@Abdullah Man عايزه أبدا ف معرفة الدين ولكن مش عارفه أبدا منين
اولا اشكرك على السؤال الحقيقة انا على قدي في الدين ولكن اللي عملته هو اني حملت تطبيق قرآن وشبه يومياً على الأقل بقرأ صفحة واحط عليها علامة إلى أن اختمه .. بس كده .. والأفضل ان تكون الصفحات بالترتيب عشان يكون في حافز للختم .......... ببساطة ان في آيات فعلا بتأثر فيك وكلمات القرآن لما تدخل دائرتك الفكرية كل يوم فده له تأثير في نظرتك لنفسك وللناس وللحياة ........... يعني مثلا الصبح تقابلك آية "وإذا خاطبهم الجاهلون قالوا سلاما" > تلقائيا لما واحد يستهزأ العصر مثلا او على التلفون بتشتغل الآية في تفكيرك وهكذا مع الوقت القرآن بيدخل مع دائرتك الفكرية زي المطهر بآيات مثلا عن الصبر عن الجنة ...... ........... القرآن والسنة هم الأساس وهي ٥ دقائق في اليوم بتضيف لك حاجة قيمة وقليل دائم خير من كثير منقطع والله يوفقك دنيا وآخرة
تم النشر الاثنين، ٢٨ يوليو ٢٠٢٥
انصحك بمشاهده فيديوهات شيوخ علي يوتيوب و في كتير اوي بيشرحه حاجات عن الدين وبالتفاصيل وهتفهمي حاجات كتير اوي و في قصص كتير وممكن تقرير كتب دينيه بردو هتستفادي جداً وتقديري تحميلها pdf من جوجل وتقرأي من التليفون أو لو مش هتعرفي لوحدك ف ممكن تاخدي دروس في المسجد مع شيوخ.
تم النشر الثلاثاء، ٢٩ يوليو ٢٠٢٥
بسيطه انا بردو لسه ببدأ وربنا يثبتني بجد اول حاجه ابدأ السيره النبويه جميله اوي وهتفيدك اسمعها من الشيخ نبيل العوضي او مصطفى حسني الي تفضليه الاتنين شرحهم جميل اووي وكمان اسمعي قصص الانبياء بس من الشيخ نبيل العوضي بيعيشك القصه واقفلي اشعارت الفون خااالص واسمعيه وركزي هتحبيها اووي طبعا تكتبي السنن ف السيره وانت بتسمعيها وابدأي واظبي عليها واحده واحده كمان ابدئي ف حفظ سورة البقره كنت متخيله انها صعبه ومش هقدر بس بدأت وربنا اعني فعلا بس الحفظ ازاي تسمعي شيخ انت بتفضيله مع التكرار قسميها انا مثلا مقسماها من ١ ل ١٦ انهارده بحفظها واسمع تفسيرها من الشيخ حسن الحسيني جميل اوي بردو واقفلها واصلي بيها قيام وابدأ ف غيرها انا ماشيه مع تقسيمات الشيخ د ابدئي مع دول ك بدايه الاول وبعد كده اسمعي دروس تجويد دروس التدبر حاجات سحر عالم تااني خالص خاصة التدبر حب بجد وبعد كده احفظي احاديث وفقه وتوحيد بس ابدئي باللي فوق الاول
تم النشر الاثنين، ٢٨ يوليو ٢٠٢٥
اسمعي سلسله عرفوه بالعقل لاحمد بحيري
تم النشر الجمعة، ١ أغسطس ٢٠٢٥
اقصد حط مثلا حفظ صفحه في اليوم واحفظها بعد متسمع تفسير الصفحه دي للشعراوي
تم النشر الأربعاء، ٣٠ يوليو ٢٠٢٥
القرءان والتفسير للشعراوي... دي بدايه رائعه ان شاء الله
تم النشر الأربعاء، ٣٠ يوليو ٢٠٢٥
واقترح انك تتعلم العقيده من الشيخ علاء حامد على اليوتيوب ، هو موضوع طويل وعايز صبر ، لكن نهايته دايما خير
تم النشر الثلاثاء، ٢٩ يوليو ٢٠٢٥
اول حاجه تتعلم العقيده
تم النشر الثلاثاء، ٢٩ يوليو ٢٠٢٥
@Hussain Ahmed Mohamed المقصود هو دين الإسلام بس انا اقصد إزاي أتعلم فيه وابدا من الصفر عشان حاجات كتير فايتاني ولكن بردو انا بالفعل عندي دراسه ومش فاضيه طول الوقت ف حاليا مخصصه فقط ساعتين لحفظ جزء من القرآن ومعرفه تفسيره وكده ولكن شايفه إن ده غير كافي
تم النشر الثلاثاء، ٢٩ يوليو ٢٠٢٥
ايه المقصود بمعرفه الدين واي دين الاسلام ام غيره
تم النشر الاثنين، ٢٨ يوليو ٢٠٢٥
ليه ؟!
تم النشر الاثنين، ٢٨ يوليو ٢٠٢٥
اسمعى بودكاست دينى
تم النشر الجمعة، ١ أغسطس ٢٠٢٥
السيرة ايسر واحب للقلب ومفتاح جيد السيرة النبوية وسيرة الصحابة والتابعين
تم النشر الخميس، ٣١ يوليو ٢٠٢٥
تم النشر الأربعاء، ٣٠ يوليو ٢٠٢٥
تابع فيديوهات اليوتيوب
تم النشر الثلاثاء، ٢٩ يوليو ٢٠٢٥
كم عمرك؟
تم النشر الاثنين، ٢٨ يوليو ٢٠٢٥
لعرض السؤال في فدني اضغط هنا