أول كان يوم عادي اتكلم مع خطيبي
و فجأة قالي ها حكيلك حاجه
و أنا كنت مصدقاه طول الوقت والله
لقيته بيقولي هو لو أنا وقعت في الزنا ها تسبيني
ف قلت لو قبل الخطوبه ها فكر لو بعد الخطوبه اكيد ها سيبك
راح قالي طيب أنا عملت كده بس قبل الخطوبه
وأنا غلطان و اسف و مش عارف أي و كلام من ده
بعدها قالي بصي الحقيقه الموضوع كان بعد الخطوبه
فأنا طبيعي استفسر بس أنا طبيعتي بارده شويه و ردة فعلي بسيطه حتى لو حد مات
ف الموضوع ده بيستفزو
المهم قلتلو مين البنت و فين و امته بظبط راح قالي على بنت ساكنه جنبيهم
بعدين راح قلي ها قولك الحقيقه هي مش البنت دي هي بنت تانيه و راح قايل اسم بنت قربتي أوي
أنا اتصدمت و سكت و بعدين قلتلته أنت كذاب مش عشان واثقه فيه لا
هو نفسه جاي بيعترف ها قوله أي
بعدين قالي كذاب في أي قلتله قربتي ما تعملش كده و كمان مع خطيبي
راح قالي أنا أصلا كنت بهزر معاكي عشان اشوف ردة فعلك على الموضوع
بس أنتي باردة برضو
أنا اتعصبت جامد هو ازاي يلعب بكلام كده ده جاب اعراض ناس وقذف محصنات
معملوش حاجه قال علهم زنوا
وكذب عليا و عمال يلعب بكلام و بعدين يقولي أنا ما كنتش اعرف انو قذف ليهم والله أنا مش قصدي و أنا عمري ما هعمل كده أصلا و أنا بحبك أنتي
وكل ده هو مش فاهم إني أصلا مش حاطة موضوعه في دماغي قد ما أنا زعلانه على البنات إلي جاب سيرتهم حتى لو بيهزر لي يعمل كده
هو يرضي حد يعمل كده مع اهله.
بعدين لمن زعلت و مش عايزه أكلمه
يقولي أنتي بتقفي على الغلطه و أنا أصلا والله ما كلمته ده أنا ساكته خالص بس زعلانه ومش عايزه أكلمه
بعدين زعلان عشان بقوله أنت كده ملعون عند ربنا و أنت كذاب و بتكذب عليا و يقولي أنا قلتلك اسف و معترف بغلطي سامحيني بقى
بس أنا بجد حسه إني مخنوقه منه
السلام عليكم ورحمه الله وبركاته من حقك انك ترفضي التصرف من بدايته ان هو اصلا يقعد يقلب قصه عشان خاطر يشوف رد فعلك من حقك انك تاخذي موقف من انه هو يعني ببساطه كده يعني اتكلم في الاعراض. وبالطريقه دي يعني للدرجه دي ان هو يقول حد انه عمل كده وبالاسم طبعا من حقك إنك تاخذي موقف بس يعني خلينا نقول انه يعني في تهاون منه اه بس في كمان حاجه مع التهاون وهي وارد جدا تكون قله معلومات وانت ممكن توقفي عند الموقف ده وتقولي له انه الموقف ده ان هو معلوماته في الامور الدينيه البديهيه قليله قوي. وهو محتاج ان هو يبدأ يزود معلوماته في الحاجات اللي هي ما فيهاش هزار بالشكل ده لانه في حاجه اسمها ما لا يسع المؤمن جهله في حاجات كده ما ينفعش احنا ما نبقاش عارفينها كمسلمين فانت اطلبي منه انه الموقف ده اظهر لك النقطه دي وانك محتاجه انه انت وهو تبدأوا تخشوا تشوفوا اي دوره تحت مسمى ما لا يسعى المسلم جهله وابدئي انت وهو امشوا مع بعض واحده واحده اتفرجوا على الفيديو وناقشوا بعض فيه وشوفوا ايه المعلومات اللي اضافتها وجديده الحاجات اللي ما كنتوش تعرفوها وعرفتوها وهكذا امشوا مع بعض الموضوع ده وده هتكون حاجه تثبت لك اذا كان الشخص ده عنده استعداد يتطور الاحسن اذا كان الشخص ده تقدري تثقي فيه فانه فعلا لما يكون في خطا هو هيحاول يصلحه ويحسنوا ويمنع ان الخطا ده يتكرر ولا لا لو هو محاولش ان هو يعرف ويفهم عشان ما يقعش في الخطا فانا اللي بقول لك يعني تكوني حذره جدا جدا وشوفي الشخص ده يعني راجع ثاني اذا كان هينفعك زوج واب ولا لأ؟
تم النشر الثلاثاء، ٢٢ يوليو ٢٠٢٥
لا حول ولا قوة إلا بالله، هو مستفيد ب ايه يعني بيفكر ف ايه وهو بيقول كده ربنا يهديه ده شغل عيال ومش محل هزار خالص وغير مقبول ك ناس ناضجه ودخله زواج ومسؤولية بيت ، بس لو افترضنا انها اول غلطة وهتعديها ف لازم لازم تتبيني م صدقه او كذبه لو انت قابله انك تكملي معاه ، اسألي كويس وافهمي ربنا ينور بصيرتك ويرزقك الخير .
