دلوقتي أنا عندي مشكله وخائف تكون مشكله كبيره.
أنا عندي 23 سنه وبدأت شغل دليفري على عجله بقالي حوالي 3 شهور طبعا بشتغل عدد ساعات كتير يعني ممكن حوالي 8 ساعات على العجله أو 10 ساعات كل يوم
عرفت معلومه من صديق أن الجلوس على كرسي العجله كتير بيعمل مشاكل في الباوسير أو بيجيب دوالي الخصيه والحاجات دى بس كنت بقول طالما الكرسي مريح يبقا خلاص
وبعدين من حوالي أسبوعين كدا بقيت مثلا اتزنق كتير جدا مع اني مش بشرب مايه كتير في وقت الشغل ودا كان مسببلي مشكله بسبب اني طبعا في الشارع وصعب الاقي حمام وكدا
المهم بقيت اقلل مايه خالص يعني حرفياً ممكن اشربه بوق مايه واحد بس في فتره 8 ساعات
والغريب اني لقيت نفسي بتزنق اكتر وكمان الموضوع اتطور لدرجه اني بقيت مش بقدر امسك نفسي يعني ببقا مزنوق جامد جدا ومن حوالي كام يوم لقيت نفسي اتزنقت مره واحده جامد جدا لدرجه ان بقيت عامل زى الاطفال يعني مقدرش امسك نفسي وفي بول بينزل
وكمان الموضوع اتطور اكتر لدرجه ان بقيت مثلا كل ساعتين بالكتير جدا الاقي نفسي اتزنقت جاااامد مع أن مش بشرب مايه وكمان ببقا يعتبر أفرغت المثانة كويس وبرضو بعد فتره قصيره الاقي نفسي اتزنقت جامد
الموضوع بقا صعب جدا معايا ومش عارف الاقي حل وكمان محرج اروح لدكتور بصراحه لاني مش عيل صغير
هل كل دا بسبب العجله ؟ طب وهل في حل ممكن اعمله؟
هو الاحتمال الاول ممكن زي ما بتقول العجله والاحتمال التاني ممكن سكر الدم hyperglycemia لازم تتأكد طبعا من حد متخصص بس سكر لو بتحس بعطش شديد وجوع لو بتحس بارهاق لو بتحس بردو بجفاف في الفم تبعك،، وممكن بسبب الضغط على الأعضاء فبيسبب كدا بردو واللي بيكون عند الذكور حاجه اسمها ال perineum بيمر فيها مجرى البول فالضغط عليه بيهيأ المخ انك عايز تتبول لان المخ ساعتها بيبقى مش عارف يفرق بين امتلاء داخلي في ال urinary (المثانه) والضغط الخارجي فساعتها عندك رغبه في التبول الكلام دا لو في ضغط لكن لو مفيش ضغط فممكن تروح لمتخصص لان ممكن مشاكل في المثانه وعلى فكره انت ذكرت انك بتقلل مايه بتشرب بوق كل ٨ ساعات دا غلط جدا هو حضرتك علشان تعالج حاجه تقوم تدمر حاجات؟ !لابد تشرب كتير لان عدم الشرب كتير هيخلي البوتاسيوم يزيد هيسبب حصوة لا قدر الله ومشاكل كلى وحاجات كتير مش بخوف حضرتك دي معلومات انا عرفتها بس إن شاء الله خير لازم تروح لمتخصص علشان تعمل check لنفسك وتتطمن لان طبعا مفيش أهم من الصحه ملحوظه انا مش دكتوره متخصصه بس دي معلومات كانت عندي ياريت اكون أفدت حضرتك
تم النشر الخميس، ١٥ يناير ٢٠٢٦
السلام عليكم، ألف سلامة لحضرتك. بالنسبة للكشف، أعتقد صحتك أهم بكتير من شعور الحرج من الكشف عند طبيب. مين قال الكشف للعيال الصغيرة بس. اعمل بالنصائح اللي اقترحتها ذكية ومن بكرة لو تقدر، تروح تكشف باطنة الأول تطمئن على الكلى والسكر عشان دول أسباب رئيسية في كثرة أو زيادة التبول، والدكتور مع الفحص والتحاليل ممكن يحدد إذا المشكلة تبع الباطنة أو هتحتاج يحولك لكشف مسالك بولية، لو السبب من البروستاتا أو التهابات مجرى البول وهكذا. متتأخرش عشان لا قدر الله ميحصلش أي مشاكل أنت في غنى عنها. وألف سلامة مرة تانية.
