ازاي البنت تبطل تتعلق باي ولد بتشوفه ومجرد ان بصلها او قال لها كلمه حلوه لدرجه ممكن تكون النظره الولد ممكن تكون بالغلط اصلا ليها بس هي تقعد تشغل تفكيرها وتفكر كثير جدا جد
التخلص من التعلق يبدأ بفهم مشاعرك والاعتراف بها، ثم تحديد ما أو من تعلق به عقلك وقلبك. حاول تقليل الاعتماد العاطفي تدريجيًا عن طريق الانشغال بهواياتك وأهدافك الشخصية، ومراقبة أفكارك ومشاعرك بدون الانجراف وراءها. تقبل الواقع وحدود الآخرين، واهتم بنفسك وبصحتك النفسية والجسدية، فهذا يساعدك على التحرر تدريجيًا من التعلق ويمنحك شعورًا بالاستقلالية والراحة الداخلية.
تم النشر الجمعة، ٣ أبريل ٢٠٢٦
حبك لنفسك هيخليكي تلقائي تستغني عن شعور انك حتى مستنيا لو نظره عشان تحبي حد او حد يمدح فيكي و تتعلقي بي خليكي ناجحه شغلك دراستك هتلاقي نفسك بجد مكتفيا بذاتك التعلق بالاشخاص بيروح لما بنتجه لنفسنا اكتر و نشغل تفكيرنا بحاجات تانيه افضل من الناس قربي من ربنا و من اهلك اوي
تم النشر الأحد، ٥ أبريل ٢٠٢٦
بصي بصراحة، الموضوع ده بيحصل مع ناس كتير، وسببه غالبًا مش إنك بتتعلقي بالشخص نفسه، قد ما هو إنك بتتعلقي بالإحساس اللي بيجيلك لما حد يهتم أو يبص أو يقول كلمة حلوة. الفكرة مش في الولد، الفكرة في الشعور إنك متشافه ومهمة. علشان تبطلي التعلق السريع ده، حاولي تعملي شوية حاجات بسيطة: أول حاجة، لما يحصل موقف زي كده، متكمليش القصة في خيالك. يعني متقعديش تقولي أكيد كان بيبصلي عشان كذا وكذا. اعتبري الموقف عادي وعدّي. تاني حاجة، اشغلي نفسك بحاجات في حياتك إنتِ: مذاكرة، هواية، رياضة، أي حاجة تخلي دماغك مش فاضي يفضل يفكر. تالت حاجة، حاولي دايمًا تفكري نفسك إن أي حد ممكن يقول كلمة حلوة أو يبص، بس ده مش معناه إعجاب ولا حب ولا أي حاجة، دي مجرد مواقف عادية في الحياة. و أهم حاجة بجد، لما البنت بتبقى شايفة نفسها وليها حياة واهتمامات وهدف، بتبطل تستنى نظرة من حد عشان تحس إنها مهمة. إنتِ قيمتك مش في إن حد يعجب بيكي، قيمتك في إنك تبقي عاجباكي نفسك الأول.
