عايزة افتح مشروع "رحلات للسيدات" نطلع يوم صد رد رحلة ويكون سيدات فقط بس مش عارفة ابدأ منين خالص وازاي
هل حد فيكم عارف مصادر اقدر أبدأ منها؟
مش عايزة أحبطك، بس الموضوع دا محتاج تفكير كبير في كونه ينفع أو لأ، أكتر من التفكير فيه كمشروع إيه يضمن لك ان جميع السيدات اللي هتتعاملي معاهم كلهن أمينات؟ ميبقاش في تسجيلات للرحلة، أو تصوير (بتكلم إن في سيدات هتبقى واخدة راحتها أوي فهيحصل زي ما بيحصل في أي تجمع نسائي من كشف النقاب، أو الغناء، أو الضحك بصوت عال) إيه يضمن لك ان الصور دي مش هيطلع عليها رجال؟ إيه يضمن لك سلامة سلوكهم برضو ؟ إيه يجبرك على تحمل مسؤلية الرحلة، بالأشخاص اللي فيها؟ العائد المادي اللي هيطلع منها أقل بكتير من شعور الخوف من مسؤوليتهم! ومش هتعرفي تتبسطي بشكل كويس لأنك هتكوني شايلة هم كل حاجة، وحتى لو هما أشخاص كبيرة، فهما مازالوا في مسؤليتك! أتمنّى تعيدي التفكير في الموضوع تاني وتعرضي الفكرة على أقاربك الرجال (زوجك/أبوك/أخوك) وتشوفي الفكرة من منظورهم تنفع أو لأ، وهل هما ممكن يوافقوا لحد من محارمهم بالخروج رحلة مع سيدات لا تعرفهم أو لأ
تم النشر الخميس، ١٨ ديسمبر ٢٠٢٥
ممكن عن طريق جروب على أيًا من مواقع التواصل الاجتماعي يبدأ من مجموعة من صديقاتك والصديقات يقمن بدعوة آخرون وهكذا، كما يجب عليك معرفة تكاليف السفر والكيفية(المواصلات وأفضلها) والمواعيد والأنشطة التي ستقام في السفر وخلافه، وايضا كيفية الاعلان عن الرحلات بشكل يجذب أكبر انتباه عن طريق بوسترات أو طريقة الكتابة والاعلان او أسعار مميزة أو خلافه. وفقك الله
تم النشر الخميس، ١٨ ديسمبر ٢٠٢٥
ربنا يوفقك في اللي فيه الخير ، بس رحلة اليوم صعبه اوي بجد ، فحاولي تخليها علي الاقل يومين
تم النشر السبت، ٢٠ ديسمبر ٢٠٢٥
اعملى جروب وخلي كل اللى انتى تعرفيهم يشيروه
تم النشر الخميس، ١٨ ديسمبر ٢٠٢٥
لعرض السؤال في فدني اضغط هنا