عايز احب المجال اللي انا فيه اللي هو التمريض بس مش عارف انا المفروض اني خلصت وباقي آخر كام يوم ف الامتياز بتاعي بس مش متقبل المهنه وقرفان منها وهنا في البيت خناقات بسببها اعمل اي عايز حل او طريقه او اي حاجه تحببني فيها لاني زهقت
مش حاببها علشان نظرتك ليها و فكرتك عنها مش محبباك فيها ، عايز تحبها يبقى محتاج تغير نظرتك ليها ، فأنت في مهنة تعتبر من المهن اللي بتخدم البشرية و صحتهم بشكل مباشر ، انت بتنقذ ارواح بشر و دي في حد ذاتها ثوابها كبير جداً ، انت بتشوف النفس البشرية في اضعف حالاتها و تعبها ، وبتلمس ده مع كل حالة بتتعامل معاها ، بتشوف الحزن و الخوف و الوحدة و الفرحة في عينيهم لما يخفوا و يقوموا بالسلامه و الرعب في عينيهم لما يكونوا داخلين عمليات و اكيد اصعب لحظة لما تشوفهم بيفارقوا الحياة ، انت بتتعامل مع كل المشاعر الإنسانية في وقت واحد، من رأيي ما فيش مهنة أجمل من كده ، فغير نظرتك اتجاه مهنتك هيتغير إحساس ليها ، و بالتوفيق 😊
تم النشر الأحد، ٢٢ مارس ٢٠٢٦
أنا فاهمة تمامًا إحساسك ده، التمريض مجال قاسي ومرهق، خاصة في آخر أيام الامتياز لما التعب يتراكم والضغط العائلي يزيد. مش غلط إنك تحس ده، بس خلينا نحول الإحساس ده لحاجة إيجابية خطوة بخطوة. هقولك طرق عملية تحببك فيه، وإن شاء الله هتغير نظرتك: 1. ركز على "القصة الكبيرة" – تأثيرك الحقيقي : كل يوم، قبل النوم، اكتب 3 حاجات إيجابية عملتها: ساعدت مريض يبتسم، أو خففت ألم حد، أو حتى نظفت غرفة بسرعة. التمريض مش بس حقن ودوا، ده إنقاذ أرواح ودعم عائلات. أنت بتعمل خير كبير، وده رزق من ربنا. 2. غير الروتين اللي بيضايقك : حدد اللي بيخليك تقرف: الورديات الطويلة؟ التعامل مع حالات صعبة؟ جرب تخصص زي تمريض الأطفال أو الطوارئ (أكشن أكتر)، أو حتى تمريض منزلي. بعد التخرج، ابحث عن وظيفة في مكان هادئ أو مستشفى خاص. مش لازم تبقى في كل حاجة! 3. خطة يومية صغيرة لبناء الحب : الصبح : اقرأ قصص ناجحة على يوتيوب أو تيك توك (ابحث "قصص تمريض ملهمة") – هتلاقي ناس زيك غيروا حياة ناس. في الشغل : ابحث عن زميل إيجابي واسأله "إيه اللي خلى التمريض حياتك؟"، هتتعلم حاجات جديدة. مساءً : صلِّ وادعي ربنا يحببك فيه أو يفتحلك أبواب أحسن. وجرب تطبيقات زي "Habitica" عشان تحول الشغل لـ"لعبة" بمكافآت صغيرة زي قهوة بعد الوردية. 4. الخناقات في البيت : اجلس مع أهلك بهدوء وقول: "أنا هكمل عشان الاستقرار، بس محتاج دعمكم". اشرحلهم إن التمريض وظيفة شريفة ومستقرة، وده هيخفف التوتر. الصبر مفتاح الفرج، يا ريت تحاول. لو مش عارف تبدأ، ابحث في فدني عن أسئلة مشابهة زي "كيف أحب التمريض" هتلاقي إجابات من خبراء، أو روح على صفحة الخبراء https://www.fedni.net/experts وابحث عن مدرب مهني أو مستشار نفسي يساعدك في التوجيه الوظيفي. أنت قوي وقريب تخلص، متستسلمش! جرب الخطوات دي أسبوع ورد عليّ إيه اللي حصل. ربنا يوفقك وييسر أمرك 💪❤️
تم النشر الأحد، ٢٢ مارس ٢٠٢٦
فكر في انك بتنقذ ارواح من الموت وافتكر ان من احياها فكأنما احيا الناس جميعا
تم النشر الجمعة، ٢٧ مارس ٢٠٢٦
هل في مجتمعكم في استحقار للمهنة زي ان في ناس بتقول انك بتبقا خدام للمرضى أو للدكتور .. الأفكار والانطباعات دي لازم توصل لجذورها عشان يسهل انك تتخلص منها تدريجيا
تم النشر الأربعاء، ٢٥ مارس ٢٠٢٦
مثلا اخلاص نيه لله فشغلك أن بتساعد وتسهر على تعب حد ربنا اختارك في المكان دا يعني انت جدير بيه ومناسب ليك حتى على مدي بعيد حتى لو مش شايف دا وبالتوفيق
تم النشر الثلاثاء، ٢٤ مارس ٢٠٢٦
كل اللى هتعمله انك هتمارس الموضوع حاول انك تلاقي افكار جديده في مجالك يعني مثلا لو اتحطيت في موقف لازم تعمله اسعافات اوليه وتنقذ حياته تخيل كمية الشكر اللى هتاخدها من الناس وكمان كمية الراحه اللى هتكون فيها لانك انقذت حياة شخص .. كل اللى عليك انك تحاول تقنع نفسك انك انت معالج للناس وبتعمل كدا وبتجتهد في عملك لابتغاء وجه الله تعالى وكمان انت بتحافظ على الارواح هو اااه لكل اجل كتاب بس ممكن تكون سبب ان حياة الشخص اللى قدامك تستمر .. وكمان حاول تاخد جمب التمريض حاجه بتحبها زي مثلا مجال حابب تتعلمه او رياضه او اي حاجه تحسسك انك كسبت ومكمل وتكون فخور بنفسك ..
تم النشر الثلاثاء، ٢٤ مارس ٢٠٢٦
بص ياسيدي انا مش هقولك حب مجالك اجباري لا ..
تم النشر الثلاثاء، ٢٤ مارس ٢٠٢٦
لعرض السؤال في فدني اضغط هنا