تم النشر السبت، ٤ أبريل ٢٠٢٦
يا حبيبتي، أول حاجة: أنتِ مش لوحدك في ده، كتير بنات بيحصل معاهم كده بسبب الهرمونات والتفكير الزايد، بس فيه طرق عملية تفككِ التعلق ده خطوة بخطوة، وبتحافظ على قلبك وقيمك. هقولكِ الخطة البسيطة: 1. اعرفي السبب وامنعي الخطوة الأولى: لما تشوفي نظرة أو تسمعي كلمة حلوة، قولي لنفسك فوراً: "دي ممكن تكون صدفة، مش دليل حب". اكتبيها في مذكرة هاتفكِ كتذكير يطلع كل يوم. قللي التعرض: تجنبي النظر غير الضروري للشباب (غض البصر زي ما الله أمر)، وركزي عيونكِ على أهدافكِ. 2. شغلي دماغكِ بقوة : حددي 3 أهداف يومية صغيرة (مثل: اقرئي صفحة قرآن، مارسي رياضة 20 دقيقة، أو تعلمي مهارة جديدة زي الطبخ أو لغة). لما يجي التفكير، قومي فوراً: صلي ركعتين، أو اسمعي قرآن، ده بيملأ الفراغ ويذكركِ إن الله أحسن حبيب. 3. ابني ثقتكِ بنفسكِ : كل يوم، اكتبي 3 حاجات تحبيها في نفسكِ (جمالكِ، ذكائكِ، إيمانكِ). ده هيخليكِ تشوفي إنكِ تستاهلي حب حقيقي، مش خيال. فكري في الزواج الحلال: حددي صفات الشريك اللي يناسبكِ، وادعي الله يرزقكِ اللي يخافُه. 4. تابعي التقدم : بعد أسبوع، شوفي إيه اللي نجح، وعدلي. لو استمر، جربي صيام نفسي 3 أيام (متفكريش فيه خالص). هتتحسني سريع يا قمر، اللي بيحصل ده عابر، وربنا هيعوضكِ أحسن. لو عايزة نصائح أكتر، ابحثي في فدني عن "التعلق العاطفي" هتلاقي إجابات كتير، أو شوفي الخبراء هنا: https://www.fedni.net/experts. أنتِ قوية، خليكِ كده! 💪❤️
تم النشر الخميس، ٢ أبريل ٢٠٢٦
غضى البصر ومتخليش ولد غريب يكلمك وكدة مش هيقلك كلام حلو علشان تفكرى اصلا 🙂
تم النشر الجمعة، ٣ أبريل ٢٠٢٦
حبي نفسك أوي هيكون في اكتفاء ذاتي
تم النشر الأحد، ٥ أبريل ٢٠٢٦
شكرا يا كتكوته
تم النشر الجمعة، ٣ أبريل ٢٠٢٦
ده بسبب إحتياج طبعاً كلنا عندنا احتياجات مختلفه بس مش معنى كدا اننا وحشين ودي النقطه عندك الناقصه اللي افتقدتيها سواء من أهلك من صحابك اللي حواليكي المهم إنك تزودي ثقتك بنفسك تعرفي إن قيمتك مش بتعتمد علي اللي حواليكي شايفينك ازاي انتي عارفه نفسك علي ايه حاولي تشبعي الإحتياج ده بنفسك وتجتهدي في حياتك ساعتها مش انتي اللي هتنجذبي للناس هما اللي هيحبوا يكونوا مع واحدة جميله ناجحه زيك ده مش شرط بس دي حاجة تديكي ثقه في نفسك في كذا فيديو حلو علي يوتيوب ممكن يشرحلك أكتر لكن في الأول والآخر إنتي إنسانه جميله ومش حاجة تعيبك بس غيريها عشان متتعبيش نفسك
تم النشر الجمعة، ٣ أبريل ٢٠٢٦
وشكرا جدا جدا جدا على مساعدتك وربنا يوفقك ان شاء الله اخذ بالنصيحه وبالكلام ده وباذن الله هبقى كويسه ومش هفكر تاني في الحوار ده
تم النشر الجمعة، ٣ أبريل ٢٠٢٦
ما هو بعد الحوار ده فهمت كل ده وفعلا فهمت ان كل ده تضيع وقت وتضيع مجهود ووجع قلب على الفاضي ومقتنعه بيه واللي عملته ان شاء الله مش هيتكرر تاني بس انا كنت بستفسر في حته التعلق دي لان الصفه دي معذباني جامد قوي يعني اكتر حاجه كرهها في نفسي وحياتي
