السلام عليكم
انا بنت عندى 17 سنه اتعرضت للتحرش كذا مره، مره من ابن عمتو هو كان 14 سنه وانا كنت لسه صغيره 7 سنين بس انا نسيت بدأت افتكر لما اتعرضت تانى مره من سواق المكروباص كان عندى 15 سنه هو كان راجل كبير وقلت اكيد بيسوق ميقصدش ومركزتش معاه ومكنتش فاهمه ايده لمستنى كتير وبطريقه مش لطيفه
انا مكنتش فاهمه بعد ما طلعت البيت فهمت جسمى كله بدأ يترعش وفضلت اعيط كتييير جدا يومين وبدأت انسى غير الاحلام ان ابن عمتو بيعملى حاجات وحشه مكنتش عارفه ده حقيقى ولا احلام لما واجهته قالى انه مكنش يقصد وانه كان مراهق سكتت خالص ومشيت رجعت لنفس العياط
آخر مره ف اولى ثانوي كان عندى 16 سنه من المستر نظراته وتصرفاته بتخوفنى اوووى دلوقتي بقيت من غير سبب بليل أفضل اعيط جامد ف اوضتى بحس دموعى كمان نازله سخنه او بتحرق بقيت من اقل حاجه ادخل اوضتى واعيط جامد بعدين اجيب الموس واعور ايدى ايدى بقى شكلها وحش اووى
خايفه حد يشوفها بجد سايبه علامات سودا وتعاوير لسه مخفتش المشكله مش عارفه احكى لاهلى كل ده ولا هما حاسيين بيا ومش هينفع اروح لدكتور نفسى مع انى نفسى اروح بجد بس مش هعرف اقولهم ولا هما حتى هيوافقوا عاوزه اقول حاجه بس بتمنى محدش يلومنى او يقلل منى لانى شخصيا معرفش السبب
بقيت اقرأ عن قصص التحرش وببقى مبسوطه اووى بعد ما بقرأ بخاف وافضل اعيط نفس العياط اللى بيستمر ساعات حتى نومى بقالى زى 4 شهور بنام على الاقل 13 ساعه وده مأثر على مدرستى ومزاكرتى ومش بعرف اقلل الساعات بصحى دايخه وكمان برضو من ساعه تحرش اولى ثانوي بقى يجيلى مشاكل ف المعده كتير على فترات مختلفه الاول ضعف جدار المعده بعدين الزايده وبعديها قالى ضعف عام وارتجاع ف المرئ
اخر مره كان القولون كل فتره اروحله وتطلع مشكله جديده وعايشه اهو بقالى سنه ممكن كل فتره استفرغ ومن غير سبب لدرجه اتعودت قبل ما انام بطنى توجعنى وادخل استفرغ حتى اهلى مبقوش يكشفولى او يدونى علاج لانى اتعودت وبرضو بقيت اخاف كتيير واترعش من غير سبب وكل يوم بليل ادخل ف دوامه العياط مش بهدى غير لما انام او يغمى عليا
معرفش اسفه معرفتش ارتب الكلام ولا كنت عارفه اقول ايه بس ممكن تساعدونى وجزاكم الله كل خير✨🫂
السلام عليكم ورحمه الله وبركاته. حتى لو احنا مفيش ناس قريبه مننا ضروري جدا جدا جدا نتعامل مع الموضوع ده صح كل اللي بيحصل معاكي ده انت ال الموضوع بتاع التحرش ده ضاغط عليك جدا جدا من جواكي ومحتاجه انك تعبري عنه لانه المساله بتاعه الباتين دي وان احنا نعور نفسنا هو بتبقى محاوله لتفريغ الضغط الداخلي طيب احنا مش محتاجين ان احنا نعمل كده احنا محتاجين احنا نتكلم بس طيب الكلام صعب ايوه الكلام هيكون صعب طب هو ايه اللي مخلي الكلام صعب الكلام صعب عشان مش لاقيين حد نكلمه طب تمام طب ايه رايك لما احنا هنا ااا اتكلمنا حتى واحنا بنكتب السؤال في نسبه من جواك ارتاحت اللي بيخليكي لما تقراي قصص تبقي مبسوطه ليها علاقه بنفس الموضوع انك بتحسي انك مش لوحدك وهو ده اللي احنا محتاجينه نعبر عشان نحس ان احنا مش لوحدنا لانه ده بيكون وضع انا حسيت فيه اني مهدده وحسيت فيه ان انا في حد بيقتح حتى لو يعني الموضوع مش هيكون في شكل جلسات مفيش مشكله خالص لو الشكل ده من الاشكال المساعده هيفرق معاكي انا ما عنديش مشكله خالص لكن كفايه كده ضغط داخلي كفايه كده جسمك عمال يعني بيقول لك بكل الطرق انا مش قادره استحمل الحاجات اللي انت كاتباها جوه بتضغط كثير فيا ريت تستجيبي للرساله دي وتوقفي الضغط ده وان شاء الله تكوني احسن.