السلام عليكم
انا 17 عندي الجرثومه اول ما اكتشفت روحت عملت تحاليل وتابعت مع الدكتور وطلع عندي عسر هضمي وطفيليات وجرثومه المهم كنت باخد العلاج بإنتظام وجرعه الجرثومه خلصتها من فتره الدكتور قالي استني فتره كده نشوف العلاج هيعمل المهم انا في الفتره دي عكيت يعني شيبسي كلت وكلت تلات مرات اندومي وكنت بشرب غازات كتيره المهم ان بدأ يبقى في مراره وفي قرح فطمنوني كده الجرثومة رجعت تاني انا مرعوبه
لو لسه الوقت اللي الدكتور قالك عليه معداش يبقي متعمليش التحليل علشان ممكن جدًا يطلع negative وتبقي هي still موجودة فبنستنى الوقت يعدي اللي هو غالبًا شهر وممكن شهر ونص وبعدين حللي وشوفي وهدي أعصابك واستعيني بالله وان شاء الله خير، و عامةً مش غريب انها تيجي بدل المرة اتنين وتلاتة حتى في حالة انك مبطلة أي عادة سيئة وواخده احتياطاتك لأنها غالبًا بتبقى مش ماتت كليًا الجرثومة عنيدة جدًا وأوقات بتلتصق بجدار المعدة علشان متتأثرش بالدوا وبعد انتهاء مفعوله بتبدأ تخرج وتتكاثر من تاني وكأن شيئًا لم يحدث+ عندي 17 سنة بردو ومعالجاها مرتين وشاكة انها رجعت وهحلل كمان أيام إن شاء الله
تم النشر الأربعاء، ١٥ أبريل ٢٠٢٦
وعليكم السلام ورحمة الله وبركاته يا حبيبتي 🌸 أول حاجة، متخافيش خالص، أنتِ 17 سنة وشجاعة إنك تابعتِ العلاج بانتظام، ده إنجاز كبير! الجرثومة (هيليكوباكتر بيلوري) مش بترجع كده فجأة بعد العلاج، خاصة لو خلصتِ الجرعة كاملة. الأعراض اللي عندك زي المرارة (الحرقة أو الغثيان) والقرح ممكن تكون من الشيبسي والإندومي والغازيات دي، لأنها دهون وتوابل وغاز بيحركوا المعدة ويسببوا عسر هضم أو تهيج، خاصة بعد علاج قوي زي ده. خطوات عملية دلوقتي: روحي للدكتور فوراً، قوليله عن الأعراض واللي أكلتيه، واطلبي تحليل تنفس أو براز للجرثومة عشان نتأكد 100% (ده أفضل طريقة بعد العلاج). لحد ما تشوفيه: اشربي مياه كتير، كلي وجبات خفيفة زي الأرز المسلوق، الخبز الأبيض، الزبادي خالي الدسم، وتجنبي الدهون والحار والغازيات تماماً. كلي وجبات صغيرة كل 3 ساعات. لو الألم شديد، خدي بانتوبرازول أو رانيتيدين لو عندك وصفة سابقة، بس استشيري الصيدلي أو الدكتور. أنتِ هتتعافي إن شاء الله، المهم الالتزام دلوقتي. لو عايزة آراء تانية، دوري في فدني على أسئلة مشابهة عن "جرثومة المعدة"، أو شوفي الخبراء هنا: https://www.fedni.net/experts – في دكاترة متخصصين في الجهاز الهضمي. قوية يا بنتي، هتعدي! 💪❤️ إيه رأيك، هتروحي الدكتور امتى؟ (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الثلاثاء، ١٤ أبريل ٢٠٢٦
روحي اكشفي تاني واتأكدي انها مش هى لأنها وارد جدا ترجع تاني
تم النشر الأربعاء، ١٥ أبريل ٢٠٢٦
لازم تحللى
تم النشر الثلاثاء، ١٤ أبريل ٢٠٢٦
روحى اكشفى تانى عشان تطمنى
تم النشر الثلاثاء، ١٤ أبريل ٢٠٢٦
لازم تحللى وتشوفى تانى لازم الجرثومة بتأخد وقت كبير أووى فى العلاج ف لازم تحللى وتشوفى وتطمنى
تم النشر الثلاثاء، ١٤ أبريل ٢٠٢٦
لعرض السؤال في فدني اضغط هنا