تم النشر الجمعة، ٣ أبريل ٢٠٢٦
انا مش بكلم ولد مجرد ان هوا يتفاعل على استوريز يعمل اي حركه انشغل
تم النشر الجمعة، ٣ أبريل ٢٠٢٦
طيب قولى خطوات عمليه
تم النشر الجمعة، ٣ أبريل ٢٠٢٦
أهلاً بيكى اللى انتى فيه دا اسمه تعلق وهمي ودا مع بنات كتير أوى مش انتى لوحدك ودا بيبقى ناتج عن فراغ عاطفي ف بيبدأ عقلك لا تلقائيا يبحث عن أي سيناريو يحسسه بالحاجه اللى ناقصاه ..... طب والحل إيه انك تبدأى تزودى ثقتك فى نفسك وتهتمى بنفسك أكتر ولازم ترفعى استحقاقك لنفسك أكتر وانك غاليه و غاليه جدا بحيث مش أى حد معدى فى الشارع يستاهلنى ف بالتالى عقلاك مش هيستجيب لأى سيناريو ولا يستدعيه بمجرد موقف عابر حسنى علاقتك بالله واعرفى أن النصيب لا يأتي بنظرة عابرة، بل بتقدير رباني. تذكري قوله تعالى: "وَمَنْ يَتَّقِ اللَّهَ يَجْعَلْ لَهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ". ولو الموضوع مأثر عليكى جامد نفسيا الزمى قرآءة سورة البقرة يوميا ربنا يوفقك ويكتب لك اللى فيه الخير
تم النشر الجمعة، ٣ أبريل ٢٠٢٦
لو محترم ليه عمل اللعبه دي ليه دخل لي قال لي مش اقول لصاحبتي ان هو دخل لي ولما سالته ليه قال لي ان هو مش عايزه تزعل واصلا ما فيش ما بينهم حاجه 🙂
تم النشر الأحد، ٥ أبريل ٢٠٢٦
ممكن يكون محترم فعلا الله أعلم مش كل الناس خبثاء ومتصيدين .. على العموم لازم يمنع أي تفاعل بين الشباب والبنات إلا للضرورة ويكون أمام الناس
تم النشر الأحد، ٥ أبريل ٢٠٢٦
حاولي قربي من ربنا و اهلك هتلاقي الموضوع بقى مش في دماغك مين معاكي و مين تبصيله
تم النشر الأحد، ٥ أبريل ٢٠٢٦
العفو 🤍 اللهم آمين يارب
تم النشر الجمعة، ٣ أبريل ٢٠٢٦
الحوارات ديه الشباب بتفضل تعملها علشان توقع البنت ويوصل للى هو عايزه .... انتى كويس جدا انك فاهمه انك فتحتى باب للشيطان من الأول والحمد لله انك عملتى بلوك ومتتغريش بالشكل ولا المنظر كلنا من برا بنحاول نظهر أفضل حاجه مننا لكن من جوا كل واحد فينا عنده عيوبه .... عايز أفهمك حاجه يا بنت الناس حتى لو كويس ومحترم ومش بتاع حوارات حرام أصلا تكلميه يا بنتى انتى لسه صغيرة أوى ومفيش حاجة اسمها انت عايزها ولا لا مينفعش تضفيه مينفعش تردى عليه فاهمانى حافظى على قلبك يا بنتى لحد لما يجبلك ابن الحلال اللى هيخش من باب بيتكم مش من شات واتس ربنا يوفقنا ويوفقك
تم النشر الجمعة، ٣ أبريل ٢٠٢٦
ممكن تكون بدايه مراهقه بس وده عادي يحصل لحد مهرمونات تستقر كل ده هيتعدل
تم النشر الجمعة، ٣ أبريل ٢٠٢٦
