السلام عليكم
محتاجة دكتور او دكتورة تفهمني اعمل ايه او اروح اكشف او لا
انا عندي امساك بقالي فترة كبيرة جدا لاحظت اصلا الاعراض يمكن من شهر ونص او شهرين
طبعا امساك وزيادة في الوزن بشكل سريع اوي
والامساك مصحوب بوجع شديد وانتفاخ في الجنب اليسار على نفس مستوى السُرة
حاليا انا بقالي اسبوع الإخراج عندي ضعيف جدا جدا جدا وحرقان في البول
لما بحاول اخد ملين زي بيكولاكس مثلا مبيعملش حاجة عندي غير تقلصات
فغيرته لدوفلاك وبرضو مفيش نتيجة خالص
يادوبك بخرج ماية من فتحة الشرج فقط زي اسهال ماية
دي الاعراض اللي عندي دلوقتي حالا امساك مصحوب بوجع شديد وانتفاخ في الجنب اليسار على نفس مستوى السُرة
ياريت حد من الدكاترة يوجهني اعمل ايه؟ او الاعراض دي بتاعت ايه؟ هل انزل الطوارئ ولامقلقش عيلتي على الفاضي ؟
ويجزاكم الله ألف خير
السلام عليكم، مفيش حاجة اسمها مقلقش عيلتي على الفاضي. متهمليش صحتك أبدًا. حتى لو المشكلة كانت بس إمساك مزمن للفترة الطويلة دي من دون أي أعراض إضافية زي اللي ذكرتِها المفروض تروحي تكشفي. بعض حالات الإمساك المزمن بتحتاج تدخل في الطوارئ. فلازم وضروري تروحي النهاردة قبل بكرة لدكتور باطنة وهو لو لقى حالتك محتاجة طوارئ هيوجهك لأقرب مستشفى. متهمليش الموضوع عشان لا قدر الله ميحصلش أي مضاعفات. ألف سلامة.
تم النشر الثلاثاء، ٢٧ مايو ٢٠٢٥
الملين الذي نستعمله عندنا اسمه Purgaton وهناك نوع آخر عبارة عن حبيبات تشرب بالماء اسمها Agiolax
تم النشر الثلاثاء، ٢٧ مايو ٢٠٢٥
طبعا ضرورى تتحركى للكشف فورا ...فى مشاكل فى القولون زى الالتهابات او العدوى اللى ممكن تتزايد وخطرها يزيد طبعا مفيش داعى انك تعرضى نفسك للخطر عشان تتجنبى القلق حتى لو طلع الوضع الحالى كان بسيط ونعالجه ...اكيد ده افضل ما البسيط يوصل لاسوأ وعلاجه يكون اطول او يتحول لمشكلة مزمنه لا قدر الله الامساك معناه ان الحاجات اللى الجسم خلاص مش هيهضمها ولا يستفيد منها بتفضل فى الجسم والبكتريا بتشتغل عليها وبتكون موادبتضر الجسم ده غير نمو البكتيريا الغير مرغوب فيه ومسار الجهاز الهضمى كده بيكون مقفول فعملية الهضم مبتتمش لاخرها ولذلك هتلاقى الوزن بيزيد لانه بيخزن كل حاجة
تم النشر الثلاثاء، ٢٧ مايو ٢٠٢٥
وعليكم السلام ورحمة الله، شكرًا لك على ثقتك بي، وأتفهم تمامًا قلقك من هذه الأعراض المؤلمة والمزعجة. أول شيء أود أن أقول لكِ هو أن هذه الأعراض لا يجب أن تُهمل لأنها مستمرة منذ فترة ولديك أعراض مثل الألم الشديد والانتفاخ، بالإضافة إلى تغير في حركة الأمعاء وصعوبة الإخراج وحرقان بالبول. تحليل الأعراض: الإمساك المستمر لفترة طويلة. ألم وانتفاخ في الجانب الأيسر من البطن عند مستوى السرة. إحساس ضعيف جدًا بالإخراج مع خروج ماء فقط (قد يشير إلى تهيج أو التهاب). حرقان البول (قد يدل على التهاب في المجاري البولية). زيادة وزن سريعة. عدم استجابة الملينات المعتادة. هذه مجموعة من الأعراض التي قد تدل على مشكلات في الأمعاء أو القولون مثل التهاب، انسداد جزئي، أو حتى مشكلة تحتاج لتقييم طبي سريع، وكذلك قد يكون هناك التهاب في المسالك البولية بسبب الحرقان. ماذا يجب عليكِ فعله الآن؟ عليكِ بالذهاب إلى قسم الطوارئ في أقرب مستشفى فورًا خصوصًا بسبب الألم الشديد والانتفاخ (وهما من علامات قد تدل على مشكلة داخلية تحتاج تقييمًا عاجلًا). سيقوم الطبيب بالكشف عليك وأخذ بعض الفحوصات المهمة مثل: تحليل دم. تحاليل بول. صور إشعاعية للبطن (سونار أو أشعة مقطعية حسب الحالة). تقييم حركة الأمعاء. لا تعلمي العائلة تفاصيل القلق بشكل مفرط لكن أخبريهم بضرورة متابعة حالتك الصحيحة ودعمك. نصيحة مهمة: توقف عن استخدام أي ملينات حتى يتم تقييم حالتك طبيًا، لأن بعضها قد يزيد من التقلصات أو يضر في حال كان هناك انسداد أو مشكلة أخرى. احرصي على شرب كمية مناسبة من الماء ما لم يمنعك الطبيب. في الختام: الأعراض التي تعانين منها تستدعي تدخل طبي سريع، فلا تنتظري أو تهملي الموضوع، والطبيب هو الأقدر على تحديد السبب ويوجهك للعلاج المناسب. وإذا شعرّتِ أنك بحاجة لدعم نفسي أو شرح أكثر خلال هذه الفترة، يمكنكِ الاستعانة بأحد خبراء النصائح الصحية والطبية على منصة فدني من صفحة الخبراء هنا: https://www.fedni.net/experts أنا معكِ ولو حبيتِ تسأليني عن أي شيء ثاني أو توضيح، أنا هنا دائمًا أساعدك. أسأل الله لكِ الشفاء العاجل والراحة. <3 (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الاثنين، ٢٦ مايو ٢٠٢٥
غالبا قولون - جربي حبيبات اجيولاكس واشربي مياة كتير و كولوفرين
تم النشر الأربعاء، ٢٨ مايو ٢٠٢٥
colon
تم النشر الأربعاء، ٢٨ مايو ٢٠٢٥
ان شاء الله خير وكل حاجه ليها علاج بس السبب هيكون القولون
تم النشر الثلاثاء، ٢٧ مايو ٢٠٢٥
حضرتك ممكن تكشفي باطنه وبالاخص اكشفي علي الكولون وقللي من شرب الشاي وشكلك عصبيه جدا
تم النشر الثلاثاء، ٢٧ مايو ٢٠٢٥
حضرتك انا ولا بشرب شاي ولا قهوة وبتوتر اصلا لو شربت نسكافية تخيل ، ولو على العصبية ممكن اكون بتدايق واتعصب بس مبيبانش عليا واكتم جوايا، وإن شاء الله هروح اكشف قريب وربنا يستر وميطلعش قولون عصبي
تم النشر الثلاثاء، ٢٧ مايو ٢٠٢٥
لعرض السؤال في فدني اضغط هنا