السلام عليكم
سؤالي للشباب اي السبب الي بيخليك تفكر تتجوز على مراتك بعيد عن الحمل والكلام دا يعني من الاخر كدا هي انسانه محترمه وبتأدي كل واجبتها وتعرف ربنا ومحافظه على بيتها وعيالها والله الموضوع مش شخصي بس نفسي افهم بجد
وكمان في رجاله بتخبي عليها طب ليه هي من حقها تعرف علفكرة لأنها عندها مشاعر ومتقوليش خفت عليها لأ هي ليها تعرف عشان يا تكمل يا ماتكملش وهي معاها حق وكمان حابه اعرف شعورك لو مثلا ربنا استغفر الله يعني بقول مثلا كان محللها تتجوز عليك وعرفت انها اتجوزت من وراك ايه شعورك ساعتها ما هي هتكون خايفه على مشاعرك برضو وعارفه ان مينفعش اصلا بس الست بتتكسر وبتحس بالخيانه لما بتكتشف حاجه زي كدا ومش بعمم محدش ياخد الكلام على نفسه
وعليكم السلام... بصي هو في اكتر من سبب زي انه حب بنت تانيه او ان في اهمال مش ملحوظ بالنسبالك وملحوظ بالنسباله او عنده حب تغيير وفي اسباب كتير وبما ان الشرع محلل 4 مفيش مشاكل انه يتجوز اكتر من 1 لكن بشرط المساواه بينكم يعني الحنان الي هيدهولها والاحتواء مفروض انه يعمله معاكي برضو انما بقى بالنسبه لـ ليه هو بيخبي عليكي دي على حسب بس على الاغلب بيكون سببها انه خايف على مشاعرك وضميره بيأنبه وخايف انك ترفضي ومش عايز يضايقك وفي بعض الناس بتحس انهم لما يتحوزو اكتر من حد كده حاجه غلط عشان كده مش بيقول ليكي عموما كده كده هيتجوز لو حب لانه غصب عنه ودي مشاعر الا شويه رجاله مش بيكونو عايزين يأذو مشاعر زوجاتهم ودول عشان منكذبش على بعض يتعدو على الصوابع لان الاحصائيات العالميه ان الراجل بيقدر يحب لحد 45 مره في اليوم وممكن يحب لمده 5 دقايق بس عارف كلامي ممكن يكون اتكرر عليكي كتير بس حاولت افيد على قد ما اقدر واسف لو مقدرتش افيدك
تم النشر الخميس، ١٢ يونيو ٢٠٢٥
وعليكم السلام الاعجاب باكثر من امرأه هى طبيعة موجوده فى نسبة من الرجال لذلك وضع الله الامر فى اطار الشريعه وحدده باربع فقط النيه فى الزواج هى بالاعجاب وحب تملك ما اعجبهم ( ليس الامر دائما باسباب منطقية كما ننتظر ) هى طبيعة موجوده فى نسبة من الذكور فقط لا عيب ولا حرمانيه فى ذلك ....هو خيار مفتوح وله شروطه ومن اهمها ( العدل بين الزوجات ) للرجل الحق فى الزواج مره اخرى وللمرأه اذا علمت بالامر وكان هذا يمثل ضررا عليها ان تطلب الطلاق وهذا حقها فى المقابل
تم النشر الأربعاء، ١١ يونيو ٢٠٢٥
وعليكم السلام ورحمة الله، شكرًا لكِ على طرح هذا السؤال المهم والحساس. أكيد الموضوع معقد وفيه مشاعر كثيرة متداخلة، وسأحاول أشرح لك الموضوع ببساطة مع محاولة فهم شعور كل طرف. أولاً: لماذا يفكر بعض الرجال في الزواج من ثانية رغم أن الزوجة محترمة وتؤدي واجباتها؟ هناك أسباب كثيرة ممكن تدفع الرجل للتفكير في الزواج الثاني، منها: احتياجات أو توقعات غير متوفرة: أحيانًا يكون هناك فروقات في الاحتياجات العاطفية أو النفسية، أو الشعور بنقص شيء في العلاقة الحالية، وهذا لا يعني بالضرورة تقصير الزوجة بل أحيانًا اختلاف في الطبيعة أو التوقعات. الرغبة في الإنجاب (رغم أنك قلت بعيد عنها): أحيانًا يكون موضوع الحمل هو من أسباب التفكير، لكن كما قلتِ، نحن نُبعد ذلك. التأثر بالبيئة أو المجتمع: بعض الرجال يتأثرون بأصدقاء أو المجتمع الذي يبرر الزواج الثاني، وقد يتحمسون لفكرة التعدد بدون استشارة الزوجة أو مراعاة مشاعرها. عدم التواصل والشفافية: أحيانًا يكون هنالك ضعف في الحوار المفتوح بين الزوجين عن الرغبات والمشاعر، فيبحث الرجل عن حل بعيد. الرغبة في التنوع أو تجربة تجربة جديدة: للأسف أحيانًا تكون الرغبة هذه قائمة، وليست أسباب موضوعية. أنا هنا لأي استفسار أو دعم تحتاجينه، لا تترددي بالسؤال يا غالية.
تم النشر الأربعاء، ١١ يونيو ٢٠٢٥
معاك حق كل حاله ولها وضعها الخاص وحكمها برضو
تم النشر الأربعاء، ١٨ يونيو ٢٠٢٥
كلام مقنع .. والحقيقة اننا منتكلمش في المطلق فكل حالة معينة لها كلام مختلف .