م خصوصيتي وبيقتحم جسمي ده كاني لوحدي مفيش حد يدافع عني فالبدايه تكون باني احس ان في حد معايا جوه الصوره معايا باي شكل لان هو سمعني بس بانه هو سامعني واداني نصيحه بانه سمعني واتعاطف. ايا كان فاا احنا هنا كلنا بنقول لك انه انت مش لوحدك احنا موجودين اهو معاكي حتى لو انت مش قادره تروحي لطبيب نفسي يعني انا عن نفسي احب ان انا ادعمك حتى ولو على الواتساب تطلعيه من جواكي تفرغيه عشان ما تبقيش طول الوقت مضغوطه ااا واعتبري الشات اللي ما بينا كاننا بنتكلم وبتقول اللي انت عاوزاه ااا
تم النشر الأربعاء، ٣٠ أبريل ٢٠٢٥
وعليكم السلام ورحمة الله وبركاته شوفي يا حبيبي انا هقولك لإني بردك مريت بالتجربة الوحشة دي،بس فوقت منها لما لقيت نفسي بفكر في الموضوع وفي سنة عدت من عمري خايفة انزل الشارع و كل الكلام ده، خلاص كفايا هفضل اضيع في عمري و وقتي لـ امتى؟ انا بس عوزاكي تفهمي ان اللي حصل ده نتي ملكيش اي ذنب فيه ودي ناس مريضة،كمان خليني اقولك ان مش كل الرجاله وحشة ومتخديش عنهم كلهم انهم حيوانات وكده لان نتي شوفي بقالك مثلا ٥ سنين بتروحي دروس و بتمشي ف الشارع اتعرضتي لـ مرتين او ٣ للتحرش وكده ونا فاهمة قد ايه التجربة مقرفة وكل الكلام ده ضروري تاخدي احتيطاتك بعد كده زي انك متركبيش فـ مكان يكون موضع فتنه ليكي متركبيش وفي راجل وراكي او جمبك،متمشيش ف الاماكن الزحمة لاء اقفي وادي ضهرك لحيطة لغايت ما الدنيا تهدى شوية فاهمة... اقعدي اتكلمي مع ربنا ان الاحساس اللي حستيه ده وحش وانك زعلانه ان حصل كده واطلبي منه انه يحكيمي وكده... شوفي يا حبيبي نت نفسك دي محدش هيخاف عليها قدك، ودي امانه معاكي حافظي عليها اهتمي بنفسك بجسمك بتفاصيلك وكده ربنا يصلحلك حالك ويحفظك
تم النشر الأربعاء، ٣٠ أبريل ٢٠٢٥
وعليكم السلام ورحمة الله وبركاته. أشعر بشعورك وأتفهم صعوبة ما مررتِ به. التعرض للتحرش هو تجربة مؤلمة وقد تترك آثارًا عميقة على النفس والجسد. من المهم أن تعرفي أنك لست وحدك وأن ما تشعرين به هو رد فعل طبيعي على ما تعرضت له. تأثرك النفسي والجسدي واضح، والأعراض التي تحدثتِ عنها مثل الانفعال وساعات النوم الطويلة، قد تعكس القلق والاكتئاب الذي يمكن أن ينتج عن هذه التجارب المؤلمة. بدايةً، من الضروري أن تبحثي عن مساعدة. إذا كان لديكِ شخص تثقين به، كأحد أفراد العائلة، يمكنكِ التحدث معه عن مشاعرك. الدعم العائلي قد يكون مهمًا جدًا في هذه الحالة. كما أن الذهاب إلى طبيب نفسي متخصص سيكون خطوة جيدة. فقد يتمكن من تقديم الدعم والعلاج المناسب لكِ للتعامل مع الصدمات التي مررتِ بها. الأطباء النفسيون ملزمون بسرية المعلومات، لذا يمكنكِ أن تشعري بالأمان أثناء التحدث إليهم. لا تشعري بالذنب أو الخجل من مشاعرك، فالبعض من حولك قد لا يفهمون تمامًا، لكن من المهم أن تحاول الانفتاح على فكرة طلب المساعدة. الحياة تستحق أن تعيشيها بشكل صحي وسعيد، وأن تمتلكي القدرة على التعافي. في إطار حديثك عن التحسن، حافظي على صحتك النفسية والجسدية. حاولي الانخراط في أنشطة تفرحك، مثل الهوايات أو الأنشطة الاجتماعية مع الأصدقاء المتفهمين. وأخيرًا، تذكري أن هناك أمل وأن كل شيء بإذن الله قابل للتغيير. لا تترددي في طلب المساعدة، فأنتِ تستحقين أن تعيشي حياة سعيدة ومريحة. جزاكِ الله خيرًا على مشاركتكِ معنا، وأتمنى لكِ الشفاء العاجل.
تم النشر الأربعاء، ٣٠ أبريل ٢٠٢٥
لعرض السؤال في فدني اضغط هنا