تم النشر الثلاثاء، ٢٢ يوليو ٢٠٢٥
مرحباً عزيزتي، أنا ذكية معك، وأشعر بمدى ألمك وانزعاجك من الموقف الذي مررتِ به مع خطيبك. الكلام اللي قاله ليك ولعبه بمشاعرك بالفعل مؤلم وغير مقبول، خاصةً أنه يتعلق بموضوع حساس جداً وفيه خيانة للثقة. خليني أساعدك نفصل الوضع خطوة خطوة: الكذب واللعب بالمشاعر : لما يستخدم شخص عزيز عليك مثل هذا الموضوع - موضوع خيانة أو قذف - كـ"مزحة" أو كاختبار، هذا يدل على نقص كبير في الاحترام والتقدير لمشاعرك. حتى لو كانت نواياه ماكنتش سيئة، لازم يكون واعي تماماً بتأثير كلامه عليك. الخيانة والثقة : هو اعترف أنه كان عنده علاقة قبل الزواج، وهذا أمر ممكن أن يُغفر في بعض الحالات إذا كان صادقاً ولكن الكذب والتضليل أهم شيء أنكِ ما تستطيعي تقبليه بسهولة، خصوصاً إذا كان الوضع مبهم أو فيه تناقضات كثيرة من ناحيته. ردة فعلك الطبيعية : أنتِ زعلانة ومحسوبة ردات فعلك علامة على عمق تأثرك بالموقف. هذا فيه حكمة - مش معنى إنك قوية أن تخليكي تتحملي أشياء تقهر قلبك. خدي وقتك لتنظيم أفكارك ومشاعرك. الفترة التي تريدينها (فترة زعل) : بالتأكيد أنتِ من حقك تطلبي "فترة زعل"؛ الوقت اللي تستخدمينه عشان ترتب أفكارك وتعالجي حزنك. لكن حتى في هذه الفترة، حاولي تكوني واضحة معه في التواصل : مثلاً قولي له "أنا حالياً أحتاج وقت للراحة، وسأفكر فيما بعد". هذا صحيح أن الوقت مهم، لكنه لا يكون مبرر للاستهتار أو اللعب بمشاعرك. كيف تتصرفي الآن؟ حددي أولوياتك: هل تريدي تستمري في العلاقة مع شخص أثبت ضعف في الصراحة وتحكم في الكلام؟ استشعري قيمتك: أنت تستحقي تحترم وتتقدر، ولا أحد يحق له يلعب بمشاعرك أو يكذب عليك. تواصلي مع خطيبك بشفافية واضحة وفي هدوء بعد ما تقل زعلك، وضعي حدود واضحة عن ماهية تصرفاته التي لا يمكن التهاون بها. لا تقرري أي شيء وأنت في حالة غضب شديدة. غيّر المزاج والخروج من حالة الزعل يساعد على اتخاذ القرارات بشكل عقلاني. الدعم الروحي والنفسي : اجعلي ثقتك بالله قوية، وادعي إيّاه أن يرزقك الحكمة والطمأنينة في قلبك. الإسلام يحث على التفاهم والرحمة بين الزوجين، وإذا كانت هناك مشاكل لا تُحل بالحوار والصراحة، فلا بأس أن تلجئي لاستشارة مختص في العلاقات الزوجية أو أخصائي نفسي موثوق. أنا هنا دائماً إذا حبيتي تفضفضي أو تبحثي عن نصائح أكثر تفصيلية أو مساعدة في خطوات محددة. وأيضاً يمكنك زيارة صفحة الخبراء في فدني، ربما تجدين استشارة من أخصائي محترف يساعدك بضبط العلاقة أو اتخاذ القرار الأنسب لك. كيف تشعري الآن؟ هل ترغبين في بعض النصائح العملية لكيفية إدارة الحديث معه في المستقبل؟
تم النشر الاثنين، ٢١ يوليو ٢٠٢٥
بصي انا حاسه أنه كان عاوز يقول حاجه ولما شاف ردته فعلك عاديه وسوري يعني بارده قال انا بهزر حتي لو كان بيهزر ما فيش مبرر أنه بهزر الهزار التقبل ده كان ممكن بهزر اي هزار تاني اشمعنا ده الي حب بهزر فيه انا من وجهة نظري حاسه أنه عاوز يقول علي حاجه شبه دي ولما لقاكي عادي بنسبالك رجع في كلامه وقال ده هزار علشان ميطلعش نفسه وحش قدامك والله اعلم برده
تم النشر الأربعاء، ٢٣ يوليو ٢٠٢٥
بصي هو في الحالتين لا يصلح زوج . سواء كان صادق في اللي قاله وهو عمل كده فعلا او كذاب وبيفتري على الناس
تم النشر الاثنين، ٢١ يوليو ٢٠٢٥
حبيبتي في غلطات مينفعش يكون فيها فرص. زي الكذب و الخيانه اللي عنده الصفات دي هتفضل فيه طول عمره
تم النشر الاثنين، ٢١ يوليو ٢٠٢٥
ده رأيي والقرار ليكي
تم النشر الاثنين، ٢١ يوليو ٢٠٢٥
رأيي من رأي اسماء.