تم النشر الأربعاء، ١٤ يناير ٢٠٢٦
أهلا بك، أنا ذكية، وأنا هنا عشان أساعدك بكل تعاطف وصدق. المشكلة اللي بتوصفها مش نادرة عند اللي بيشتغلوا دليفري على العجلات لساعات طويلة، وفعلاً الجلوس الطويل على مقعد العجلة (خاصة لو صلب) بيضغط على منطقة الحوض والمثانة والبروستاتا، اللي ممكن يسبب التهاب أو تهيج يخلي الشعور بالحاجة للتبول ملح جداً وحتى تسرب بول (ده اسمه urinary urgency أو incontinence). تقليل المية كمان بيفاقمها عشان البول بيبقى مركز ويهيج المثانة أكتر. مش لازم تكون دوالي أو حاجة كبيرة، بس لازم نتعامل معاها بسرعة عشان متتطورش. حلول عملية دلوقتي (ابدأ بيها فوراً): اشرب مية كافية : هدف 2-3 لتر يومياً، بس قسمها على اليوم كله (كل ساعة كوب صغير). ده هيخفف التهيج، وخد معاك زجاجة مية دايماً. رتب مقعد العجلة : حط كوشة جل أو مقعد مريح مع دعم للأرداف (تشتريها أونلاين رخيصة، زي اللي للدراجات). غير وضعية جلوسك كل 15-20 دقيقة، قف شوية أو اتحرك. خد بريكات منتظمة : كل ساعة وقف 5 دقايق، روح الحمام فوراً لو حسيت بأي إحساس، حتى لو خفيف. حدد أوقات تبول ثابتة (مثلاً كل 2 ساعة). ملابس داخلية : استخدم types absorbent للرجالة (متوفرة في الصيدليات بدون وصفة، مش محرجة خالص). تمارين بسيطة : شد عضلات الحوض (Kegel exercises): شد زي لو هتمنع التبول 5 ثواني، 10 مرات يومياً. ده يقوي السيطرة. الخطوة الأهم: روح لدكتور مسالك بولية (urologist) فوراً! مش محرج خالص – ده شائع جداً عند الشباب اللي زيك، والدكتور هيعمل فحص بسيط (تحليل بول + echo) ويصف مضاد التهاب أو دوا يحلها في أيام. متترددش، العمر 23 سنة مبكر جداً للمشاكل الكبيرة، بس الإهمال ممكن يعمل مشكلة. لو خايف، ابدأ بصيدلي موثوق أو عيادة عامة. لو عايز آراء أكتر، دور في فدني على أسئلة مشابهة أو شوف الخبراء في https://www.fedni.net/experts – في دكاترة مسالك بول هناك يقدموا استشارات. أنت قوي وقادر تحلها، خليك ملتزم وهترجع طبيعي سريع! لو عندك تفاصيل زيادة، قولي. 💪❤️ (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الأربعاء، ١٤ يناير ٢٠٢٦
اول حاجة شرب الماية مهم جدا جدا جدا، تاني حاجة لازم تروح لدكتور مفيش حاجة اسمها مكسوف او محرج اني اروح لدكتور و إلا بعد كدة هتندم
تم النشر الأربعاء، ١٤ يناير ٢٠٢٦
مش هيفيدك بحاجة الحرج على حساب صحتك - حاول تروح لدكتور باطنة لان ممكن لا قدر الله يكون سكر -ربنا يشفيك يا رب
تم النشر الأربعاء، ١٤ يناير ٢٠٢٦
دكتور مسالك بوليه و لو محرج روح لواحد بعيد عن منطقتك لكن انك تسكت على حاجه زى كده ده مش وارد خصوصا ان غالبا البروستاتا عندك تعبانه
تم النشر السبت، ١٧ يناير ٢٠٢٦
بما انك شايف انك تعبت من الموضوع ومعترف انك خايف يبقي المفروض تروح لدكتور تتطمن لان الصحه بالذات بتستنزف لو معالجناش بسرعه هنا كل نصيحه هقولك ملهاش كسوف روح للدكتور وده شيء بديهي لأن الصحه بالدنيا وما فيها فروح لدكتور مسالك واتطمن
تم النشر الخميس، ١٥ يناير ٢٠٢٦
لعرض السؤال في فدني اضغط هنا