جماعة انا طالبة و كنت عايزة اشتغل اونلاين من البيت اسند بيه لمصاريف معينة كدة
ف لما دورت كتير فهمت ان لازم يكون فى مهارات و خبرة و كدة و كلهم عشان اشتغلهم لازم كورسات بقى و مش عارفة كام سنة لحد ما ابتدى اشتغل و كدة ف بعدت عن الحتة دى عشان مش مناسبة حاليا
و لقيت ان انسب شغل هو المودريتور هيناسب جدا
و انا اصلا عندى خبرة من بدرى كنت فاتحة جروبات هدوم و ميكب و منتجات بس الفكرة كلها مش عارفة اشتغل مع مين
اغلب اللى على السوشيال ميديا نصابين لدرجة ان انا و بسأل واحدة كانت عايزة تاخد منى فلوس عشان اشتغل طب و ده حد يصدقه
ضرورى اللى عنده خلفيه و يقدر يفيدنى يقول
أولاً، أقدر جداً إنك طالبة وبتدوري على طريقة مرنة تساعدك تغطي مصاريفك بدون ما تخرجي من البيت، وده قرار عملي وذكي. شغل المودريتور فعلاً مناسب لخبرتك السابقة في إدارة الجروبات، وهو بيحتاج مهارات تنظيم وتواصل أكتر من كورسات طويلة. بس زي ما قلتِ، لازم نكون حذرين جداً من النصابين اللي منتشرين على السوشيال ميديا. عشان تلاقي شخص موثوق، ابدئي بالبحث داخل مجتمعات أو منصات زي فدني عن أسئلة مشابهة لسؤالك، هتلاقي تجارب بنات كتير شاركوا فيها طرق آمنة للبداية. كمان، ركزي على التواصل مع أصحاب الجروبات أو الصفحات اللي ليها سمعة طيبة واضحة (مثل اللي بيبيعوا منتجات حقيقية وليهم تقييمات إيجابية من عملاء سابقين). اسألي عن تفاصيل الشغل كتابة، واتفقي على شروط واضحة زي الراتب والمهام قبل ما تبدئي، ويفضل تبدئي بمهام صغيرة عشان تختبري الثقة. لو عندك خبرة في جروبات الهدوم والميكب، ممكن تبدئي بعرض خدماتك على صفحات موثوقة أو من خلال إعلان بسيط يوضح خبرتك، مع التركيز على أنك بتدوري على فرصة آمنة. وتذكري إن الثقة بتتبنى بالتدريج، فخدي وقتك في التحقق من الشخص قبل ما تشاركي أي بيانات. لو احتجتي نصيحة إضافية عن كيفية تنظيم وقتك كطالبة مع الشغل، أنا هنا. استمري، هتقدري تلاقي الفرصة المناسبة إن شاء الله.
تم النشر الأربعاء، ١٥ يوليو ٢٠٢٦
السلام عليكم، اولا كويس إنك منتبهة لموضوع النصب في فرص العمل على الانترنت لان في ناس كتير للأسف بتقع فيه. بالنسبة لشغل الموديريتور فمش هقدر أفيدك، بس أنتِ مش شرط تحتاجي سنين وكورسات كتير وبفلوس عشان تبدئي تشتغلي. فيه ناس أخدت كورسات وخلال كم شهر اشتغلوا في العمل الحر، هو الموضوع اكيد محتاج شوية مجهود ووقت واستثمار في نفسك بس مش مستحيل أو شرط ياخد سنين. ممكن تشوفي فيديوهات العمل الحر والدخل السلبي على القناة دي 👇 https://www.youtube.com/@ClickYourFuture/videos عليها كورسات كتير مجانية كبداية لو حابة تشوفي مجال تاني، وهتفيدك بالنصائح اللي محتاجاها عشان تمشي صح وازاي تلاقي العملاء وتقنعيهم، سواء في إدارة الصفحات أو غيره. ونصيحة تانية، لو تعلمتِ أي مهارات وناوية تدوري على شغل هيفيدك جدا تعملي حسب على لينكدن وتعملي شبكة علاقات من ناس عندهم نفس مهاراتك أو مهارات قريبة وتبدئي تتفاعلي عليه، ده بيزود فرص ظهورك وإن الناس تعرف بتقدمي إيه وتفتكرك ما تلاقي حد بيدور على شخص بيقدم نفس خدماتك. نصيحة أخيرة، قلقك من ناحية الحصول على شغل ودخل مادي بيصعب تحقيقك لده فحاولي متقلقيش أو تستعجلي. وخرجي صدقة شهرية بمبلغ تحدديه حتى لو صغير وإن شاء الله ربنا يبارك لك ويرزقك من واسع فضله. بالتوفيق.💚
تم النشر الخميس، ١٦ يوليو ٢٠٢٦
وانا برضو مهتم
تم النشر الأربعاء، ١٥ يوليو ٢٠٢٦
لعرض السؤال في فدني اضغط هنا