عاوزة ابقى ملتزمة ابدأ اذاى
رقم واحد في الالتزام انك تحافظي على صلاتك اول ما تسمعي الاذان تسيبي كل ال في ايدك وتقومي تتوضي وتصلي تاني حاجه ورد قران ثابت يومي حتى لو صفحه واحده فقط وال يساعدك على ده ان القران يكون اول حاجه في يوم...
قليل مستمر افضل من كثير منقطع. الصلاة وبعد كده ترجمى فكرة الالتزام فى الاستمرارية . يعنى لو قرأتى آيه واحدة يوميا لمدة سنة .. افضل من جزء شهر اه وشهر لا . والتزمى بالدعاء ده ( اللهم اعنى على ذكرك وشكر...
الصلاه مفتاح كل الالتزامات والصلاه بخشوع تيسر السبل آكتر والدعاء و الإلحاح يصونون كل باب انفتحلك آكتر واكتر ف عليكي بإتقان الصلاه والدعاء ومن بعدها وآحده وآحده النوافل والقرآن 💜
اولا الحفاظ علي الصلاة لانها مش بس فرض لاء و كمان بتشحن الطاقة النفسية و الجسدية للإنسان و علشان تعتبر فرق كبير قوي بين اللي فعلا محافظ علي علاقته مع ربنا و بين اللي مش فارقة معاه و عايش و خلاص ، ثانيا دخل ربنا في كل شيء في حياتك .. يعني ايه .. يعني اعتبر كل عمل بتعمله خالص لوجه الله .. لو هتزور مريض او هتعمل شغلك اللي بتقبض عليه مرتب يبقي لوجه الله و ده معناه انه لازم يبقي لازم يتوفر فيه الاخلاص و الإتقان .. و الأمانة حتي لو اللي حواليك بيعملوا العكس ، ثالثا التقرب الي الله كل اما الظروف تسمح .. ماتش الكورة بياخد 90 دقيقة لكن صلاة ركعتين بتاخد 5 دقايق .. و هكذا .. و مهم جدا نذكر الله و نستغفر كتير و لو 100 مرة في اليوم علشان الاستغفار بيبقي زي حائط الصد بتاعنا ضد المصايب و الشدائد الاستغفار له فوائد عظيمة جدا ... و اخر حاجه ان الانسان يعمل بصلاته و تبقي دافع ليه ان يبطل الامور اللي بتغضب ربنا .. و انه يبقي رحيم بالناس و حليم و يصبر عليهم ، سواء المقربين له او الناس الغريبة ... الالتزام مش نقاب و اعتكاف و مش دقن و سبحة و جلابية .. الالتزام شيء روحاني اكتر بكتير من شوية مناظر تدل الي محتوي يمكن يكون مش موجود .. و اخيرا ربنا يوفقك
شكرا على الرد وبفكر كمان اتحجب واحفظ أحاديث وافهمها هى والقران
اه بس تجنبي الشيعة و تجنبي المصادر اللي مش اكيد او متنفعش .. يعني مينفعش يبقي مصدرك في معرفة دينك التليفزيون او واحدة صديقة او كتب مجهولة المصدر او فيه هلاف علي صاحبها .. القرآن و السنة .. و كل حديث تسمعيه او تقريه لازم تتاكذي من صحته .. علشان فيه احاديث و أقوال ضعيفة او غير صحيحة .
وانا اعرف اذاى
لعرض السؤال في فدني اضغط هنا