انا شاب مقبل على خطوبة بنت بحبها وهي جميله ومحترمة وست بيت و فيه تفاهم ووافق بس في فرق في التعليم بينا بس هي ذكية انا مش عارف اعمله ايه انا في كلية صيدلة وهي أقل مني في التعليم
السلام عليكم، هل مشكلتك مع فرق التعليم هو الشكل الاجتماعي، يعني دكتور صيدلي وواخد واحدة دبلوم والناس هتبص للموضوع بانتقاص أو سخرية؟ ولا خوف من إن ده يكون دليل على طريقة تفكيرها وقلة طموحها (بما إنك قلت هتكتفي بالدبلوم) وخايف ده يؤثر بالسلب على أولادكم مستقبلا بما إن الأم غالبا هي اللي بتدرس للأولاد في البيت؟ *** لو أنت من النوع اللي بيعمل حساب للناس فبلاش أفضل (حتى لو بينكم حب وتوافق) لأنها كده هتتعب معك وممكن ضيقك ينعكس بعد كده على معاملتك لها وعلاقتك بها. لو فعلا بيفرق معك الناس، مهما كان حبك لها دلوقتي والتوافق بينكم هيفضل فيه ضيق وحساسية جواك وممكن مع الوقت أنت اللي تحسسها بالانتقاص وإنها مش من مقامك. *** لو مشكلتك الاحتمال التاني فده معتقدش مشكلة، ومش معنى اكتفائها أو دراستها للدبلوم إن فيها مشكلة والتعليم الحكومي وكليات القمة مش مقياس، أنت قلت هي ذكية، فممكن قرار إنها متكملش عشان هي شايفة حاجة تانية أفضل لها أو مش حابة تكمل في التعليم الحكومي لكن عادي ممكن تبقى مهتمة تتعلم من الانترنت الحاجات اللي شايفاها مهممة بالنسبة لها. *** عموما اتكلم معها وافهم أسبابها، ليه مش عاوزة تكمل وتناقش معها، ولو هي مصممة على قرارها ومرتاحة لاختيارها بلاش تضغط عليها خاصة لو كان سبب ترددك هو الشكل الاجتماعي وكلام الناس. وربنا يوفقكم للي فيه الخير.
تم النشر الأربعاء، ١٤ أكتوبر ٢٠٢٦
يا صديقي، أولاً أهنئك على هذا الشعور الجميل تجاه البنت اللي بتحبها، وإن فيه تفاهم وموافقة من الطرفين ده أمر مهم جداً في بداية أي علاقة زواج. الفرق في التعليم مش بالضرورة عائق كبير لو فيه ذكاء واستعداد للتعلم والتفاهم، وأنت ذكرت إنها ذكية، وده بيفتح باب للنمو المشترك بينكم. من منظور عملي، ركز على الجوانب اللي هتأثر في حياتكم اليومية بعد الزواج: هل هي قادرة على إدارة البيت والأمور المالية والتربية لو حصل أطفال؟ هل بتتواصل معاها بسهولة وبتحس إنها بتفهمك؟ التعليم الجامعي مش مقياس وحيد للذكاء أو النجاح، كتير من الزيجات الناجحة بتكون فيها فروقات تعليمية، والأهم هو الاحترام المتبادل والقدرة على حل المشاكل مع بعض. لو الفرق ده بيقلقك، حاول تتكلم معاها بصراحة عن توقعاتكم المستقبلية، زي كيف هتتعاملوا مع قرارات مهمة أو تطوير نفسها لو حبت تكمل تعليمها. في النهاية، الزواج مش مجرد شهادات، بل شراكة قائمة على المودة والرحمة زي ما أمرنا ديننا. لو حاسس إن الحب والتفاهم موجودين، خد خطوة مدروسة واستشر أهلك أو شخص موثوق في محيطك. لو عايز آراء إضافية، ابحث عن أسئلة مشابهة على فدني عشان تشوف تجارب ناس تانيين. ربنا يوفقك ويبارك لك في اختيارك.
تم النشر الأحد، ١١ أكتوبر ٢٠٢٦
لما تكون انت أعلى درجة مش العكس مفيش مشكلة
تم النشر الاثنين، ١٢ أكتوبر ٢٠٢٦
اهم حاجه تتأكد انها هتبقي زوجه صالحه الباقي مش مهم، متفكرش بالطريقه دي لأن دا عند ربنا يعتبر تكبر وربنا ممكن يسلب منك كل حاجه بسبب التفكير بالطريقه دي، انا مقولتش حاجه عليك انا بقول بس اللي بيحصل، فكر بس هي هتبقي زوجه صالحه ليا، يعني اضمن انها معايا وقت ما احتاجها ولا لأ، ومين يدري ممكن تكون انتو الاتنين عوض لبعض
تم النشر الخميس، ٥ نوفمبر ٢٠٢٦
المعيار الرئيسي هو التدين، والأفضل وجود مقدار من التكافؤ العلمي والعقلي
تم النشر الأربعاء، ١٤ أكتوبر ٢٠٢٦
لو فيه توافق فكري وعقليتها حلوه وبتقدروا تتفاهموا يبقى خلاص
تم النشر الأربعاء، ١٤ أكتوبر ٢٠٢٦
لو مناسبة في الفكر ودينيا مناسبة لك ، توكل على الله
تم النشر الأربعاء، ١٤ أكتوبر ٢٠٢٦
انا في كلية وهي ناويه تكتفي بالدبلوم
تم النشر الأربعاء، ١٤ أكتوبر ٢٠٢٦
و هي أقل مني في التعليم؟؟؟
تم النشر الأربعاء، ١٤ أكتوبر ٢٠٢٦
لعرض السؤال في فدني اضغط هنا