كنت ف الكليه ف اول ايامي فيها مره والتانية لقيت واحدة كان في بينا اعجاب يعني واتكلمنا حبه وكدا والدنيا كانت حلوة بس فجأة قالتلي مش عايزة اكمل ف انا معرفتش اعمل اي ف قولتلها اشطا
الموضوع عدا عليه سنه تقريباً بس مش عايز يخرج من دماغي وكل ما اروح الكليه بشوفها ببقا عايز اكلمها بس مبرضاش
المفروض اعمل اي
المشكلة في أنك بتشوفها، لأن كل مرة هتشوفها هتحس باشتياق للمشاعر اللي كنت بتحس بيها لما كان فيه بينكم علاقة أو كلام، فأول حاجة حاول ما تشوفهاش نهائي وانسى أنها موجودة في الكلية، تاني حاجة أنك تملى قلبك بمشاعر من نفس الدرجة ودي هتلاقيها في قراءة القرآن بكثرة، الصلاة ببطء وخشوع وأكتر حاجة بتزود تعلقك بالله هي الدعاء، ادعي بالفصحى أو بالعامية، المهم تطلع اللي في قلبك، واقرأ أو اسمع عن اليوم الآخر ووصف نعيم الجنة وعذاب النار (فيه كتيبين صغيرين جدا لمعمر عبد العزيز واحد عن وصف الجنة والتاني عن النار ممكن تبدأ بيهم)، وبرده عن أسماء الله الحسنى (فيه دورة للشيخ علاء حامد فيها)...... وربنا يحفظك ويرزقك توفيقه وهدايته والرشاد
تم النشر الخميس، ٢٥ يونيو ٢٠٢٦
راجع نفسك و تقرب من ربنا و حاول تقوي العلاقة بينك و بين ربنا فمن استأنس بالله لم يستوحش تدبر القرآن اقرأ السيرة و علشان تقفل الباب ده نهائيا غض بصرك لما تغض بصرك غالبا مش هتشوفها في الكلية و تذكر دائما الحديث ده الله عز و جل يقول علي لسان نبيه ﷺ «إِذَا تَقَرَّبَ العَبْدُ إِلَيَّ شِبْرًا، تَقَرَّبْتُ إِلَيْهِ ذِرَاعًا، وإِذَا تَقَرَّبَ إِلَيَّ ذِرَاعًا، تَقَرَّبْتُ إِلَيْهِ بَاعًا، وإِذَا أَتَانِي يَمْشِي، أَتَيْتُهُ هَرْوَلَةً»
تم النشر الخميس، ٢٥ يونيو ٢٠٢٦
أولاً، أقدر إنك بتشارك الموضوع ده بصراحة، وده شيء طبيعي جداً في سنك. الإعجاب ده كان في بداية الكلية، والرفض المفاجئ خلّى الموضوع يعلق في دماغك، وده بيحصل لكتير من الشباب لأن الدماغ بيربط الذكرى بالمشاعر الإيجابية اللي كانت موجودة. بس المهم دلوقتي إنك تحترم قرارها، لأنها قالت "مش عايزة أكمل"، وده يعني إن أي محاولة للكلام دلوقتي ممكن يزود الضغط عليك أو عليها. الخطوة العملية الأولى: ركز على نفسك وطور حياتك. ابدأ بأنشطة جديدة في الكلية زي الاشتراك في جروبات أو أنشطة رياضية أو دراسية، عشان تقلل فرص رؤيتها لوحدها وتملأ وقتك بإنجازات. كمان، حاول تكتب يومياً 3 حاجات إيجابية حصلت معاك، ده بيساعد الدماغ يتحرك لقدام بدل ما يرجع للذكرى. لو الموضوع بيأثر على تركيزك في الدراسة، حاول تتكلم مع حد موثوق زي أخوك أو حد أكبر منك عشان تفرغ اللي جواك. الوقت هيساعدك تنسى، وهتلاقي فرص أفضل لما تركز على تطوير نفسك. لو عايز آراء إضافية، ابحث عن أسئلة مشابهة على فدني.
تم النشر الخميس، ٢٥ يونيو ٢٠٢٦
ابعد عن الأماكن اللي هيا موجوده فيها وحاول تقرب من ربنا لان اللي انت فيه دا تعلق وسببه الشيطان ،أقراء قرآن واستمع ل فيديوهات دينيه بنصحك ب برنامج ( إيه المشكله ؟) فيه حلقه اسمها " ايه المشكله في الحب وDate والارتباط" هتلاقي حل إنك تتخلص من التعلق دا في الحلقه
تم النشر الجمعة، ٢٦ يونيو ٢٠٢٦
مش عاوزه تكمل لان ربنا يمكن يكون هداها وعاوزة الخير ليك انا عارف مواضيع رومانسيه وحب تجربه جميله بس ساعات لما تتعمق بدون اساس ك جواز او كتبتك عليها بتصير جحيم سابتك قبل سنه احسن م تسيبك بعد اثنين وتتعمقو اكثر اعرف انك هتشوف كثيررر من بنات في حياتك
تم النشر الخميس، ٢٥ يونيو ٢٠٢٦
لازم تجاهد نفسك علشان ربنا مايغضبش منك وعلشان نفسك اللي هتتبدل لو تعلقت بيها تعلق شديد وعلشان زوجتك المستقبليه ذنبها إيه إن المفروض مشاعرك تكون ليها وتديها لواحده غيرها + إنك مش هتستمع دلوقتي عشان حرام ولا بعدين علشان قلبك هيكون أرهق . جاهد نفسك وابتعد عن أي مكان هي بتكون فيه وماتتابعهاش ، واسمع دورة الداء والدواء للمهندس علاء حامد يوتيوب. لو حسيت إنها كتيره اسمع اول حلقه والحلقه اللي قبل الأخيره
تم النشر الخميس، ٢٥ يونيو ٢٠٢٦
حبتها روح اتقدملها واتكلم مع اهلها و عرفهم ظروفك وشوف رأيهم غير كده حاول تتجنبها ومش ترقبها لأنك هتتعب جدآ واستعن بالله. قرب من ربنا ومتعلقش نفسك وخلي عندك عزة نفس ف ملايين البنات غيرها
تم النشر الأربعاء، ١ يوليو ٢٠٢٦
المفروض تبعد ولو بتحبها فعلا تروح تتقدملها
تم النشر الجمعة، ٢٦ يونيو ٢٠٢٦
اولا لا شك ان كلامك معاها حرام و اي حاجة بتبدأ بما لا يرضي الله تنتهي بما لا يرضيك، ثانيا جهادك لنفسك بتاخد علي ثواب عظيم و زود عليه كمان ثواب 50 صحابي عشان احنا في زمن الفتنة ف قاوم و جاهد
تم النشر الخميس، ٢٥ يونيو ٢٠٢٦
قاوم
تم النشر الخميس، ٢٥ يونيو ٢٠٢٦
ممكن تقرأ كتاب الداء والدواء ل الإمام ابن القيم وتسمع شرحه يوتيوب
تم النشر الخميس، ٢٥ يونيو ٢٠٢٦
لعرض السؤال في فدني اضغط هنا