انا طالب فرقة تانية علوم جامعة عين شمس قسم نبات كيمياء والفكرة أن انا فكرة هتخرج اشتغل اي دي مشتتاني جدا يعني انا حاليا اتعلمت مهارة وشغال جرافيك ديزاين و تايبسيت جمب الدراسة بس برضو فكرة التخرج وان زمايلي بينزلوا تدريبات وكدة وانا لسة معنديش خبرة ده مشتتني شوية
يعني انا كل اما اسأل على تدريب يبقى النوع صيدلة بس مثلا او محتاج مقابل مادي كبير او محتاج فرقة تالتة ورابعة ف انا نزلت تبع شركة تحاليل كانوا عاملين ٤ محاضرات تعريف بالمجال واخدت شهادتين أن انا حضرت الاربع محاضرات وتعلمت سحب دم وكدة بس قلت انزل تدريب في معمل لقيت لازم أقل حاجة فرقة تالتة و الشهادتين دول ملهمش لازمة ف انا حاليا مشتت جدا مش عارف اعمل اي ياريت حد يساعدني
تهدى ، انت مش في سباق ، و محدش بيجري وراك يلحقك ولا محتاج تلحق حد ، انت هو انت ، عيش تجربتك ، عيش حياتك ، اتعلم و اتدرب لكن ما تنساش تستمتع من وقت للتاني ، ده اللي هيديلك باور انك تقدر تكمل سعي ، لو شايف ان تدريب الماديات ممكن يجيب نتيجة و يفيدك فتقدر تشتغل أي شغلانه تجمع ماديات للتدري ، افضل استثمار هو استثمارك في تطوير نفسك ، و بالتوفيق 😊
تم النشر الجمعة، ٢٧ مارس ٢٠٢٦
خطوة خطوة بدون ضغط على نفسك مش طبيعي نفكر في حاجة هتحصل بعد تلت سنين .. الأصح إننا نركز على اللي احنا فيه دلؤتي وخاصة إنك ما شاء الله ناجح ومحقق حاجات جميلة. كون إنك جرافيك دزاين دي بحييك عليها لانك فكرت برة الصندوق وقررت تتعلم مهارة تدخلك ولو دخل بسيط بحيث تكون مستقل ماديا حتى لو اتخرجت واتاخرت في الشغل هيكون عندك شيء بتعمله لحد لما تلاقي فرصة مناسبة فلما تلاقي عقلك بيسوحك في المستقبل استعرص النجاحات اللي حققتها وانك ما شاء الله محقق حاجات كويسة النقطة التانية احنا في زمن الوظايف بقت كتير ومختلفة يعني مثلا خريجين صيدلة بقى دلؤتي جزء منهم مش بيشتغل الشغل العادي بل بيعملوا منتجات تجميل وعناية ويأسسوا براندات ناجحة خريجين طب بدأوا يتعلموا ترجمة طبية وكتابات مقالات طبية فيشتغلوا جنب شغلهم أو حتى بعيد عنهم تماما بنفس تخصصهم فأفكار الشغل بتكون كتير مش تحصرها في مج ال واحد .. وباذن الله ربنا يرزقك الاصلح والخير لك
تم النشر السبت، ٢٨ مارس ٢٠٢٦
أول حاجة أقولك إن تشتتك ده طبيعي جدًا في الفرقة التانية، كتير من الطلاب بيحسوا كده قبل ما يفهموا الطريق. ربنا يوفقك وييسر أمرك، وأنت شغال صح إنك بتطور مهارات زي الجرافيك ديزاين والتايبسيت – دول حلوين لفريلانس أو شغل في شركات علمية (تصميم بوسترات بحث أو تقارير). خطة عملية سريعة عشان تخرج من التشتت: ركز على الفرقة الجاية : استنى الفرقة التالتة عشان التدريبات الرسمية تفتح، وخلي الشهادتين دول في سيرتك الذاتية كدليل إنك مهتم (هيساعدوا في مقابلات). فرص بديلة دلوقتي : دور على تطوع في معامل جامعة عين شمس أو كليات تانية (مثل قسم البيئة أو النبات في مزارع بحثية). ابحث عن "تدريب صيفي مجاني" في شركات أغذية/تحاليل/بيئة عبر LinkedIn أو Facebook groups زي "وظائف علوم عين شمس". طور مشاريع صغيرة: اعمل تجربة نبات بسيطة في البيت (زراعة هيدروبونيك) وصورها، هتكون خبرة. ابني خبرتك : خد كورسات أونلاين مجانية على Coursera في "Plant Biotechnology" أو "Lab Techniques"، وطبق الجرافيك فيها عشان portfolio قوي. بعد التخرج : مجالك واسع – معامل تحاليل، شركات أدوية، زراعة، أو حتى تسويق علمي بمهاراتك الديزاين. ادعي ربنا يفتحلك أبواب الرزق، وخد خطوة صغيرة كل يوم. أنت قادر، استمر وهتنجح إن شاء الله! 💪❤️
تم النشر الجمعة، ٢٧ مارس ٢٠٢٦
اللهم امين واياك يارب شكرا لحضرتك
تم النشر الجمعة، ٢٧ مارس ٢٠٢٦
بس هو انا محضرتش الملتقى دة قبل كدة وناس حضروه قالولي مستفادوش حاجة ف انا مستني السنة الجاية لما يتعمل عشان اجرب احضر
تم النشر الجمعة، ٢٧ مارس ٢٠٢٦
شكرا جدا لحضرتك
تم النشر الجمعة، ٢٧ مارس ٢٠٢٦
متستعجلش يا صاحبى ولا تفكر فى بعد التخرج فكر الأول فى اللى انت فية دلوقتى وهو انك تتخرج ب أعلى درجة ممكنة بيفرق بعد كدا فى تقديمك للشركات + بداية من تالتة ورابعة بتبدأ تفهم انت حياتك هتكملها ازاى من حيث التخصص والمجال على هذا الأساس بتقرر اية التدريبات اللى هتاخدها + ونصيحة طور نفيك فى الجرافيك والطريق اللى انت ماشى فية أكتر واكتر ربنا يوفقك ويوفقنا
تم النشر الجمعة، ٢٧ مارس ٢٠٢٦
اظن في هناك ملقتى الخريجين بيبقى شركات وبيبدا ناس تتكلم ازاي بدأت الكارير بتاعها وممكن يعرضو تدريبات او فرص لبعدين بس معرفش معادها هو تقريبا اتعمل السنه دي خلاص لأن اختي في علوم برده وحضرته ف عامة كده كده انت قربت تخلص السنه دي والجرافيك ديزاين مجال جميل كمل واتعلم وممكن في الاجازه تدور ع تدريبات تاني خصوصا في جروبات اظن للموضوع ده ممكن تدور على الفيس او تسال ناس في القسم بتاعك بس اكبر منك بس يعني بلاش تشتت نفسك خليك في اللي بتتعلمه وممكن تظبط اللغه في الاجازه دي لو مش مظبطها اوي والسنه الجايه هيبقى متاح تنزل تدريبات اكتر + احضر الملقتى ده اما يعلنو عنه لانه بيبقى فيه شركات كتير وبيساعدو الناس جامد على حد علمي وربنا يوفقك
تم النشر الجمعة، ٢٧ مارس ٢٠٢٦
لعرض السؤال في فدني اضغط هنا