زوجي أفصح أنه يريد طلاقي و لكن بيننا طفلة .
يهجرني و يريد أن يستمر في ذلك. هل أستمر معه أم أتركه
السلام عليكم🌸؛ سوف اضيف على باقي الاجابات، اولا اذكرك ان الزواج ميثاق غليظ، والطلاق ابغض الحلال، وأن الشيطان يسّره فراق الزوجين هذا اولا، ثانيا مادام الزوج لم يطلقك فورا اذا فقراره لم يكن حاسم، عليك ان تقفي امام الموضوع وتنظري اليه نظرة الشخص الثالث، ما سبب الخلافات؟ هل في طريقة الكلام ام في طريقة الجدال؟ اين هو تقصيره هو؟ ما الذي يفعله مثلا ولا يعجبك؟ والعكس طبعا... كوني صريحة مع نفسك؛ وتذكري الأيام الجميلة معه، أيام البدايات.. تذكري ما علق في قلبك وقلبه من الذكريات؛ اجلسي معه؛ للكلام بطريقة واضحة وواعية؛ قولي له انك لا تنوين الابتعاد وانك تبحثين عن حل؛ وتأكدي الكلام معه بدون غضب، بدون تعصّب.. وبطريقة تفكير واقعية وهادئة... وطبعا قبل كل هذا استعيني بالله سبحانه وتعالى، فهو قادر ان يصلح بينكم وان يجعله زوجا صالحا لك، وان يجعلك زوجة صالحة له... الله سبحانه وتعالى قادر على ان يعيد كل المشاعر الجميلة في قلبيكما وبشكل مضاعف عشرات الاضعاف... اذكري الله، استغفري الله كثيرا ولو جلست لساعات للاستغفار... حوقلي... اسأل الله ان يصلح بينكما ويجعل بينكما المودّة والرحمة وأن يرزقكما حياة هادئة وذرية صالحة🩷
تم النشر الاثنين، ١٦ مارس ٢٠٢٦
فكرة إن الزوج يقرر الانسحاب أو الهجر بسبب 'خلافات عادية' ده معناه إن فيه فجوة في التواصل بينكم محتاجة وقفة حقيقية.نصيحتي ليكي عشان تاخدي قرار صح: 1.الهدوء التام: متخديش أي قرار وأنتي في حالة زعل أو تحت ضغط هجره ليكي. الهجر وسيلة ضغط صعبة، بس حاولي متخليهاش تكسرك أو تخليكي تترجي وجوده. 2.جلسة مصارحة أخيرة: اطلبي منه قعدة هادية، بعيد عن البنت، وقوليلو: 'إحنا بينا طفلة ومستقبل، والخلافات العادية ممكن تتحل لو فيه نية صادقة. هل أنت فعلاً بايع العشرة عشان أسباب ممكن تتصلح؟'. 3.وسيط حكيم أو استشاري: لو الخلافات 'عادية' زي ما بتقولي، فممكن جداً جلسة مع حد متخصص في العلاقات الزوجية (Marriage Counselor) تفتح عيونكم على حاجات مش شايفينها وتنقذ البيت. 4.فكري في نفسك وبنتك: لو هو مصر على الهجر والطلاق رغم كل محاولاتك، افتكري إن بنتك محتاجة 'أم قوية ومتزنة نفسياً' أكتر ما هي محتاجة بيت فيه أب حاضر جسدياً وغائب روحياً وبيهجر أمها. 5.استخيري: مفيش أحسن من ربنا تلجأي له في الحيرة دي. صلي صلاة استخارة، وربنا هييسر ليكي اللي فيه الخير ليكي ولبنتك.وافتكري دايما الطلاق مش نهاية العالم، والاستمرار في علاقة فيها هجر وإهانة لمشاعرك برضه مش حل. المهم إنك تعملي اللي عليكي عشان لما تبصي لعين بنتك بعدين، تكوني عارفة إنك حاولتي بكل طاقتك تحافظي على البيت، وربنا يكتبلك الصالح ويألف بين قلوبكم لو فيه خير.
