انا عندي عشرين سنه بدور علي الحب بس ملقتوش حبيت واحد اصغر مني بسنه طلع خاين وكسر قلبي بعديها بفتره حبيت واحد. تاني اتعلقت بيه بس سابني عشا بطلع بره الشات كتير هو صعب ان الاقي حد يحبني زي ما انا يهتم بيا بتفاصيلي الصغيره بحب ايه بكره ايه ليه لازم انا بس الي اهتم
السلام عليكم ورحمه الله وبركاته عندك 20 سنه يعني بداتي طبعا تدوري على الاجزاء العاطفيه ده طبيعي جدا في المرحله دي لكن احنا لازم نخلي بالنا كويس قوي ان مش كل حاجه يطلعلها دافع من جوانا نقوم بسرعه ندور عليها ونعملها لان ده في خطوره جدا على حياتنا كلها هيتخيلي كده ان انت دلوقتي وانت صايمه حسيتي انك عايزه تشربي ما تروحي تشربي صيامك اكيد مش هتعملي كده هتبقي دائما بتفكري نفسك انا صايمه انا صايمه مش هينفع اشرب ليه لانك بتدوري على انك ما تبوظيش الحاجه الكبيره الحلوه اللي هو إنك صايمة فاحنا لازم ناخد بالنامل الموضوع ده وخصوصا في الامور العاطفيه انا دلوقتي حاسه ان انا عايزه احب واتحب اوكي بس انا مش عايزه ابوظ السنسور بتاع مشاعري لان هو مع الارتباطات بقت كثير وكل شويه جرب مع حد هتلاقي نفسك بقى مش فارق معاكي اي حاجه من دي.
تم النشر الأربعاء، ٩ يوليو ٢٠٢٥
انتي لسه قدامك حياه وهتشوفي ناس كتير وهتحبي و تتحبي التجارب دي كانت مجرد تجربه فقط ويمكن كانت رسالة تعرفك ان انتي لسه مش جاهزه للحياه العاطفيه شوفي نفسك شوفي حياتك حسني من نفسك وصدقيني لما حد يحبك بجد هيسعي عشانك وساعتها بس هتعرفي يعني إيه حب حقيقي وهتعرفي إن كل ده كان مجرد تجارب فاشله عديتي بيها ف عايزه اقولك متزعليش ربنا بإذن الله هيعوضك بحد ينسيكى كل ده يا جميله
تم النشر الثلاثاء، ١٥ يوليو ٢٠٢٥
بصي يا حبيبتي هقولك حاجة..انا عارفة ان ساعات احنا كبنات بنحب نلاقي الحب ده وبنبقى نفسنا فيه ولكن هقولك حاجة..الحب ده مجرد حاجة وقتية يعني زي الطفل بظبط اللي مصمم على لعبة او حاجة حلوة..هو ليه رغبة في الحاجة دي بس اول ما تيجي وتبقى هيقعد شوية وبعدين ممكن يتصرف فيها غلط يإما يُكثر منها فيطلع مبذر ويخلص فلوس اهله على الفاضي يإما يفضل بياكل الحاجة الحلوة لحد ما يتضر ويجيله السكر ..كل ده ليه؟ لإنه مجرد دلوقتي محتاج حاجة ونفسه عايزاها ولكن بدون تفكير وبدون عمل حسابات لأثر هذا الموضوع..الله عز وجل خلق فينا غرائز معينة وفي نفس الوقت حط لينا شرع حكيم وخلق فينا ارادة وقرار وعقل. والانسان في الدنيا دايما مختبر يإما بالخير يإما بالشر وكمان الإنسان بيختبر في مشاعره دي والمؤمن بجد هو اللي يبعد نفسه عن الحرام ويسيطر على حاجته وشهوته لإنه يعلم ان الله حرّم ذلك وابدله بالحلال ألا وهو الزواج..فرأيي انك دلوقتي تسألي الله عز وجل الإعانة انه يعفك ويرزقك زوج صالح ويرزقك غض البصر ويملئ قلبك بالنور والإيمان وحب الله ورسوله صلى الله عليه وسلم..حاولي تشغلي نفسك بالتقرب إلى الله وانك تنمي نفسك دينياً وعلمياً ومهنياً وثقافياً وانك تقفلي اي باب بيوصلك بعلاقة الحب دي تاني..حاولي تتدبري القرآن وتعملي لنفسك ورد قراءة يومياً وتتعلمي علم شرعي وتنمي نفسك في مجال دراستك او عملك او اي مجال فريلانس حلال بتحبيه او اي شغل او موهبة حلال عندك نمّيها واشغلي وقتك بما ينفعك مع الدعاء بإن الله عز وجل يرزقك الزوج الصالح التقي النقي الذي يعينك على حسن عبادة الله وحده وعلى طاعة رسول الله صلى الله عليه وسلم وتعينوا بعض على امور الدنيا والآخرة حتى تدخلوا الجنة بسلام بإذن الله. حاجة كمان عايزة اقولهالك يا حبيبتي ان احنا جايين الدنيا دي لعبادة الله رب العالمين وهنسيبها فجأة في لحظة..