أنا شاب في عمر 20 سنه عايز اشتغل من البيت على التليفون حاولت كتير بس بتوه ومش عارف اعملها ازاي فهل ممكن حد ينصحني بخطه امشي عليها او حاجه اتعلمها في شهر اقدر اشتغل بيها او ينصحني بتطبيق اقدر اشتغل عليه بجانب جامعتي
ممكن تتعلم تصميم أغلفة الكتب والروايات من على الموبايل لو لك في التصميم ساعتها هتشوف: 🔽 - قناة تصميماتي على يوتيوب. - تشوف أغلفة المصممين وتاخد فكرة. - هتنزل تطبيق بيكسلاب وبيكسارت بتوع تصميماتي من على جوجل. ممكن لو اجتهدت جامد تتعلمه في شهر وساعتها هتشوف الدور الصغيرة وتشتغل معاهم وتكتسب خبرة مع الوقت. ممكن تتعلم التدقيق اللغوي: 🔽 - صفحة غيض من فيض على فيسبوك كل فترة بيعملوا كورس تدقيق مجاني مستوى أول بس بيبقوا مركزين على الاختبارات أكتر. - كمان صفحة سحر الروايات بيقدموا نفس الكورس بس بيبقوا مركزين على الشرح أكتر. - تنزل كتاب المعجم الوسيط من على النت. - تتابع قنوات على يوتيوب زي قناة عنادل. - هتشوف قنوات تعلم الإعراب. - ممكن تستخدم برنامج وورد مايكروسوفت أو جوجل دكس. لو بتحب تقرأ كتب وبتهتم باللغة الشغلانة دي هتعجبك. أو تتعلم تنسيق الكتب والروايات ودواوين الشعر على word. - هتنزل برنامج مايكروسوفت وورد وده أحسن برنامج وورد لحد دلوقتي. - هتشوف فيديوهات إزاي تستخدم برنامج word. - هتتصفح الكتب الورقية وتشوفها معمولة إزاي وتحاول تعمل زيها. مشكلته الوحيدة على الموبايل إنه الأرقام بتطلع عربي مش هندي والخطوط محدودة شوية وكمان مينفعش يتنسق عليه دواوين شِعر لإنها يتحتاج جداول وأدواتها محدودة على نسخة الموبايل. في الأول وفي الآخر أي مهارة بتحتاج تتثقل وبتبدأ بمبالغ قليلة شوية ومع الوقت والصبر بتكتسب خبرة.
تم النشر الجمعة، ٦ فبراير ٢٠٢٦
أهلاً بيك! أنا ذكية، وأنا فاهمة إحباطك تمامًا، الـ20 سنة عمر مثالي للبداية بس محتاج خطة واضحة عشان متتوهش تاني. هقولك خطة عملية تقدر تمشي عليها من تليفونك بس، بجانب الجامعة، وتركز على حاجات حلال وسريعة التعلم (في شهر واحد). الدخل هيبدأ صغير ويزيد مع الوقت. خطة خطوة بخطوة (ابدأ النهاردة): حدد مهاراتك (يوم 1-2): اكتب 3 حاجات بتعرفها زي الكتابة، التصوير، أو حتى التواصل. لو مفيش، ركز على "تصميم جرافيكي بسيط بـCanva" – تطبيق مجاني على تليفونك، سهل زي اللعب. اتعلم في أسبوعين (يوم 3-14): حمل تطبيق Canva وافتح يوتيوب (قناة "Canva بالعربي" أو "تصميم جرافيكي للمبتدئين"). شوف 5 فيديوهات يوميًا (ساعة بس). هتتعلم تعمل بوستات إنستا، لوجوهات، أو فليرات في أسبوع. مارس: اعمل 10 تصاميم يوميًا ونزلهم على إنستا أو تيك توك بأكونت جديد. ابدأ العمل في أسبوعين (يوم 15-30): اشترك في مواقع العمل الحر: خمسات (خمسات.com app) أو مستقل (mostaql.com) – عربي وسهل، كتير مصريين بيشتغلوا عليها من تليفون. اعمل حساب، قدم خدمات زي "تصميم بوستات إنستا بـ50 جنيه" أو "كتابة محتوى قصير". ابدأ بأسعار رخيصة عشان تقييمات. نصائح يومية عشان تنجح: خصص ساعة يوميًا بعد الجامعة (متضغطش نفسك). رد سريع على الطلبات، وخد سكرين شوت لكل شغل ناجح عشان تبني بورتفوليو. تابع قنوات العمل الحر على يوتيوب لنصائح أكتر. هتشتغل إن شاء الله، بس السر الاستمرارية والصبر – زي اللي بيزرع بذرة ويرويها كل يوم! 😊 لو عايز نصائح أكتر دور في فدني على أسئلة مشابهة هتلاقي إجابات كتير. قولي إيه رأيك في الخطة دي، أو لو عندك مهارة معينة؟ أنا معاك خطوة بخطوة! 💪
تم النشر الخميس، ٥ فبراير ٢٠٢٦
انا زيك تايه بس انا مسكت طرف الخيط بس ناقص بقا اطور من نفسي .الخلاصه عندك حاجتين بيع منتج وليه كذا طريقه زي (البراند) و(التجاره تبيع وتشتري) ولكن خلي باللك من الدروب شوبينج عشان حرام التطبيقات الي ممكن تساعدك عندك دوبيزل و epay وممكن تعمل متجر خاص بيك بس دا مكلف شويه وتسوق عن طريق السوشيال اما تاني طريقه هي بيع خدمة (بيع وقتك) دي انت بتتعلم مهاره زي التصميم وفي كذا فرع للتصميم او البرمجة او الكتابة وحاجات تاني هتحاول تتعلم مهاره الي انت حاببها وتدخل على موقع خمسات او مستقل تبيع خدمتك لو حد طلب يعني لو اتعلمت التصميم ممكن شخص يطلب منك تصميم وهكذا
تم النشر الجمعة، ٦ فبراير ٢٠٢٦
في تطبيق اسمه Linked in ادخل وشوف الدنيا
تم النشر الجمعة، ٦ فبراير ٢٠٢٦
ايوا حنشتغل على المجال الحر بس ايه الواحد متشتت ومش عارف يختار ازاى وايه الأحسن وأنهى ال اصرف عليه كورسات يرجع عليا بعائد كبير بس عايز ناس كمان متخصصه من فين اصاحب ناس لنفس المجال ناخد منهم خبره
تم النشر الخميس، ١٢ فبراير ٢٠٢٦
دوري علي حاجه مناسبه وربنا يكرمك
تم النشر الاثنين، ٩ فبراير ٢٠٢٦
اشتغل في مجال العمل الحر نزل منصات زي مستقل وأقرأ اكتر عن المجال ده واتعمق فيه
تم النشر الجمعة، ٦ فبراير ٢٠٢٦
لعرض السؤال في فدني اضغط هنا