تم النشر الأحد، ١٥ مارس ٢٠٢٦
الانسحاب مباشرة دون محاولة الإصلاح أظن إنه شيء ممكن تندمي عليه مستقبلًا، جربي تقعدي معاه قعدة صفا وتفهمي منه ايه اللي مضايقه وتصارحيه إنت كمان باللي مضايقك، وتبحثي معاه لو فيه حلول للإصلاح، ولو انتم الإتنين مش قادرين تصلحوا اعرضي عليه تروحوا لاستشاري أسري يساعدكم على إصلاح علاقتكم والوصول لنقطة تواصل جيد بينكم الطلاق ده بنلجأ له بعد ما تغلق كل أبواب الإصلاح ونستنفذ كل الطرق، فحاولي الأول قبل الإنسحاب أو الانفصال لعل وعسى ربنا يكتب لكم الصلاح وادعي كتير وصلي على سيدنا محمد بنية تفريج همكما والصلح بينكما
تم النشر الأحد، ١٥ مارس ٢٠٢٦
بصي الدين والشرع بيقولوا ...فإمساك بمعروف أو تسريح بإحسان.... فكرة إنه يهجرك ويسيبك معلقة دي وضع لا يرضي الله ولا رسوله، وإنتي ليكي حق في حياة مستقرة وكريمة. ومفيش حد هيدلك على الصح زي ربنا. صلي صلاة استخارة وادعي ...اللهم اخْتَر لي ولا تُخيّرني... وربنا هييسر ليكي القرار اللي فيه الخير ليكي ولبنتك. ومتفتكريش إن الاستمرار في بيت مكسور فيه هجر وإهمال هو ده اللي في مصلحة البنت. البنت محتاجة بيئة هادية وأم نفسيتها مرتاحة عشان تطلع سوية. حاولي مع حكم من أهله القرآن الكريم وصى بـ ...فابعثوا حكماً من أهله وحكماً من أهلها... لو فيه حد كبير وحكيم يقدر يواجهه ويشوف نيته إيه هل هيصلح حاله ولا خلاص بايع؟ يبقى عملتي اللي عليكي لآخر لحظة. ولو لقيتي الأبواب اتقفلت وهو مصر على الهجر، فكري في نفسك وفي كرامتك. ..وإن يتفرقا يغنِ الله كلاً من سعته..، ربنا مش هيضيعك إنتي وبنتك أبداً. الخلاصة استخيري، ودخلي حد حكيم، ولو مفيش تغيير.. يبقى كرامتك وراحة بالك إنتي وبنتك أهم من أي بيت ملوش أساس. وجد ربنا يحفظك ويسعدك
تم النشر الأحد، ١٥ مارس ٢٠٢٦
أختي العزيزة، أشعر بألمك الشديد، وهذا موقف صعب جداً خاصة مع وجود طفلتكما الغالية. الله يعينك ويثبت قلبك ❤️. في الإسلام، الطلاق مباح لكنه آخر الحلول، والأفضل دائماً محاولة الإصلاح إن أمكن، خاصة لمصلحة الطفلة التي تحتاج أبوها وأمها. الهجر الزوجي له حد شرعي (3 أشهر كحد أقصى)، فإذا استمر فهو مخالف للشرع وقد يُلزم الزوج بالعودة أو الطلاق. خطوات عملية أقترحها عليكِ: حاولي الحوار الهادئ : اجلسي معه في وقت هادئ، واستمعي لأسبابه دون جدال، ثم عبري عن مشاعرك وأهمية الأسرة للطفلة. قولي: "دعنا نفكر في مصلحة بنتنا أولاً". استشيري وسيطاً شرعياً : اذهبي إلى عالم دين أو قاضي شرعي ليحكم بينكما (كما في قوله تعالى: {وَإِنْ خِفْتُمْ شِقَاقَ بَيْنَهُمَا فَابْعَثُوا حَكَمًا مِنْ أَهْلِهِ وَحَكَمًا مِنْ أَهْلِهَا}). ركزي على حقوقك وحقوق الطفلة : النفقة والحضانة حقكِ شرعاً، فلا تتنازلي عنهما. اعتني بنفسك : صلي الاستخارة، واقرئي قرآن يومياً للطمأنينة، وركزي على تربية طفلتكِ بفرح. لا تتسرعي في الطلاق أو البقاء؛ فكري في الطفلة ومستقبلكِ. إذا كنتِ بحاجة لاستشارة متخصصة في العلاقات الزوجية أو الشرعية، زوري صفحة الخبراء في فدني: https://www.fedni.net/experts – هناك خبراء رائعون يقدمون استشارات خاصة. ابحثي أيضاً عن أسئلة مشابهة في فدني لتري تجارب الآخرين. أنتِ قوية، وإن شاء الله يفتح الله لكِ أبواب الخير. ❤️.