الموضوع كان ان معايا ولد في الدروس الولد ده كان بيبص لي كتير في الدروس وكان بره الدروس كان بيقف يستنى بس الولد ده كان محترم جدا او انا كنت شايفاه محترم جدا كان الصلاه في ميعادها كان بيطلع من الدرس علشان يروح يصلي وكان من الدرس للمسجد ومن المسجد للصلاه المهم الولد ده دخل لي وتس بحجه ان هو عايز يدخل جروب انا ادمن فيه جروب له علاقه بالمذاكره يعني وكده تلخيصات وكده فانا ضفته عندي فكرت ان هو من احترامه مثلا مكسوف يتكلم معايا وكده ففتحت له الباب وانا عارفه ان انا غلطانه في الحته دي المهم كان بيتفاعل على كل الستوري بتاعتي انا اخر ما زهقت كان في واحده صاحبتي قريبته قلت كل حاجه صاحبتي دي علشان تخليني ابطل تفكير واركز في ثالثه ثانوي دخلت له وقالت له انت عايزها ولا لا قال لها مش عارف اوقات يبقي عايز اكلمها واوقات لا قالت له لو هتكلمها كلمها وبلاش الشغل اللي انت بتعمله ده المهم الولد دخل لي قال لي في حد قال لي انك زعلانه مني انا مش كنت اعرف ان صاحبتي كانت قالت له اصلا فقلت له ازعل منك ليه ومين قال لك اصلا المهم قال لي انا عايزه اقول لك حاجه بس ما تقوليش لمنه فقلت له ليه قال لي عشان مش تزعل مني وهو اصلا اول ما دخلي انا كنت كلمت منه فمنه بعتت له بتقول له انت كلمتها فهو لما عرف ان انا قلت لها قام قايل لي انت قلت لها قلت له ايوه غور بقى من هنا روح صالحها قال لي مكان من الاول قصده يعني ان انا اللي اديته فرصه ان هو يتكلم وان انا ما صدتهوش من الاول علشان كده قال لي مكان من الاول المهم بلكته وهو بلكني وصاحبتي دي بلكتها هي كمان بس في الاخر طلع ان هي مش لها اي علاقه بالموضوع والحد دلوقتي مش عارفه هو عمل كده ليه وقال الكلام ده ليه هو كان بيحاول يوقع ما بينا ليه مش فاهماه بس والله العظيم انا لما ضفته عندي او سجلته لاني كنت مفكره محترم مش كنت اعرف ان ليه اي علاقه بالحوارات دي وحوارات البنات وانه يتكلم بنات والكلام ده كنت مفكره محترم وكنت مفكره مثلا مكسوف او كده المهم دلوقتي الموضوع خلصان بس انا لسه بفكر وهو مش في دماغه حتى لما صاحبتي راحت تعاتبهه وكده قال لها انت مكبرين الموضوع كده ليه وانا مش بحبه اصلا بس مش عارفه متعلقه ليه
تم النشر الجمعة، ٣ أبريل ٢٠٢٦
عايزة خطوات عملية أهم حاجة علاقتك بربك بإجمال العبادات بقى التزام بالصلاة وكل العبادات عموما تلتزمى وتحسنى علاقتك بربك ..... لازم تهتمى بنفسك انتى شكلك لبسك تعليمك بحيث تكبرى فى نظر نفسك ..... لازم تصنعى جزء خاص بحياتك تنشغلى به وتلجأى إليه وتحسى ان الحاجه ديه بتفصلك عن العالم الخارجى ولنعتبر مثلا القرآءة سواء كتب أو روايات مثلا كدا انتى صنعتى لنفسك عادة تحبيها وتفصلك عن العالم فاهمانى ساعتها ....... وفيه حل سحرى هيغير حياتك كلها ألا وهو الالتزام ب قرآءة سورة البقرة يوميا والاتزام عليها والمواظبة على قرآءتها دون انقطاع هتحسى بعدها ب حياة تانيه حرفيا ربنا يوفقك ويكتب لك اللى فيه الخير 🤍 ... معلش سؤال بسيط ولاد إيه دول اللى بيشوفوا استوريز الواتس بتاعك أصلا لية أصلا فاهمانى ؟
تم النشر الجمعة، ٣ أبريل ٢٠٢٦
لعرض السؤال في فدني اضغط هنا