بنات ... او ولاد المفروض ازاي نتصرف مع المتحرش؟
انا بيبقى عندي استعداد ازعق اشتم ... اضرب اه والله بضرب و بعرف اضرب حلو اوي ... بس كل خوفي بيبقى من صورتي قدام الناس بحس نفسي قلبت راجل ساعتها ... دي الحاجة الوحيدة اللي بتمنعني اعمل كده بصراحة مش بحب افضل ساكتة ع الحاجات دي او اعمل نفسي مخدتش بالي او اسيب الكائن ده وامشي لان مش بحب اسيب حقي ..
بس بخاف من شوية الحيوانات اللي في الشارع اللي ممكن لو شافوني بشتم او بضرب يطلعو تليفوناتهم في الشارع و بيصورو....انا بعرف اتصرف حلو او بس الحاجات دي بتمنعني ... فهل الصح لو اتيحت لي الفرصة اني اعمل ده كله اعمله؟ ولا اتجاهل وامشي و خلاص ؟
رغم ان الخيار الثاني صعب بالنسبالي..
بصي في الصورتين كويس ده كلامي و كلامي ليه هنا انا ممسحتش شيء.. اولا اسلوبك متهكم مهين انا قولت 100 حاجه كويسة و صح و حاجه واحدة غلط نسيتي كل شيء و قررتي تتعاملي معايا بهمجية طيب ليه انا حليت مشكلتك دا لو بتعرفي تقري و اي حد هيقرا هيقولك هو قال كل اللي ممكن يتقال.. نيجي بقي لاسلوبك في الرد.. دي مشكلة نسبة كبيرة قوي من الجيل بتاعكم.. لا تفكير ولا عقلانية و كلام اهبل ماسخ.. برغم كده لما بيواجهكم مشكلة و يترد عليكم رد مش عاجب و تتزنقوا بتسيبوا مشكلتكم و تعيبوا في الشخص اللي جاي يقدم لك حل.. أنت جاية هنا تتخانقي ولا مقدرتش عليهم قررتي تنتقمي من اول حد ييجي في طريقك ؟! انا مش متحرش يابابا انا جاي اساعدك لو مش عايزة براحتك.. بس يبقي الرد بأسلوب الطف من كده.. او توفري الكلام لنفسك و اقولك علي حاجه.. اعملي اللي انتي عايزاه اكتبي انتي عايزه تعملي ابقي خشي اعملي ذكر و اضربي اي واحد يتحرش بيكي او بغيرك.. جربي يلا اتحلت اهيه.. لاء ايه مشكلة جيلكم بالظبط ؟
تم النشر الأحد، ٢١ سبتمبر ٢٠٢٥
أنا شفت السؤال او البوست بتاعك اول ما كتبتيه.. و سيبته شوية لأن الشخصية اللي جوايا بتفكر.. بتبقي فعالة بالليل بس.. المهم.. انا قريت سؤالك كذا مرة و استنتجت شوية حاجات.. بس اللي انا متأكد منه أن كلامك كله مشبع بحاجتين ( غضب مكتوم و.. خوف.. أنتي خايفة.. سيبك من المحاولة الزائفة لرسم الشجاعة.. اللغة عدوانية لكن أداءيّة — جمل زي «عندي استعداد أزعق... أضرب» أقرب لتهديد أو تخيّل مش سرد تجربة فعلية. الخوف واضح ومهيمن ، عبارات مثل «كل خوفي يبقى من صورتي قدام الناس» و«بخاف من شوية الحيوانات...» بتدل على قلق اجتماعي وضعف مشبع بغضب خارجي. بس اكتر شيء لاحظته ان اللي حصل و ضايقك.. محصلش ليكي انتي غالبا حصل لصاحبتك او حصل لحد غريب قدامك.. بدليل قلة التفاصيل الواقعية — مفيش وقت/مكان/نتيجة أو وصف إصابات/شهود، واللي يدي انطباع إنك بتحكي عن موقف تاني أو بتتخيّلي السيناريو مش إنك صاحبة الشكوي.. محاولة بناء صورة بطولية.. «قلِبتي راجل» و«بعرف أتصرف حلو» ده تعويض: بتخلقي صورة قوية عشان تغطي شعور الضعف.. ردي عليكي.. ان طبيعي تخافي و ده مش ضعف بالعكس اي انسان طبيعي و عاقل بيخاف من اي موقف خطر كونك حسيتي بتوتر او خوف في موقف زي ده منطقي مفيش حد بيبقي مرتاح في مواقف زي دي.. 🌟🌟🌟 نخش بقي علي الجد.. قوتك مش في إنها تضربي أو تعلي صوتك، لكن في إنها تعرفي تحمي نفسك وتختاري الأسلم ليكي و للي معاكي. الحزم من غير تصعيد : لو حسّيتي إنك قادرة، تردي بصوت واضح وحازم (مش محتاج سباب أو شتيمة) زي: "لو سمحت إبعد عني فوراً " ده هيخليه يتراجع او يتردد اللجوء للناس حواليكي: وجود شهود أو أي حد تاني بيضعف المتحرش . تقول بصوت عالي للناس: "الراجل ده بيتحرش." تجنّبي المواجهة المباشرة لو الموقف خطر: لو المتحرش باين عليه عنيف أو ممكن يؤذيكي الأفضل تبعدي وتلجئي لأقرب مكان آمن أو حد تثقي فيه. مبدأ السلامة أولاً. 🛟 قوتك مش في العضلات، قوتك في الوعي والتصرف الصح. التصرف الذكي مش دايمًا "الخناقة".. 🧠 لكن "الخروج من الموقف بأقل خسارة وأكتر أمان".🌟 ربنا يحفظك و يحفظ نساء المسلمين.
