عندي مشكله مع الكيميا مش عارفه احل خالص ولما جربت كذا مدرس حسيت اني اتلغبط زياده وحاليا ولا فاهمه ولا عارفه احل ف يريت حد يرشحلي مدرس كويس غير مستر خالد صقر

بصي هجبلك المفيد المادة دي معصلجة مع الاغلبية مش معاك لوحدك انت هتنزلي سنتر وتاخدي منصة مع عبد الله حبشي او تسمعيله يوتيوب منزل كل حاجة عليه واسمعي شرح وحل البابين الاول والتاني وحلي بعدها بإيدك في كتابك والمدرس بيشرح وانت بتسمعي شرح اليوتيوب تكتبي اهم النقط اللي في الدرس وتكتبي اهم النقط المهمة اللي حاسة انها هتلغبط انا كنت بعمل كده
تم النشر الأحد، ١٥ نوفمبر ٢٠٢٦
السلام عليكم ياجميلة، بصي من تجربتي الشخصية كنت مع مستر خالد وكان اللهم بارك شرحه وافي ومستر محترم تاخدي منه معلومة حقيقة بجد، فا لو انتِ فعلاً جربتيه وفاهمة الشرح منه اصبري على نفسك في الحل، الحل واحدة واحدة هايبقا كويس ممكن تسمعي ملخص للباب اللي وحش في الحل معاكِ او مراجعة من مستر عبد الله الحبشي كان استاذ كويس بردو ومنظم لو الدنيا مش منظمة في دماغك بس تكوني اوريدي كنت سامعة الشرح ممكن كمان تسمعي حل كتاب مندليف منصة اسمها العباقرة وكل دة على اليوتيوب وادي لنفسك فرصة تفكري في السؤال كويس، لو فضلتي تجربي في مدرسين هتحسي انك تايهة ودة الاكيد لان مشكلتك الحل مش الشرح اظن، ولو مشكلتك الشرح نفسه جربي اساتذة في سنتر قريب من محيطك حتى لو مكانش مشهور فيه ناس اللهم بارك بردو مش مشهورة ومعروفة اوي بس بتبسط المادة، المهم بلاش تصعبيها على نفسك واحدة واحدة وشوفي مشكلتك فين الاول وحليها براحة، وان شاء الله تعرفي تعدي دة.🤍 صحيح لو مشكلتك في المعادلات فا ركزي على النظري بتاعك الاول قبل ما تجربي تكتبي المعادلة او تحلي عليها، مُوفقة ان شاء الله
تم النشر السبت، ١٤ نوفمبر ٢٠٢٦
أنا فاهمة تمامًا إحساسك يا مريم، لما بتجربي أكتر من مدرس وبتحسي إن الدنيا بتزيد تعقيدًا بدل ما تتيسر، ده بيخلي الواحدة تحس بالإحباط والارتباك. الكيمياء مادة تحتاج شرح مبسط وتدريب عملي على الحل، مش بس حفظ. بدل ما أرشحلك اسم معين (لأن كل طالبة بتختلف احتياجاتها)، جربي تبحثي عن مدرسين بطريقة منظمة: اسألي في جروبات الطلبة على فيسبوك عن مدرسين بيشرحوا بأسلوب بسيط ومرن، وركزي على اللي بيعملوا جلسات تجريبية عشان تشوفي لو أسلوبه مناسب لك. كمان، دوري على تقييمات الطلبات السابقين اللي كانوا في نفس مستواك. لو حابة آراء أكتر، ابحثي عن أسئلة مشابهة على فدني عشان تشوفي تجارب البنات التانيين وتاخدي أفكار جديدة. هتعدي المرحلة دي إن شاء الله، ولو عايزة نصايح في طريقة المذاكرة أو تنظيم الوقت مع الكيمياء قوليلي.
تم النشر الجمعة، ١٣ نوفمبر ٢٠٢٦
جربي محمد عبدالجواد
تم النشر السبت، ١٤ نوفمبر ٢٠٢٦
يعني إى مش عارف احل، الأسئلة صعبة مثلاً؟
تم النشر الأحد، ١٥ نوفمبر ٢٠٢٦
كلهم متماثلين الفرق بين كل واحد و الاخر هو طريقه تعاملك انت مع المادة
تم النشر السبت، ١٤ نوفمبر ٢٠٢٦
هو صراحة أنا مكنتش علمي علوم في ثانوية، ولكن مستر خالد الصقر باين عليه راجل محترم و قبل ما يكون معلم فهو مربي فأكيد هو قد المهمة دي وزيادة، و للمعلومة مفيش حاجة اسمها، رشحلي في حاجة اسمها روحي جربي بنفسك و شوفي انهي يناسبك علشان المدرسين كتار و بدل ما تشوفي غيرك بيفهم من أنهي شوفي أنت مياله لانهي مدرس اكتر
تم النشر السبت، ١٤ نوفمبر ٢٠٢٦
مهو أنا عايز اديكي إجابة مفيدة.... بس فين المعلومة المفيدة علشان أعرف اوفرلك معلومة مفيدة 😂😂😂، كل اللي أنا فهمته دلوقتي أنك عايزه مدرس طيب ماله مستر خالد صقر، قولتي صعب سألتك هل الاسئلة صعبة مثلاً قولتي لأ علشان الباب التالت صعب و أنا بحل عليه بسهولة، اماااال إى المشكلة 😂😂😂
تم النشر الاثنين، ١٦ نوفمبر ٢٠٢٦
مش فكرة صعبه علشان انا بحل كويس جدا ف الباب التالت مع انو اصعب
تم النشر الاثنين، ١٦ نوفمبر ٢٠٢٦
انا جربت مستر خالد بس مكنتش بعرف احل و رحت عند كذا مدرس و مش قادره احل برضو على الباب الاول والتاني بس التالت كويسه جدا فيه ف علشان كدا بسأل ممكن حد يفيدني ب مدرس كويس وكمان مستر خالد كويس ومع ناس كتير بيجيب نتيجه كويسه
تم النشر السبت، ١٤ نوفمبر ٢٠٢٦
لعرض السؤال في فدني اضغط هنا