تم النشر الأربعاء، ١٨ يونيو ٢٠٢٥
ربنا يهديهم ويصلح حالهم
تم النشر الخميس، ١٢ يونيو ٢٠٢٥
ايوا في رجاله كدا الله يسامحهم بيتشطروا ع الحريم بس يا ويلهم دول عند ربنا دا الرسول عليه افضل الصلاة وأتم التسليم وصى على المرأه ، والي بيطلع غضبه وقوته في واحدة ست مايبقاش راجل بصراحه
تم النشر الأربعاء، ١١ يونيو ٢٠٢٥
ومش بتكلم عن مجرد راجل عصبي دي عادي انا بتكلم عن شخص لا يخاف الله .. ميعرفش يدافع عن نفسه لو حد اذاه من الرجال .. فبيطلع غله وحقده في المرأة المسكينة
تم النشر الأربعاء، ١١ يونيو ٢٠٢٥
اكيد طبعا والمرأة الضعيفة اللي متعرفش تكتفي بنفسها فالله يعينها لو وقعت في راجل جبار في الأرض فخلاص غالبا مش هتقدر تطلع من عنده إلا ما الراجل ده يموت وطبعا هيكون خد منها الكثير بتكلم على الجانب النفسي
تم النشر الأربعاء، ١١ يونيو ٢٠٢٥
اسباب نفسية .... الملل من الروتين وحب التغيير . الإعجاب بامرأة معينة . وتقصير من الزوجة الأولى وهكذا ما دام حلال خلاص ايه يمنع ...... وأكيد الأفضل ان تكون المرأة أقوى من أن تنهار بسبب تعلقها برجل تزوج عليها
تم النشر الأربعاء، ١١ يونيو ٢٠٢٥
تعرف الرسول عليه افضل الصلاة والسلام الي مفيش مخلوق على وجه الأرض زيه ولا هيكون في كان بيعرف عادي زوجاته وكان بيعدل ، بس وجهة نظرك تحترم برضو وكمان في وجهة نظر تانيه أنها لو عرفت من برا هيكون الوضع تاني خالص ، وصح احنا نسلم الأمر لله ونعم بالله وهو الي بيحاسب على النوايا مش احنا
تم النشر الأربعاء، ١٨ يونيو ٢٠٢٥
دام الموضوع حلال احنا نسلم الأمر لمن خلقنا ويعلم طبيعتنا ودوافعنا وتفاصيلنا فهو من خلقنا اصلا
تم النشر الأربعاء، ١٨ يونيو ٢٠٢٥
والحقيقة انه متزوج بدون علمك فليه يقول لك ويعكر عليكي سعادتك
تم النشر الأربعاء، ١٨ يونيو ٢٠٢٥
اعتبري نفسك متزوجة وعشتي ومتّي وزوجك كريم ووفي وعمره ما يفكر يتزوج حد غيرك .. هتكوني سعيدة ولا لا .. اكيد سعيدة
تم النشر الأربعاء، ١٨ يونيو ٢٠٢٥
كلامك جميل بس كان سؤالي برضو بيقول لو مفيش اي مشاكل سواء بقا حمل او ايا كان لكن لو في ظروف تمام مفيش مشكله وشكرا لحضرتك انك فدتنا كلنا
تم النشر الأربعاء، ١٨ يونيو ٢٠٢٥
عدم اخبار الزوجه هذا ليس رأيي انا بل رأي عامه الفقهاء ، لو كان هذا حرام لقال الله عنه انه حرام ..وانا لا اشجع على التعدد لان كل حالة لها ظروفها لكن بشكل عام التعدد نظام اجتماعي اسلامي عادل فكري بجميع جوانبة ايضا .قد تجدي من هي بحاجة الى زوج كي تكمتل حياتها الموضوع لايخص الرجل فقط .
تم النشر الأربعاء، ١٨ يونيو ٢٠٢٥
ايوا عارفه ان في اختلاف ومينفعش ، بس بتكلم على المشاعر عموما دي وجهات نظر والاكيد ان في رجاله كتير شايفه ان عدم اخبار الزوجه دا الأفضل والله اعلم بنياتهم بس مع احترامي لكل حاجه دا أقل حق ليها أنها تعرف عشان متكنش ماشيه على عماها ويا تكمل يا لأ وزي مانت اختارت غيرها هي من حقها متوقفش حياتها على الزعل والتعلق وعدم الثقه والي انصح اي ست بيه انها تبقى واثقه من نفسها وميهمهاش رأي حد فيها لان دا هيزعزعك وخلاص والست الي تفضل عشان بيتها وعيالها دي ست بمية راجل وربنا يبارك فيها ومش بتدور على خراب بيتها ، والي وصلني برضو من كلامك ان لو عندك القدرة على الزواج من أخرى هتتجوز ويارب يكون في عدل زي ماربنا قال برضو
تم النشر الأربعاء، ١٨ يونيو ٢٠٢٥
الموضوع ليس بهذه السهولة اولا المقارنة خاطئة التعدد محلل للرجل ولايمكن ان تتصور ذلك للمرأة لاختلاف طبيعة كلا منهما . اما الاسباب فكثيرة اهما الرغبة والاحتياج لامراة اخرى والشارع الحكيم حلل هذا لعلمه بحاجة البشر وما يصلحهم . واخبار الاولى ليس شرطا عند العلماء يجوز عدم اخبارها اذا كان ذلك الانسب .والزواج سنة والتعدد حكمة اذا توفرت شروطه
تم النشر الأربعاء، ١٨ يونيو ٢٠٢٥
يارب
تم النشر الخميس، ١٢ يونيو ٢٠٢٥
مهي مش هتقف اكيد من حقها تعيش حياتها هي كمان
تم النشر الأربعاء، ١١ يونيو ٢٠٢٥
ايه نفي
تم النشر الأربعاء، ١١ يونيو ٢٠٢٥
اسباب نفي
تم النشر الأربعاء، ١١ يونيو ٢٠٢٥
لعرض السؤال في فدني اضغط هنا