انا شاب عمري ٢٣ وطولي بس ١٦٤، والشيء دا مسببلي عقدة واغلب الاوقات بحس بعدم الثقة.
والي شاغل بالي انه ممكن عند الزواج اترفض بسبب طولي.
محتاج مساعدة بجد.
بص أنا متفهم موقفك و مستغربوا فى نفس الوقت أنا صديق ليا أقصر منك ب 4 سم و مش بيعمل كده ولا قلقان نهائي من كده علشان متفهمش كلامي غلط أني بعيرك أو أى حاجه بس حابب أعرفك أني روحت أفراح و شوف ناس متجوزة كتير العروسة أطول من العريس و الزوجة أطول من الزوج و ماشيين و فرحانين و مستورين و لو ينفع كنت وريتك صورة جراني الجدد بسم الله ما شاء الله الزوجة طولها ضعف جوزها و الموضوع عادي بنسبالهم و بالنسبة للي حواليهم فمتفتكرش الطول مشكلة علشان لو على الطول فالبنات كتير قصيرين و فين و فين لما هتشوف واحده طويلة 😅 فهتلاقي كتير بس سبها على الله و ربك يدلك على بنت الحلال وبس
تم النشر الجمعة، ٣٠ يونيو ٢٠٢٣
طيب هو اول حاجه كده .. طولك كويس جدا مش قصير طول عادي جدا زي باقي الناس .. اهم حاجه انك تشتغل على ثقتك بنفسك، وتعرف ان مفيش حد احسن منك، بالعكس ثم لو افترضنا ان كلامك صح، وان فيه بنت عايز واحد مثلا 180 سم، انت هتقعد تنأب نفسك انك ازاي مش طويل كده؟ وليه اترفض؟ طيب هقولك على حاجه، انت كشخصيا مش بيبقى عندك متطلبات في البنت نفسها؟ صح بعيدا بقى عن الشخصية كل واحد من حقه يختار النوع اللي عايزاه، او المتطلبات اللي هو حابب انها تكون موجودة غض النظر بقى عن ايه هي؟ في واحد ممكن يقول انا مش بحب البنات الطويلة مثلا عايز واحدة قصيرة مثلا .. وهكذا. ف اهم حاجه انك تكون واثق من نفسك كويس اوي .. محدش احسن من حد .. وتقبل نفسك كما هي في حاجات مش ب ايدينا نغيرها ف اقبلها زي ما هي وحبها. + حاجه مهمة جدا، ياريت متحاولش تسمع لكلام الناس اللي ممكن يكون زي السم كده، زي انت بص طولك عامل ازاي .. وهكذا وتبص للناس ديه على انهم احسن، بس مفيش حد احسن ولا حاجه ... هما كمان فيهم حاجات اكيد مش عاجباهم.
تم النشر السبت، ١ يوليو ٢٠٢٣
مش ده المعيار الوحيد وبالعكس متشوفش ان ده شيء يعيبك و الحجات دي بجد ولو الموضوع بالنسبالك مُهم أوي اما تتجوز شوف بنت أقصر من حضرتك فَ القامة بس حابه أطمنك انه مش شيء يعيب أبدا وده الي بشوفة من التجارب الي حوليا بجد بس اشتغل على صفات وأخلاقك ده المهم والي بيفرق وكده ربِّ ببارك فيك.
تم النشر السبت، ١ يوليو ٢٠٢٣
أهلا بك، أفهم مشاعرك تماما. لا تقلق، فطول الشخص ليس هو المعيار الوحيد أو الأهم للزواج. هناك العديد من العوامل الأخرى الأكثر أهمية مثل الشخصية والأخلاق والقيم والاهتمامات المشتركة. أنصحك بالتركيز على تطوير نفسك في هذه الجوانب، وزيادة ثقتك بنفسك من خلال ممارسة هواياتك والقيام بأنشطة تحبها. كما أنصحك بالتواصل مع الآخرين دون التركيز على طولك، فستجد أن هناك الكثير من الفتيات اللواتي يهتممن بشخصية الشاب وما يملك من مواهب وإنجازات أكثر من اهتمامهن بطوله. ثق بأنك ستجد الشريكة المناسبة لك في الوقت المناسب إن شاء الله. لا تيأس وركز على نفسك وطور من شخصيتك، فطول الإنسان لا يحدد قيمته.
تم النشر الجمعة، ٣٠ يونيو ٢٠٢٣
لو على الجواز فانت هتركز على حد نفس طولك او اقصر عدم الثقه ملهاش علاقة بطول دى مجرد فكرة غلط فى عقلك بتقول ان الراجل لازم طولة يكون كذا او اكتر .. عموما اهتمامك بمظهرك وصحتك هيخليك تبان اطول وتاخد ثقه فى نفسك تعوض موضوع الطول اللى مأثر عليك ده
تم النشر الاثنين، ٣ يوليو ٢٠٢٣
انا شايفه ان طولك مناسب جدا يعني مش طويل ومش قصير مظبوط مفهوش حاجة وفيه ياما رجالة كتير اقصر منك ومش شاغلين بالهم بموضوع الطول ده خالص وعايشين حياتهم كده طولك كويس متشغلش بالك
تم النشر السبت، ١ يوليو ٢٠٢٣
لعرض السؤال في فدني اضغط هنا