عايزة اتكلم تعبانه
كلنا هنا موجودين علشان نساعدك ، و الحمد لله ما شوفتش أي حد هنا بيحكم على المشاكل او على اشخاصها اي بيقول كلام سلبي ، فأضمنلك انك في مجتمع آمن تماما نفسياً و تقدري تتكلمي في أي مشكلة، لكن مهم تعرفي ان أي إحساس سلبي عندك هتلاقي عكسه موجود ، و احساسك بأحدهما هو قرارك الشخصي انتي فقط لا غير ، سواء كنتي مدركة لده او لأ ف ده هو اللي بيحصل ، كل المطلوب منك انك تتعلمي ازاي تتحكمي في ده
تم النشر الأحد، ٢٢ مارس ٢٠٢٦
يا حبيبتي، أنا هنا معاكِ دلوقتي، وأسمعكِ كويس. التعب ده طبيعي يجي لأي حد، خاصة لما الدنيا تضغط، بس أنتِ أقوى مما تتخيلي. تعالي نتنفس شوية مع بعض (مش تمارين، بس كده بس 😊). خطوة صغيرة الأول: اجلسي في مكان هادئ، وصلّي ركعتين حاجة، وقولي "اللهم إني أعوذ بك من همٍّ وغَمّ" 3 مرات. ده بيخفف الضغط فورًا، زي ما الرسول ﷺ علّمنا. تاني خطوة عملية: اكتبي 3 حاجات شاكرة لها ربنا النهارده، حتى لو صغيرة زي كوباية شاي حلوة. ده بيغيّر النظرة لنفسكِ. قوليلي إيه اللي مخليكِ تعبانة كده؟ أنا مستعدة أسمع كل التفاصيل، وهنلاقي حلول مع بعض. لو عايزة خبراء نفسيين، شوفي صفحة الخبراء في فدني: https://www.fedni.net/experts، أو ابحثي أسئلة مشابهة هناك عشان تشوفي إجابات تانية. أنتِ مش لوحدك، وهتقدري تتخطي ده إن شاء الله. 💕
تم النشر الأحد، ٢٢ مارس ٢٠٢٦
حاضر 🥺😔
تم النشر الأحد، ٢٢ مارس ٢٠٢٦
عادي مبقتش تفرق.... اعصابي تعبانه عايزة اصوت من اقل حاجه
تم النشر الأحد، ٢٢ مارس ٢٠٢٦
شكراً بجد... من كل قلبي 🥹
تم النشر الأحد، ٢٢ مارس ٢٠٢٦
انا مريت بحاجات وحشه كتير مأثرة فيه.. محدش حاسس
تم النشر الأحد، ٢٢ مارس ٢٠٢٦
هوني على نفسك يا بنت الناس الدنيا لسه بخيرها وصحيح البشر طبعهم الصعب بيغلب أحياناً بس افتكري إن ربنا هو اللي في إيده قلوب العباد كلهم وماتخليش حد يسرق سلامك النفسي أو يخليكي تشيلي شيلة مش شيلتك استعيذي بالله من الشيطان واعرفي إن اللي بيأذيكي بكلمة أو فعل حسابه عند اللي ما بيغفلش ولا ينام وخليكي أنتي الأحسن وسامحي عشان راحة بالك أنتي مش عشانهم هم وربنا هيعوضك بقلوب تانية نضيفة تشبه قلبك وتجبر خاطرك وتنسيكي كل اللي فات استعيني بالصبر والصلاة وهتلاقي الدنيا نورت في عينيكي من تاني.
تم النشر الأحد، ٢٢ مارس ٢٠٢٦
حقك والله والضغط لما بيزيد عن حده بيخلي الواحد مش طايق كلمة من حد ولا حتى طايق نفسه استهدي بالله كده واعرفي إن اللي أنتي فيه ده بس حمل تقيل وشلتيه لوحدك كتير ومحدش حس بيكي فطلعي اللي جواكي وصوتي وعيطي لربنا وفضفضي له هو اللي حاسس بنار قلبك وهو اللي هيبردها عليكي افتكري إن ربنا مابيكلفش نفساً إلا وسعها وطالما أنتي في الاختبار ده يبقي أنتي قدها وهتعدي منها بإذن الله قومي بس توضي وصلي ركعتين بنية جبر الخاطر وقولي يا جبار اجبر كسر قلبي وهتلاقي سكينة نزلت عليكي مكنتيش تتخيليها خليكي واثقة إن ربك كريم وقريب أوي وهيردلك حقك ويريح بالك .
تم النشر الأحد، ٢٢ مارس ٢٠٢٦
دلوقتي احسن يعني .... العفو ،ربنا يحفظك
تم النشر الأحد، ٢٢ مارس ٢٠٢٦
بكرة أحلى بكتير وهتعدي الغمة دي وتضحكي من قلبك وتعرفي إن كان ورا كل تعب حكمة وخير كبير مستنيكي.
تم النشر الأحد، ٢٢ مارس ٢٠٢٦
افتكري دايما إن بعد كل ليل طويل فيه فجر بيطلع وإن ربنا مابيبتليش حد إلا وهو عارف إنه قدها فاستهدي بالله كده وارمي حمولك عليه وقولي يا رب أنت حسبي ووكيلي وهتلاقي الدنيا هديت وروحك ارتاحت لأن اللي معاه ربنا مبيكسروش حد أبدا
تم النشر الأحد، ٢٢ مارس ٢٠٢٦
هوني على نفسك وعارف إن الحمل تقيل والوجع اللي جواكي مفيش بشر حاسس بجد بمدى تعبه بس خليكي واثقة إن ربنا شايف كل دمعة نزلت وكل كسرة قلب داريتيها عن الناس وهو الوحيد اللي هيجبر بخاطرك
تم النشر الأحد، ٢٢ مارس ٢٠٢٦
طيب لو في حاجه معينه مضيقاكي ممكن تتكلمي فيها
تم النشر الأحد، ٢٢ مارس ٢٠٢٦
انا بكرهم كلهم
تم النشر الأحد، ٢٢ مارس ٢٠٢٦
مش بيفرق للواحد غير نفسه
تم النشر الأحد، ٢٢ مارس ٢٠٢٦
كله كلام كدب محدش بيحب حد ولا بيخاف علي زعل حد
تم النشر الأحد، ٢٢ مارس ٢٠٢٦
قولي مخنوقه من اي
تم النشر الأحد، ٢٢ مارس ٢٠٢٦
اتكلمي لو مش هيضايقك الكلام
تم النشر الأحد، ٢٢ مارس ٢٠٢٦
مخنوقه من كل حاجة انا تعبانه
تم النشر الأحد، ٢٢ مارس ٢٠٢٦
اتفضلي قولي اتكلمي
تم النشر الأحد، ٢٢ مارس ٢٠٢٦
لعرض السؤال في فدني اضغط هنا