تم النشر الاثنين، ٢١ يوليو ٢٠٢٥
سيبيه ولو هو تاب ربنا هيكرمه
تم النشر الأربعاء، ٢٣ يوليو ٢٠٢٥
السلام عليكم ، يبدوا انه جاهل بشده وهذا خطر لانه لن يدفعك للطاعه ولن يدفعك للخير ، اما بالنسبه لتساهله في الخوض في الاعراض فهذا كما قلت يرجع لجهله، واسأل الله له الهدايه
تم النشر الثلاثاء، ٢٢ يوليو ٢٠٢٥
ابعدي دا مش قد المسؤليه وعيل دا غير خوض ف عرض بنات دا يدل انو ناقص وفكرة انو مبعرفش إن دا حرام ف دي مصيبه هو مش هايعامل ربنا فيكي
تم النشر الاثنين، ٢١ يوليو ٢٠٢٥
بصي هو في كذا نقطه اولا لازم تتاكدي من كلامه هل هو صح ولا وبيحور طب وهتتاكدي ازاي ؟؟؟؟؟اولا لو كلامه صح لازم تقابلي قربتك دي لو كلامه صح اكيد هتلاقي أسلوبها اتغير وبقت تقعد مع حالها اكتر من الاول مش بتكلم مع حد كتير أو مبقتش ضحكتها زي الاول ولكن لو قبلتيها ولقيتي مفيش اختلاف لازم تتكلمي معاها وفي وسط الكلام هاتي سيرت خطيبك وشوفي ردت فعلها ايه لو اكيد في ما بينهم حاجه هتلاقيها مش طايقه تسمع سيرته ولكن لو مفيش حاجه هتلاقيها بتكلم عادي ولا كأن في حاجه انتي هنا بتحولي تعرفي عن طريق غير مباشر وثانيا لامه كلامه ده حقيقي وبيشوف ردت فعلك لو زعلتي هيقولك انا كنت بهزر ولكن لو هو بيكلم علشان يشوف غيرتك أو بي شكل هزار وكده ممكن يقولك لو انا كلمت بنت انتي هتعملي ايه أو لو مشيت مع بنت هنا بيبقي بشكل هزار وتتنقشه والموضوع يعدي ولكن اللي يخلي يفتح معاكي الحوار ده بزاد يبقي فعلاً عملها وبيشوفك هتكملي معاه ولا لا ولكن لو هو معلش كده ايه اللي يخلي يقول على نفسه كده أنه فعل الفعل ده ولو حتي عملها مره هيخفي ويداري ويستر على نفسه ولكن اللي خلاه يقول كده تبقي اكتر من مره واقولك على نصيحه وصدمه في نفس الوقت خلي بالك على نفسك لاحسن يكون المره الجايه يبقي معاكي احذري ولو فعلا كلامه صح وقالك انا اتغيرت متصدقهوش اللي عاملها دلوقتي هيعملها حتي بعد الجواز وشوفي ودي حياتك✋
تم النشر الاثنين، ٢١ يوليو ٢٠٢٥
بيتلاعب بمشاعرك .. النوع ده بيبقا واهمك وممثل عليكي بالمشاعر الإيجابية والعشق عشان تقبليه .. وكويس انه انكشف قبل الزواج
تم النشر الخميس، ٢٤ يوليو ٢٠٢٥
يا روحي سيبيه....ربنا يكرمك بحد تاني ميبصش غير ليكي...اوعي تدخلي العاطفه في الموضوع... دكتوره سوزان الشافعي قالت وقت الخطوبه نشغل العقل بس... لانها اكتر مرحله مهمه لاكتشاف الشخص
تم النشر الأربعاء، ٢٣ يوليو ٢٠٢٥
هو الصرحه مش بيكذب علطول بس أنا مش بحب الكذب وهو كذب في حاجه هو ما عملهاش أصلا من باب الهزار عشان كده أنا زعلانه وهو مش خاين هو بس عايز يشوف ردت فعلي
تم النشر الاثنين، ٢١ يوليو ٢٠٢٥
أنا زعلانه جدا فعلاً بس في نفس الوقت بقول اديله فرصه عشان ابقه عملت إلي عليا و ما سبتهوش من أول غلطه
تم النشر الاثنين، ٢١ يوليو ٢٠٢٥
لعرض السؤال في فدني اضغط هنا