تم النشر الأحد، ١٥ مارس ٢٠٢٦
في التأني السلامة .. الزواج مش لعبة ينتهي بالسهولة دي .. لازم تفهمو سبب المشاكل .. هل في حد منكم مش قادر يتحمل مسؤولية الطفلة ؟
تم النشر الأحد، ٢٢ مارس ٢٠٢٦
كل البيوت فيها خناق ومبتخلاش بلاش تفكري ف الفراق والطلاق علشان بيتك وابنتك حافظي علي بيتك واقعد مع زوجك وخلي الحوار بيتنكم بلاش الصوت العالي او الكلمة بكلمة خلي الحنية واللطف يسود بينكم حبكم هيكبر تاني واعتبريها ساعة شر وتعدي الظروف صعبة علي الكل لكن انتم ملكوش غير بعض وبنتكم في النص بينكم شوفي انتي مقصرة في ايه وعدلي مش عيب واعترفي شوفي هو مقصر في ايه وقوليله وهيتغير للاحسن وصلي لاجل بيتكم اولا واخير وان ربنا يحفظكم ويجمع شملكم بالخير ويبعد عنكم كل شر .
تم النشر السبت، ٢١ مارس ٢٠٢٦
السلام عليكم . هو عنيف معاكي سواء ضرب او شتيمه لو عنيف الاحسن انك تطلقي لو هو مش ناوي يتغير والبنت تعيش حياة سويه حتى لو في طلاق احسن بكتير انها تشوف عنف ابوها قصاد امها كل يوم هتتعقد وممكن يجيلها مرض نفسي . وفي الاخر شوفي انتي الموضوع الاول الطلاق وحش بس لو قفلت بيكي خالص اطلقي احسن حياه هاديه ليكي ولبنتك
تم النشر الاثنين، ١٦ مارس ٢٠٢٦
متجوزين كام سنة و الطفلة كام سنة و ايه سبب انه قال كده ولازم تقولى اسباب حقيقية ودقيقة لان مش منطقى راجل يفكر ف طلاق بسبب خلافات عادية على حد قولك ، وكونها متكررة زى م انتى وصفتى تبقى مش عادية خالص .و هل بيحصل بينكم حوارات و فضفضة فى المشاكل دى ولا لا و مين اللى بيبدأ فضفضة انتى ولا هوا ، معلش سؤالك مش بسيط اوى كده عشان نرد ب أه او لا
تم النشر الاثنين، ١٦ مارس ٢٠٢٦
للاسف البنت ملهاش ذنب ف مشاكلم ف كملوا عشانها حتى
تم النشر الاثنين، ١٦ مارس ٢٠٢٦
وضح السبب
تم النشر الاثنين، ١٦ مارس ٢٠٢٦
بسبب خلافاتنا العادية المتكررة
تم النشر الأحد، ١٥ مارس ٢٠٢٦
ماهو ايه السبب ف كدا ، لازم توضحي عشان كل سبب ليه علاج
تم النشر الأحد، ١٥ مارس ٢٠٢٦
لعرض السؤال في فدني اضغط هنا