفي ال عمران والبقره واول السورة تبصي علي الإمتحانات السابقه استعين بالله وهتقفله انا السنه الي قبل اللي فاتت والحمد لله قفلته شفوي وتحريري بفضل الله بالطريقه ده
تم النشر الاثنين، ٢ مارس ٢٠٢٦
الموضوع دا سهل بس انت عندك استعداد
تم النشر الأحد، ١ مارس ٢٠٢٦
شكرا ليكم جزاك الله خيرا وبارك الله فيكم
تم النشر الأحد، ٨ مارس ٢٠٢٦
وبالنسبة للقرآن احفظ بس البقرة وآل عمران والنساء كويس و اوائل السور من تحت وكدا هتضمني حوالي 35درجه لأن معظم الامتحان واكتر من نصفه بيكون من البقرة وآل عمران بس وممكن يجي سوالف من النساء وسؤال اواىل سور من جزء من تحت وممكن شوال واحد يجي من منتصف سور من تحت ومش هيكون درجاته كتير
تم النشر الأحد، ١ مارس ٢٠٢٦
مش لازم يكون عندك حفظ كلمات وحصيله لغويه كتير علشان تعرفي تذاكري الانجليزي ممكن تترجمي الكلمات وتحفظ الكلمات بتاع الدرس هيا هتحتاج شوية مجهود بس مش اكتر لان كل كلمه في الكتاب تقريبا لازم تترجمها أي تطبيق ترجمه أو في خاصيه ف جوجل اسمها ترجمة جوجل أو عدسة جوجل بتصور الصفحه وبيترجمها ل عربي اتمنى اكون قدرت اساعدك
تم النشر الأحد، ١ مارس ٢٠٢٦
لعرض السؤال في فدني اضغط هنا