انا عيوني من اسبوع كدا فيها حرقان وانا اصلا بلبس نظارة نظر من ٣سنين كدا بس ليا كام يوم حرقان وصداع اعمل ايه بغسل عيوني والحرقان موجود
السلام عليكم ورحمه الله وبركاته. خلي بالك كويس قوي قوي ان الحرقان والصداع في الاغلب في الاغلب بيكون جفاف في العين فلو احنا نقعد قدام الكمبيوتر كثير ماسكين الموبايل كثير قاعدين بنذاكر او بنقرأ كتير ده بيعمل جفاف في العين سريع فممكن تجربي تجيبي أي قطره مرطبه للعين يعني ودي حاجه يعني عادي جدا تبقى من غير ما تتوجهي للطبيب دي حاجه من الصيدليه مجرد قطره زي بي فريش الحاجات دي بتبقى بس علشان ترجع الترطيب للعين مره تانيه ناخد بالنا ان احنا ما نجهدش عينينا ما نقعدش ساعات طويله قدام موبايل قدام كمبيوتر وتشوفي اذا كان الوضع يتحسن معاكي ولا لا لو الوضع ما تحسنش يبقى احنا محتاج. ين نروح للدكتور لان ممكن يكون الحرقان ده جايه بسبب التهاب بسبب بقى حاجه مثلا التهاب ده يكون بسبب حاجه بكتيريه او حاجه ااا فيروسيه تكون عملت الالتهاب ده في العين وساعتها الدكتوره هيصفلك الحاجه المناسبه تناسب الحاجه اللي اصابت عينك يعني وان شاء الله تكون حاجه بسيطه وتكون بس مجرد على حاجه كمان انا بعملها شخصيا لما بلاقي انه عيني مجهده او ااا فيها التهاب لاي سبب خلي فيه حرقان وصداع على طول بعمل كمادات مية ساقعة وكمان كمادات شاي بتكون حلو جدا بتهدي العين.
تم النشر الثلاثاء، ١٨ أغسطس ٢٠٢٦
السلام عليكم، لازم وضروري كشف رمد. الحرقان مش هيروح بغسل العيون لأن مش مجرد حاجة على سطح العين والماية هتغسلها. ممكن السبب جفاف أو التهاب بالجفون أو إجهاد، أو مشكلة بمقاسات النظارة، السبب مش هيتحدد غير بالفحص. العين بالذات لا تستهري بتعبها وروحي من بكرة اكشفي عشان ميحصلش أي مشاكل او مضاعفات لا قدر الله. وإن شاء الله تكون حاجة بسيطة وتروح بالعلاج. على ما تروحي، امنعي خالص الفرك في العين، ومتحطيش أي قطرات، وقللي استخدام الشاشات، ممكن تجربي تعملي كمادات دافئة (مش ساخنة) تسكن شوية بس طبعا مش هتعالج المشكلة هي مجرد مسكن، لو هتضعي كمادات متضغطيش على عينك ولا تفركي، ضعيها بس كم دقيقة وشيليها. ومتتأخريش في الكشف. ألف سلامة.
تم النشر الاثنين، ١٧ أغسطس ٢٠٢٦
أهلاً يا قمر، أنا آسفة إنك بتعاني من الحرقان ده في عيونك من أسبوع، وكمان الصداع اللي بيجي معاه. بما إنك بتلبسي نظارة نظر من 3 سنين، ممكن يكون السبب إجهاد العين بسبب تغيير في قوة النظارة أو جفاف العين، أو حتى حساسية بسيطة، لكن أنا مش بديل عن استشارة طبيب عيون متخصص. الأفضل دلوقتي إنك تروحي لدكتور عيون عشان يفحصك كويس، خاصة إن الحرقان مستمر رغم غسل العينين، والصداع ممكن يكون مرتبط بضغط على العين. لحد ما تروحي، حاولي تقللي من استخدام الموبايل أو الشاشات، ومتغسليش عيونك بمية الصنبور عشان متزوديش التهيج، ولو عندك قطرات مرطبة للعين (زي الدموع الاصطناعية) ممكن تستخدميها مؤقتًا بعد استشارة صيدلي. خدي الموضوع بجدية وروحي للدكتور قريب، ولو عايزة تسألي أسئلة مشابهة على فدني هتلاقي تجارب ناس تانية. ربنا يشفيكي ويبعد عنك أي تعب. ❤️ (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الاثنين، ١٧ أغسطس ٢٠٢٦
العفو ربنا يوفقك
تم النشر الأربعاء، ١٩ أغسطس ٢٠٢٦
ماشي ما انا عارفه كل الأنواع دي بس كشفت عند الدكتور الحمد لله شكرا خالص لحضرتك
تم النشر الأربعاء، ١٩ أغسطس ٢٠٢٦
روحي عند دكتور عيون و مفيش حاجه باذن الله
تم النشر الثلاثاء، ١٨ أغسطس ٢٠٢٦
هاتي قطرة سولو فريش ملهاش اي ضرر جانبي هي مجرد مرطب للجفاف عشان أنا كنت كدا وكتبهالي الصيدلي وعيني بقت كويسة بتتاخد من مرتين لتلاتة ف اليوم وسعرها تقريبا سبعين جنيه فيه انواع تانية روحي صيدلية وان شاء الله هتلاقي، ابقي قولي للصيدلي عايزة قطرة لجفاف العين بسبب شاشة الموبايل
تم النشر الأربعاء، ١٩ أغسطس ٢٠٢٦
طيب شكرا
تم النشر الأربعاء، ١٩ أغسطس ٢٠٢٦
روحي اكشفي عند دكتور كويس
تم النشر الأربعاء، ١٩ أغسطس ٢٠٢٦
ايوا
تم النشر الثلاثاء، ١٨ أغسطس ٢٠٢٦
ممكن يكون جفاف
تم النشر الثلاثاء، ١٨ أغسطس ٢٠٢٦
ما انا مش راضيه احط اي حاجه ممكن اعمل كمدات وخلاص
تم النشر الاثنين، ١٧ أغسطس ٢٠٢٦
تمام بس العيون خصوصا بلاش ناخد كلام او تشخيص من اى حد زيادة امان
تم النشر الاثنين، ١٧ أغسطس ٢٠٢٦
ما انا متابعه مع دكتور لان بغير كل سنه النظارة
تم النشر الاثنين، ١٧ أغسطس ٢٠٢٦
متابعة طبيب افضل
تم النشر الاثنين، ١٧ أغسطس ٢٠٢٦
لعرض السؤال في فدني اضغط هنا