السلام عليكم ورحمة الله وبركاته
لو سمحتوا فيدوني، انا خاطب بقالي شهرين ودي تاني خطوبة ليا وبصراحة مش مرتاح في الخطوبة وحاسس بعدم قبول وهي كمان مش شداني ليها هي طيبة وحد كويس وأهلها ناس محترمين جدا
ولكن انا من جوايا مفيش قبول انا خطبتها صالونات ع امل ان الدنيا تبقي كويسة ومش عارف اعمل ايه
وكمان خايف بعد مما أفسخ الخطوبة اكون بظلمها او بتبطر عليها وأتعاقب من ربنا ع ده ومش عارف اخد قرار اكمل وخلاص ولا ابعد
السلام عليكم، مش مهم خالص لو تاني خطوبة لك، ومفيش حاجة أتعاقب من ربنا عشان محستش براحة في الخطوبة فقررت أفسخها. فترة الخطوبة معمولة عشان تدرسوا بعض وتقرروا إذا ينفع تكونوا زوجين وتنشأوا أسرة سليمة سوا. لكن فيه سؤال يطرح نفسه، وقت وافقت على الخطبة مكنش فيه أي ارتياح أو قبول مبدئي؟ إيه خلاك وافقت إذا مش حاسس بارتياح؟ على أمل مثلا تتقبلها قُدام؟ أو لمجرد إنها كويسة ومن عائلة كويسة فمش مشكلة لحد ما ربنا يسهل ونشوف هرتاح لها بعدين؟ عمومًا، طالما انت حاولت تعطي فترة الخطوبة حقها من ناحية فهم الشخصية اللي قصادك وطباعها وتعاملكم سوا وطالما وضعت حدود وتعاملت بما يرضي الله وإنك مثلا متعلقهاش بك عاطفيًا خصوصا لو مش حاسس ناحيتها بقبول وارتياح وبعد كده تتعمد تتركها بعد ما تكون تعمدت تعلقها بك فخلاص. ** الظلم الأكبر هيكون إنك تكمل في الزواج وتفضل مش مرتاح ومتقبلها بصعوبة وده هينعكس بعد كده على معاملتك لها وهيأثر عليها أكتر نفسيًا فهتكون ظلمتها أكتر وظلمت نفسك. صل استخارة وكمان اقعد مع نفسك وفكر كويس، هل القبول كان موجود بالبداية ولسبب ما اختفى وإيه السبب أو إذا هو مش موجود من البداية، هل انت حاطط في ذهنك صورة معينة للقبول والارتياح ده إن مثلا يكون فيه اندفاع عاطفي ومشاعر فياضة والكلام ده؟ حدد مشاعرك وافهم نفسك والوضع وقرر بعد كده. المهم لا تظلم نفسك ولا تظلمها بالاستمرار في وضع أنت غير متقبله.
تم النشر الثلاثاء، ٢٧ مايو ٢٠٢٥
وعليكم السلام ورحمة الله وبركاته أخي العزيز، أولاً، أشكرك على صدقك ومشاركتك هذه المشاعر المهمة، وهذا بحد ذاته خطوة كبيرة نحو اتخاذ قرار واعي يناسبك ويناسب الطرف الآخر. مشاعر القلق وعدم الراحة في بداية الخطوبة أمر طبيعي، ولكن أيضاً من المهم أن تستمع لها بجدية لأنها مؤشر أساسي على مدى توافقك الداخلي مع هذا القرار. دعنا نحلل معاً نقاط مشكلتك: عدم القبول الداخلي وعدم الانجذاب حتى لو كانت هي شخص طيب وأهلها محترمين، ما فيش مشكلة إنك تحس أن العلاقة مش مناسبة لك. المشاعر الداخلية أحياناً تعبر عن أمور لا توافق المنطق أو الظروف الخارجية. مهم جداً أن تتحدث مع نفسك صراحة: هل في حاجة معينة مزعلاك في العلاقة؟ هل هي أفكار خارجية فرضتها عليك؟ أم حالة مزاجية مؤقته؟ الخوف من الظلم أو التعقُّب الديني في الإسلام، ما في ظلم عندما تنهي علاقة قبل الزواج إن لم تكن متمكن من قبولها أو مشاعرك ما مستقرة فيها. الطلاق أو فسخ الخطوبة إذا كانت بهدف الحفظ على نفسك ونفس الطرف الآخر من الدخول في علاقة قد تكون غير سعيدة أو مضرة، مش بس مباح بل قد يكون أفضل لكلا الطرفين. الأهم أن تكون صادق وأمين في إخطارها وأن تنهي الخطوبة بأدب واحترام. التردد في اتخاذ القرار أحياناً التردد بيجي من الخوف من التغيير والمجهول. حاول تستشير شخص حكيم تثق به، ربما من أهل العلم أو أهل الخبرة الذين يفهمون ظروفك. لا تتسرع ولا تضع نفسك في علاقة مش مرتاح لها، لأن الزواج رباط مقدس يحتاج توافق داخلي وقناعة. كيف تتصرف الآن؟ اقضِ وقت للنظر بعمق في مشاعرك وأسباب عدم القبول. هل هي لأسباب واضحة أم شعور عام؟ تواصل معها بطريقة صادقة، لكن بلطف، وإذا قررت أن العلاقة ليست مناسبة، من الأفضل تبليغها بذلك بأدب وشفافية. وضع مصلحة الطرفين في الاعتبار هو السبيل الأمثل. خلاصة القول: الصراحة مع نفسك ومع الآخر، والنية الخالصة في تجنب الإضرار أو الظلم، وطلب رضا الله تعالى، هي أساس الاختيار السليم. لا تشعر بالذنب إذا كان قرارك فسخ الخطوبة نابع من قناعات داخلية حقيقية. الله يوفقك لما فيه الخير لك ولها. إذا تحب، يمكن أن تستشير خبراء في العلاقات من خلال منصة فدني لمزيد من النصائح الشخصية والمناسبة لوضعك. وأيضاً أنصحك بالبحث في الموقع عن تجارب مشابهة قد تفيدك. أنا ذكية هنا دائماً إذا احتجت تتكلم أو تستشير. دمت بخير وبالسلامة.
تم النشر الجمعة، ٢٣ مايو ٢٠٢٥
اهم حاجه الولد يحس بالقبول الشكلي اهم حاجه ناحيه البنت والبنت برده تحس بالقبول الشكلي من ناحيه الولد ما فيش حاجه اسمها احنا ما بنبصش للشكل لو انت حاسس ان انت مش مرتاح لشكلها فانت دي اللي هتعاشرها فانت كده مش هتعرف تعيش معاها ومش هتبقى مرتاح ومبسوط
تم النشر الأربعاء، ٢٨ مايو ٢٠٢٥
السلام عليكم، لو انت مش مرتاح ليها ومش حاسس بقبول الافضل انك تسييها، لان الجواز مش يومين ده عمر وممكن لو اتجوزتها ومفيش قبول من اول خناقه ممكن تتطلقوا لقدر الله فالافضل انك تسيبها، افضل ليك وليها، وممكن تصلي استخاره وتشوف
تم النشر الاثنين، ٢٦ مايو ٢٠٢٥
سيبها علشان متظلمش نفسك وتظلمها معاك ولأنها مش ذنبها تكمل مع حد مش مرتاح معاها يمكن لما تسبها هيا تلاقي الشخص الصح الي هيا ترتاح معاه وكذلك انت برضو بس لو علي حتت ظلم ف انت هتبقي بتظلمها لوكملت معاها كل بني ادم حقه ياخد بني ادم بيحبه ومسكتفي بيه مش بس مجرد لانه طيب لا لانه بيحبه بكل شيئ فيه ولو علي حزنها عليك ف مفيش حزن بيفضل دائم بيتداوي مع الايام
تم النشر الاثنين، ٢٦ مايو ٢٠٢٥
ظلمك ليها دلوقتي افضل من ظلمك ليها بعدين بعد مترتبط بيك اكتر وتتعلق او تكمل فتتجوزها فتخلي حياتها جحيم لان الست لو حست احساس بسيط ان جوزها مش بيحبها بتموت من جواها الف مره
تم النشر الأحد، ٢٥ مايو ٢٠٢٥
صلي استخارة و ادعي ربنا ينور بصيرتك للخير
تم النشر الأحد، ٢٥ مايو ٢٠٢٥
صلاة استخاره
تم النشر الأحد، ٢٥ مايو ٢٠٢٥
ممكن تقعد معاها وتتكلم وتشوف انت مش متقبلها ليه لأنك بتقول انها كويسة
تم النشر الجمعة، ٢٣ مايو ٢٠٢٥
لعرض السؤال في فدني اضغط هنا