السلام عليكم ورحمة الله وبركاته
كنت بعمل ذنب معين وعارفه انه غلط ومش عارفه ابطله ياريت حد يفيدني ابطله ازاي في اسرع وقت
وعليكم السلام ورحمة الله وبركاته أول حاجه هي ان التوبه تكون توبه حقيقيه وعشان وعالجي ذنب لازم تبعدي عن أسباب ارتكاب الذنب زي وقت الفراغ مثلا او تصفح الإنترنت او اي وسيله بتوصلك انك تعملي الذنب دا. مفيش حل سحري انك توقفي ذنب معين او عادة سيئة لكن احنا في مجاهده مع نفسنا لان ربنا خلق عندنا النفس أمارة بالسوء إلا من رحم ربي. تجنبي الوحده خاصة في وقت فراغك وتذكري ان ربنا شايفك وانتي بتعملي الذنب دا بس لما ترجعي لربنا وتكوني صادقة في نية التوبه ربنا هيقبل توبتك وهيساعدك ويقويكي تبقى اقوى من اي لحظة ضعف ممكن تخليكي تعصي ربنا. وربنا قال "لا تقنطوا من رحمة الله إن الله يغفر الذنوب جميعا". لكن المهم اننا نلحق نستغفر ربنا ونتوب. وربنا يصلح حالك ويرزقك التوبه والعفو والعافية وطهارة القلب والبدن.
تم النشر الجمعة، ٢٤ أبريل ٢٠٢٦
شوف ايه الخيط الي بيسحبك للذنب ووقفه من اوله واشغل نفسك بالمفيد فان لم تشغل نفسك بما يفيدك شغلتك بما يضرك وحافظ على صلاتك فهى نجاتك وغير بيئتك لو الذنب ده مرتبط بناس معينة او مكان معين ابعد عنها حتى لو فترة لحد متقوى
تم النشر الجمعة، ٢٤ أبريل ٢٠٢٦
تشغلي نفسك بالطاعات قبل ما نفسك تشغلك بالمعاصي واذا فرغت ف انصب يعني شوفي مثلا اني مقصره ف اي حاولي تعدلين حاولي تعملي جدول ل يومك بحيث انه يكون كل دقيقه فاليوم عارفه تعملي فيه ايه يعني مثلا لو ف دراسه او شغل تحددي مواعيد كل. حاجه بالظبط باقي اليوم تتابعي حد معين بيتكلم فالدين وتزكيه النفس
تم النشر الخميس، ٢٣ أبريل ٢٠٢٦
وعليكم السلام ورحمة الله وبركاته... الحل هو التوبه كل ما تعملى الحاجه دى توبى و اصدقى النيه و كمان حاولى تملى وقت فراغك بالقران او الذكر و تصدقى لو تقدري حتى ولو كل يوم جنيه.. كمان ممكن تخلى حاجه تفكرك انك مترجعيش للحاجه دى تانى مثلا زى تلبسي خاتم يفكرك انك لازم تبعدى عن الذنب الفلانى او جمله تحطيها ف مكان بتشوفيه اغلب الوقت او اى حاجة تفكرك بعدم الرجوع للذنب.. و كمان الالتزام بالصلاه حتى و انتى بتعملى الذنب دا لان الصلاه فرض و كمان الصلاه بتهذب الروح... و الدعاء... و أخيراً بعد ما تعملى اى معصيه قابليها بالطاعه ف نفس مكان المعصيه و إن شاءالله خير
تم النشر الخميس، ٢٣ أبريل ٢٠٢٦
مهم جدآ تجنب الوحدة التي تعرضك لذلك الذنب وكذلك زيادة وعيك عن الضرر الذي يأتي من ورائه كما أن التعافي منه له إيجابيات على حياتك واستقرارك؛ من البركة في صحتك وانتظام وتوفيق امورك ويارب يهدي قلبك ويبعد عنك الفتن.
تم النشر الأربعاء، ٢٢ أبريل ٢٠٢٦
و عليكم السلام أول حاجة خدي قرار واضح إنك عايزة تبطّلي فعلًا، مش مجرد محاولة وخلاص بعد كده حاولي تفهمي إيه اللي بيخليكي تقعي في الذنب ده، وقت معين أو شعور معين أو حاجة بتوصّلك له لما تعرفي السبب، ابعدي عن أي حاجة بتقرّبك منه على قد ما تقدري أول ما الفكرة تيجي، متسيبيش نفسك تفكري فيها، قومي اعملي حاجة تانية على طول تشغلك ولو حصل ووقعتي، متكمّليش فيه، وقفي فورًا وابدئي تاني من غير ما تزعلي من نفسك زيادة وحاولي يكون ليكي وقت ثابت لحاجات تقوّيكي زي الصلاة أو الدعاء، حتى لو بسيط بس بانتظام الفكرة مش إنك تبطّلي بسرعة وخلاص، المهم إنك تفضلي بتحاولي ومبتستسلميش، ومع الوقت الموضوع هيضعف لحد ما يختفي.
