لية في ناس شايفة ان الحساسية يعني هشاشة نفسية او عقل صغير
في لحظات خلاص الواحد مبيبقاش قادر يستحمل الضغوط وبيعيط
في مجتمعنا الناس بتشوف ان الشخص الحساس ضعيف واللي يزعل بسرعه ضعيف واللي مبيعرفش يرد ضعيف لأنهم نشأوا علي كدا نشأوا علي ان الشخص الحساس دا شخص ضعيف وبمجرد ان لو زعل من حد هيقعد لوحده بعيد عن الناس وبالتالي هنا بتبدأ فكره ان الحساس شخص عنده هشاشه نفسيه لكنهم مش فاهمين إنها عاطفه موجوده عند اي إنسان ولو ذره منها وبالنسبه للضغوطات هيا دي الحياه مفيش حد مش مضغوط لكن الضغوطات ديا بتبقي درجات في منا عنده ضغط صغير وشايل همه ومننا عنده ضغط كبير اوي وبردو شايل همه لكن الضغط الصغير دا بالنسبه لصاحبه =الضغط الكبير اللي عند الشخص التاني ،،،ايوا متساويين ربنا مش بيكلف نفس إلا وسعها ودا رد فعل عادي البكاء أنا بشوف اني أعيط احسن من اني اراكم الضغوط سيبك من تفكير الناس لان أوقات تفكيرهم يميل للرجعيه والعقم لا متقوليش مش قادره استحمل حاولي مره واتنين وتلاته توكلي علي الله أنا يعلم الله قد اي عندي ضغوطات وحياتي مش سريه لكن بحاول ايوا بقوم واقع لكن دا سنه الحياه يبقي فيها ضغط لان دا اختبار من الله عز وجل لاختبار صبرنا وسيبيها علي الله الحياه جميله بإذن الله فرج الله همك وازال كربك بإذن الله
تم النشر الأربعاء، ٢٥ مارس ٢٠٢٦
بصي يا حبيبتي فكرة ان الحساسية ضعف دي مش صح خالص دي بس نظرة ناس مش فاهمة ان في ناس بتحس بعمق اكتر وبتتأثر اسرع وده مش عيب بالعكس ده معناه ان قلبك حي وبتفهمي اللي حواليكي كويس اللي بيحصل ان الضغط لما بيزيد على اي حد حتى لو قوي بيجي وقت ويغلبه ومش بيلاقي غير العياط يطلع بيه اللي جواه وده طبيعي جدا مش ضعف ولا حاجة ده تفريغ لمشاعر متراكمة وانا حاسة بيكي جدا لان الاحساس ده صعب لما تبقي شايلة كتير وساكتة وفجأة تلاقي نفسك مش قادرة تستحملي اكتر من كده بس ده مش معناه انك هشة ده معناه انك انسانة بتتحمل لحد ما توصل لحدها حاولي بس تدي لنفسك مساحة ترتاحي ومتكبتيش كل حاجة جواكي واتكلمي مع نفسك بلطف كأنك بتطبطبي على حد بتحبيه انتي مش ضعيفة ولا صغيرة انتي بس محتاجة راحة واحتواء وده حقك جدا
تم النشر الخميس، ٢٦ مارس ٢٠٢٦
يا عزيزتي، أول حاجة: الحساسية العاطفية مش ضعف نفسي ولا "عقل صغير" خالص! ده ذكاء عاطفي عالي، يعني إن قلبكِ واسع وقادر يحس بالعالم حواليكِ بشكل أعمق. البكاء تحت الضغط زي صمام أمان طبيعي في الجسم، بيفرغ الهرمونات السلبية زي الكورتيزول، وده مدعوم علمياً في علم النفس. ليه ناس كتير شايفينها كده؟ بسبب الثقافة اللي بتفرض "القوة = عدم إظهار العواطف"، خاصة على الرجالة، وبتنتشر على الستات كمان. بس في الإسلام، النبي ﷺ بكى على فقدان ابنه إبراهيم، وقال: "القلب يحزن والعين تدمع". يعني العواطف بشرية ومش عيب. نصائح عملية عشان تتعاملي مع الضغوط: حددي الضغط اللي جاي (مثل جدول يومي بسيط) وقسميه لخطوات صغيرة. زدي الصلاة والدعاء، زي قولي "حسبي الله ونعم الوكيل" لتهدئة النفس. مارسي رياضة خفيفة زي المشي 20 دقيقة يومياً، أو اقرئي قرآن للراحة الروحية. لو الضغط مستمر، جربي تكتبي يومياتكِ عشان تفهمي الأنماط وتسيطري عليها. أنتِ قوية يا حبيبتي، والحساسية دي ميزة مش عيب – زي الوردة اللي بتنور الدنيا! 😊 ابحثي في فدني عن "إدارة الضغوط النفسية" هتلاقي إجابات كتير، أو شوفي الخبراء هنا: https://www.fedni.net/experts لو عايزة استشارة متخصصة. قوليلي إيه رأيكِ؟ 💕
تم النشر الاثنين، ٢٣ مارس ٢٠٢٦
ربنا يعينك على الضغوط والحياه ومش مهم بجد اي حد مفكر ايه اللي تحسه هيريحك اعمله طالما مبتعملش حاجه غلط الواحد مش هيعيش مرتين يعني والحياه كده ناس حساسه وناس لا المهم نعرف نتعايش مع بعض
تم النشر الأربعاء، ٢٥ مارس ٢٠٢٦
هتتعدل يعم اضحك وفرفش محدش ضامن عمره كل انسان بيعدي بلحظات دروب كدا ف حياتوا بس الدنيا مش هتوقف عليها كلو بإذن ربنا هيرجع احسن من الاول
تم النشر الاثنين، ٢٣ مارس ٢٠٢٦
مفيش مشكلة في الحساسية وهي لها مميزات وعيوب ..
تم النشر الأربعاء، ٢٥ مارس ٢٠٢٦
الناس اللي بتعيط بسرعة دي انضف ناس قلوبها بيضة وصافية مش بيشيلوا في قلبهم وغالبا بيكونوا اقل تعرض للامراض النفسية لانهم بيخرجوا مشاعرهم مش بيكتموها في قلبهم لغاية ما تتراكم المشاعر دي وميقدرش يطلعها بعد كدا ف دي صفة حلوة ربنا رزقك بيها
تم النشر الأربعاء، ٢٥ مارس ٢٠٢٦
لعرض السؤال في فدني اضغط هنا