اخدت فتره كنت بحفز نفسي اني مضيعش عليا وقت عشان الثانوي وكدا وكنت دايما بحفز صحابي بس الاول انهم يقربوا من رينا لانها دي بتكون اول خطوه للنجاح
بس دلوقتي انا مدمره نفسيآ والله ولا حته بذاكر ولا بعمل اي حاجة بصلي والحمدلله مش بسيب فرض بس حقيقي وقتي كله رايح ف النوم ودايما حاسة نفسي تعبانه وكسلانه كدا وكل يوم عند دكتور
ملاحظه : كل ما افكر اذاكر الاقي نفسي نسيت كل القديم اللي مبني عليه الثانوي بالله اغثوني 💔.
لو مفيش حاجة منطقية وانتى منشغلتيش باى حاجة تانيه غير الدراسة مثلا ....يبقي فى شخصية شافت التزامك ومبادرتك فى الصح وحسدتك .. جربي تقرأى سورة البقرة كل يوم وتسمعى رقية شرعية او تخلى حد يقرأ عليكى الرقي...
.
متأكده مفيش أي دواء بيسبب نعاس واكلك خفيف ع المعده.. جربتي حد من أهلك يشجعك طيب تصحي وتقعدي فالشمس كده وتهيئي من حواليكي الأجواء.. لو فعلا منظمة جدول وملتزمه فصلاتك وطريقه مذاكرتك مش ممله ونومك واكلك ...
حرفيا كنت بعمل كل دا والله وبقيت بشجع نفسي ف كل مره اني اكمل وميأسش وكدا لاكن بزهق جدا والله وبلاقي نفسي رجعت لفتره النوم والملل والخنقة تاني والعياط بدون سبب وف نفس الوقت انا مبقتش حابة كدا وحتة مبقتش بكلم حد من صحابي وبعلق الشتات بقيت مش طايقه حد او اني افتح مواضيع او اتكلم والحمدلله كنت دايما بطلع من الاوائل بس حاليا مش هحصل اني اعدي حته والله الخنقة واليأس والنوم حاجة اساسيه ف حياتي......... انا بنصح وقت مايحتاجوا مني نصيحه وبهتم بيهم لحد ما الاقيهم شخصيه تانيه بس انا مش عارفه اعمل مع نفسي كدا دلوقتي 💔.
كتر النوم و الخمول ليه اساب كتير .. بعضها طبي و بعضها متعلق بالحسد و السحر و البعض بيكون بسبب الاكتئاب او مادة غريبة دخلت الجسم او بسبب سوء تغذية الخ ، ركزي معايا .. هناخد حمام بمياه ساخنة ثم تبرد ، بعد كده هتنتهي من توضيب امورك و تروح تاكلي حاجه و تحضري كوب اي حاجه دافية تتشرب مش شاي ولا قهوة نهائيا و تمنعي النسكافية و الكوفي ميكس تماما ، هتجيبي ورق و قلم ، هتكتبي اللي فاكراه و هتدخلي علي مادة واحدة بس في اليوم واحدة فقط لكل يوم الاول هتقري بصورة عامة و تبدئي تلخصي اللي قريتيه و تكتبي ملاحظات مهمة علي جنب في الورق ده او في كشكول كبير .. او صغير واحد لكل مادة .. دا ليكي انتي مذاكرتك و تلخصيك ، و انتي بتعملي كل ده شغلي سورة البقرة كاملة بصوت هادي خالص يادوب يتسمع ، وتفضل شغالة متفصلش مش اي سورة تانية سورة البقرة .. بعد كده كل ساعة او ساعتين تاخدي استراحة اتنفسي ابعدي عن الكتب تماما ادخلي البلكونة اقعدي شوية مع العيلة استراحة نص ساعة و بعد كده ارجعي كملي ، سوة البقرة قبل ما تنامي تسمعيها و لو قدرتي بعد انتهاء المذاكرة تقريها اقريها يكون افضل .. و انتي بتذاكري افصلي الفون وضع طيران او صامت ، لو فيه نقط معينة مش فاهماها اكتبيها برضه .. مش هتخلصي مادة في يوم لكن هتاخد معاكي وقت و مش هتبدئي من الصفر تاني لانك كل اما هترجعي هترحعي للي كتبتيه ، حاولي كمان تدوري علي امتحانات السنوات السابقة و خدي فكرة عنها ، زميلتك الدحيحة ابعتي هاتيها تذاكروا مع بعض لو ينفع ، و نظمي جدول لنفسك قبل كل ده ، الخلاصة .. شهر و نص و هتلمي كل شيء سورة البقرة هتوقف تماما اي سحر او حسد اتعرضتي ليه ، كوباية حليب قبل النوم دافية بدون سكر علشان تعوض العناصر الغذائية و قبل النوم علشان الجسم يمتصها براحته قوي بدون اضطرابات .. وربنا يوفقك ، و صلي طبعا .. و متشغليش نفسك باي شيء او اي حد خالص .. ربنا يوفقك . اهتمي بنفسك و بس و انصحي لو حد طلب منك النصيحة ..مطلبش يبقي خلاص ، دعي الخلق للخالق علشان تنقذي نفسك و ربنا اللي بيدبر الامور و بيهدي مش انتي .. عايزة تكوني سبب ماشي لما تلاقي حد يطلب منك بلاش تتطوعي .. علشان هتتفهمي غلط اليومين دول . علشان تساعدي الناس لازم الاول تساعدي نفسك يا ندي .
لعرض السؤال في فدني اضغط هنا