تم النشر الأربعاء، ٢٢ أبريل ٢٠٢٦
وعليكم السلام ورحمة الله وبركاته، أختي العزيزة 💕 أولاً، الله يحب التوابين ويغفر الذنوب كلها إذا كانت التوبة نصوحة. مش هتقدري تبطلي الذنب ده في ثانية، بس بإذن الله هتتخلصي منه سريع لو اتبعتي الخطوات دي خطوة بخطوة: 1. الندم والتوبة فوراً : قولي: "أستغفر الله العظيم وأتوب إليه" 100 مرة يومياً، خاصة بعد الصلاة. الندم الحقيقي هو مفتاح الغفران (القرآن: {وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ}). 2. قطعي السبب جذرياً : حددي إيه اللي بيخليكي ترجعي للذنب (مكان، شخص، هاتف، وقت فراغ) وابعدي عنه تماماً. مثلاً، امسحي التطبيقات أو غيري روتينك اليومي. 3. اشغلي نفسك بطاعات : صلي النوافل، اقرئي قرآن يومياً، صومي يومين في الأسبوع (الإثنين والخميس) عشان تقوي إرادتك. مارسي رياضة خفيفة أو مشي، ونامي باكراً. 4. عزم قوي + دعاء : اكتبي عهد مع نفسك: "مش هرجع تاني أبداً"، واقرئيه كل صباح. ادعي الله في السجود: "يا مقلب القلوب ثبت قلبي على دينك". لو رجع الوسواس، قولي "أعوذ بالله من الشيطان الرجيم" وغيري مكانك فوراً. أختي، كلنا بنقع، بس القوي اللي يقوم! ابدئي النهارده، وهتشوفي الفرق في أسبوع. لو الذنب ده يحتاج استشارة أعمق (زي إدمان أو علاقة)، شوفي الخبراء في https://www.fedni.net/experts، أو ابحثي في فدني عن "التوبة من الذنوب" هتلاقي إجابات كتيرة مفيدة. أنتِ قوية وهتقدري، الله معاكِ! إذا عايزة تفاصيل أكتر، قوليلي 😊
تم النشر الأربعاء، ٢٢ أبريل ٢٠٢٦
وعليكم السلام ورحمة الله وبركاتة ... عليكى ب كتاب الداء والدواء واسمعى شرحة علشان يبقى أسهل للفهم
تم النشر الأربعاء، ٢٢ أبريل ٢٠٢٦
نفسك ان لم تشغلها بالطاعه شغلتك بالمعاصي
تم النشر الأربعاء، ٢٢ أبريل ٢٠٢٦
اي هوا
تم النشر الأربعاء، ٢٢ أبريل ٢٠٢٦
ايوا
تم النشر الأربعاء، ٢٢ أبريل ٢٠٢٦
الاستغفار الكثير👍
تم النشر الأحد، ٢٦ أبريل ٢٠٢٦
وعليكم السلام ورحمة الله وبركاته أفضل شيء لتخلص من الذنوب الإستبدال حطي شيء آخر مقابل الذنب دا أقطعي أي حاجة بتوصلك لذنب وأشغلي حياتك!! حاولي برضو تعرفي خطورة الذنوب وتعرفي أنها بتحرمك من دعواتك ومن الخير، وافتكري برضو إن مهما طال الذنب، غطاء الستر هيتشال عنك ولو قعدي كتير رصيدك من الستر هينتي وصدقًا الذنوب شؤم وكارثة وحاجة بتمنع عنك خيرات الله الله يرضى عنك اللهم آمين ويرزقك التوبة وأيضًا أنصحك بـ بودكاست إيه المشكلة في التوبة
تم النشر الجمعة، ٢٤ أبريل ٢٠٢٦
الدعاء 🥺
تم النشر الأربعاء، ٢٢ أبريل ٢٠٢٦
مفيش حل سحري الحياه مجاهده شويه بنقع وشويه نقوم اهم حاجه حافظي على الفرائض وبعدها زودي في النوافل على قد ما تقدري وياريت يبقى في صحبه صالحه مفيش تقدري تسمعي قصص الانبياء والصالحين كان الشيخ حازم بيسميها معايشة الانبياء والصالحين
تم النشر الأربعاء، ٢٢ أبريل ٢٠٢٦
استبدلي المعاصي بالطاعات
تم النشر الأربعاء، ٢٢ أبريل ٢٠٢٦
لو متأكد الحل ابسط ما يكون
تم النشر الأربعاء، ٢٢ أبريل ٢٠٢٦
عاوز تبطله بصدق
تم النشر الأربعاء، ٢٢ أبريل ٢٠٢٦
لعرض السؤال في فدني اضغط هنا