يعني الموت مبيستأذنش وربنا عز وجل قال { وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ } [سُورَةُ الذَّارِيَاتِ: ٥٦] بواسطة تطبيق وحي: https://onelink.to/wahy وربنا هيسألنا كلنا عن عمرنا عملنا فيه ايه وشبابنا ابليناه في ايه وصحتنا وفلوسنا جبناها منين وصرفناها فين فدايماً كوني مستعدة للقاء الله وتوبي واستغفري الله واسألي الله الهداية لإن الحب في خارج اطار الزواج محرم فنصيحتي ليكي يا حبيبتي بصي قدامك وحواليكي وشوفي..كام بنت شابة ماتت فجأة والله اعلم هي في الجنة ولا النار دلوقتي..كام بنت ماتت وهي بتكلم شباب..بصي حواليكي وتأملي في الدنيا والسموات والسحاب والمخلوقات وتدبري القرآن حتى وإن آية يومياً وقرّبي من ربنا واسألي الله العافية والمعافاة في الدنيا والآخرة والتوبة النصوح والهدى والتقى والعفاف والغنى والثبات والمغفرة والرحمة وقولي اللهم يا مقلب القلوب ثبت قلبي على دينك وساعتها هتكتشفي ان كل الفتن دي طريق من الشيطان وآخرته مش كويسة وهتعرفي حاجات كتير.. ايوه من حقنا نستمتع بالدنيا بس بالطريقة اللي ربنا وخالقنا شرعها لنا..لإن احنا سايبين الدنيا دي فجأة وهنروح لدار تانية خالص يإما تبقى في نعيم يإما تبقى في عذاب.. نسأل الله العافية. ربنا يصلح حالنا جميعاً ويتوب علينا ويرزقك العفاف والزوج الصالح وكل خير في الدنيا والآخرة.
تم النشر الاثنين، ١٤ يوليو ٢٠٢٥
ما تدوري على الحب.. وادعي الله يجيكي بالحلال، لانه غير هيك حكي فاضي وتضييع وقت وزيادة سيئات
تم النشر الثلاثاء، ٨ يوليو ٢٠٢٥
السلام عليكم، ليه مستعجلة على الحب وليه أصلا بتدوري عليه؟ مسألتيش نفسك إيه سبب البحث ده والحاجة لإنك تلاقي شخص يهتم بك؟ أنتِ مشكلتك إنك مش بتحبي نفسك وبتهتمي بها لدرجة إنك تكتفي عاطفيًا وتتزني وساعتها مش هتبقي ملهوفة تدوري على المشاعر والاهتمام عند حد ممكن يؤذيكِ ولا يستغلكِ زي ما بيحصل معك حاليًا. الحب هيجي في وقته لكن لازم قبلها تبقي مستعدة نفسيًا وعارفة يعني إيه حب فعلا وإزاي تتعاملي وتحافظي على كرامتك وقلبك وتكوني متوازنة والأهم تعرفي إن الحب لازم يكون حلال، يعني مع زوجك إن شاء الله، شخص لما يحس بمشاعر ناحيتك هيقدرك ويحافظ عليك ويتقدم لأهلك على طول. غير كده فاللي بتكلميهم وبتدوري على الاهتمام عندهم فهم بيتسلوا مش أكتر والارتباط بالطريقة دي حرام وبتاخدي عليه ذنوب. ** فأنتِ أولا، قربي من ربنا وصلحي علاقتك به لو مقصرة في عبادتك، ووقفي أي علاقة حرام عشان ربنا يرضى عنك. ثانيًا، حبي نفسك واهتمي بها واشغلي وقتك بحاجات مفيدة لكِ، كل ما كانت حياتك مليانة ومفيهاش فراغ وبتنجزي فيها هيقل جدًا إحساسك بالحاجة للحب والارتباط. ثالثًا، عززي نفسك وقدريها وحافظي على قلبك من اي علاقات تؤذيك أو تتسلى بك واعرفي قيمتك عشان لما ييجي الوقت تعرفي تختاري الإنسان الصح اللي يقدرك فعلا. ربنا معك.
تم النشر الثلاثاء، ٨ يوليو ٢٠٢٥
دي كانت تجارب فاشلة ولا واحد فيهم حبك بجد وماتدوريش علي الحب هيجيلك الشخص المناسب في الوقت المناسب اشتغلي علي نفسك أكتر واهتمي بيها واعرفي قيمتك كويس علشان تتقدري
تم النشر السبت، ١٢ يوليو ٢٠٢٥
انتي لسه قدامك حياه وهتشوفي ناس كتير وهتحبي و تتحبي التجارب دي كانت مجرد تجربه فقط ويمكن كانت رسالة تعرفك ان انتي لسه مش جاهزه للحياه العاطفيه شوفي نفسك شوفي حياتك حسني من نفسك وصدقيني لما حد يحبك بجد هيسعي عشانك وساعتها بس هتعرفي يعني إيه حب حقيقي وهتعرفي إن كل ده كان مجرد تجارب فاشله عديتي بيها ف عايزه اقولك متزعليش ربنا بإذن الله هيعوضك بحد ينسيكى كل ده يا جميله
تم النشر الثلاثاء، ١٥ يوليو ٢٠٢٥
لعرض السؤال في فدني اضغط هنا