تم النشر السبت، ٢٠ سبتمبر ٢٠٢٥
مرحبًا بك يا حياتي، وأشكرك جدًا على صدقك وصدق مشاعرك في السؤال المهم ده. موضوع التحرش مشكلة كبيرة مؤثرة جدًا على حياة البنات وعلى كل مجتمع، وفهم مشاعرك بالخوف والرغبة في الحماية والعدل طبيعي جدًا. خليني أساعدك نفكّر الموضوع خطوة بخطوة: الرد على التحرش بشكل مباشر أنتِ بتحاولي تعيشي بالكرامة، وعارفة إن الصمت مش حل، وهذا شيء جميل وقوي. لكن الضرب والصراخ قد يؤديا في بعض الأحيان إلى تصعيد الأمور، وقد تواجهي رد فعل غير متوقع أو تسجيل فيديو ينعكس سلبًا على صورتك. لذلك من الحكمة أن تختاري رد فعلك بحيث يحافظ على سلامتك أكثر من كل شيء. طرق رد فعل آمنة وفعالة رد بصوت واضح وحاسم: "لوسمحت متتعديش الحدود" أو "مش هسيبك تفضل كده"، بحيث توضحين أنك واعية ومش هتسمحي له بالاستمرار. البحث عن الدعم والمحافظة على السلامة: لو فيه ناس حواليك، قومي بجذب انتباههم; مرات كتير مجرد وجود شهود يشجع المتحرش على التوقف. استخدمي هاتفك: تسجيل الصوت أو الفيديو ماذا يفيد في التوثيق فيما بعد إذا احتجتِ ترفعي أمر رسمي. التصرف القانوني السلطات لديها قوانين تحمي من التحرش، ولو حسيتي أن الأمر خطر أو تجاوز حدوده، ما تتردديش تقدمين بلاغ. هذا سيغير من الواقع على المدى الطويل. حافظي على كرامتك بأسلوب حكيم فكرة إنك "قلبتي راجل" هي تفكير شائع لكنه غير صحيح. أنتِ تستطيعين أن تكوني قوية وحازمة وأنثوية في نفس الوقت، القوة مش معناه تصرفت بشكل عدواني يضرك، ولكن معناه تحمي نفسك بذكاء وشجاعة. خطوات عملية استعدي نفسيًا بأن يكون عندك طرق تردي بها دون تصعيد، ممكن تتدربي على كلام حازم وقصير. ابتعدي عن الأماكن التي تشعرك بالخطر كلما أمكن. كوني دائمًا مجتمعة مع ناس تثقي فيهم. إذا حابة، ممكن تستشيري خبراء في نفس المجال حول كيفية التعامل مع المواقف بشكل عملي، وهم موجودين على صفحة الخبراء في فدني https://www.fedni.net/experts وأخيرًا، تذكري أن هذه المشاكل ليست ذنبك، وأن دفاعك عن نفسك حق مشروع، وأنتِ تستحقين مكان آمن ومحترم. لو حابة تستمري في الكلام أو تشاركي مواقف أكثر، أنا هنا معاكِ. هل تحبي أساعدك بأفكار محددة أكثر أو نصائح عملية عن وصفات كلام تردديه؟
تم النشر السبت، ٢٠ سبتمبر ٢٠٢٥
الموقف بيبقا صعب ففي كلا الحالتين خسرانة .. لو مشيتي وسكتتي هيلحقك احساس الضعف والعار وممكن حد يستضعفك ، ولو عملتي موقف وزعقتي هتكوني بقيتي نسخة منهم ونزلتي في مستواهم القذر ده غير انهم ممكن يستمتعوا بغضبك ورد فعلك ويتعمدوا استفزازك لأن بعضهم من حقارته عايز اللي يعبره حتى لو زعقله وهزقه وده غير أن ممكن يكونوا بتوع حشيش وخمر أو معاهم مطاوي أو حتى سلاح / الحل هو محاولة تجنب الموقف ده من خلال زيادة الالتزام في اللبس و المشية / ولو كنتي في الموقف نفسه ففي نظري الأفضل هو التجاهل وتذكير نفسك أن ملكيش ذنب وهو المخطئ .. ولكن مش يكون تجاهل من ضعف أو كتمان ولكن من باب "وعباد الرحمن الذين يمشون على الأرض هونا ■ واذا خاطبهم الجاهلون قالوا سلاما"
تم النشر الأحد، ٢١ سبتمبر ٢٠٢٥
زعقي وعلي صوتك وهزأيه لكن بالفاظ منضبطة... لكن ضرب بلاش عشان هتنضربي اوي..
تم النشر السبت، ٢٠ سبتمبر ٢٠٢٥
شكرا استاذ محمود
تم النشر الأحد، ٢١ سبتمبر ٢٠٢٥
لعرض السؤال في فدني اضغط هنا