وعليكم السلام ورحمة الله وبركاته.. اشتغل برومودورو اسهلك بكتير.. كل 25 دقيقة خد بريك 5 دقايق بس من غير ما تلمس الموبايل.. خدها قاعدة.. من اول ما هبدأ اذاكر من مثلا الساعة 2 للساعة 4 ف الموبايل يتقفل الوقت ده او يطلع برا الأوضة.. لو مذاكرتك على الموبايل تقدر تاخد موبايل اي حد تاني لحد ما تخلص مذاكرة.. التشتت سببه انك قلقان.. طمن نفسك و فكر كويس في عواقب افعالك.. لو مذاكرتش مش هجيب الدرجة اللي عايزها و انت محددتش انت في انهي صف دراسي بس لو مثلا ثانوي ف مش هتدخل الكلية اللي انت عايزها و هكذا.. متخوفش نفسك انا بس اقصد خليك حاطط النقط على الحروف و عارف ان لكل حاجة بعملها دلوقتي تأثير في المستقبل ف متشتغلش نفسك بحاجات مش موجودة في مستقبلك ده زي الموبايل او الحاجة اللي بتفكر فيها.. و كافيء نفسك و عاقبها.. خليك رقيب على نفسك و لو ذاكرت و عملت اللي عليك هتنزل حجز كورة مثلا او هتشوف فيلم بتحبه او هتمسك الموبايل مدة اطول انهاردة و هكذا و لو قصرت في المذاكرة اعمل حسابك بكرة هنذاكر اكتر و المهام هتزيد ف هتحس انك من البداية مش عايز تقصر علشان الكلام بحساب و هيحصل رد فعل من الرقيب عليك.. و ربنا يوفقك
شكرا يا دكتور
تم النشر الجمعة، ٩ أغسطس ٢٠٢٤
لعرض الإجابة في فدني اضغط هنا