عندي مشكله وهي اني بتوتر جدا اثناء المشي وبيزيد التوتر ده لو في شباب من سني مثلا او رجاله ف العموم وأنا ماشيه وبحس إني بنسى إزاي امشي أصلا صح ودايما راسي بتبقي ف الارض وانا ماشيه ومبعرفش خالص ابص قدامي مهما حاولت والموضوع ده بقاله كتير بس فعلا بقى عاملي ازمه حقيقه ومبقتش أحب انزل بسببه
الفكره اني حتى لو نزلت اشتري حاجه من جمب البيت بحس بالشعور ده وبجد زهقت جدا آخر مره نزلت كنت متوترة جدا ومن كتر ما الموضوع عاملي ازمه لما جيت البيت هنا عيطت لاني حقيقة مبقتش قادره استحمل وكمان الموضوع مش بيختفي مع صحابي لما اكون ف شله أو حاجه لا بيبقى زي ما هو برضو
أتمنى فعلا إني ألاقي حل واتمني لو حد يقدر. يفيدني
الفكره اني زيك كده عندي عقده من الشارع لدرجه اني بطلت من الدروس في الثانويه وخدت اون لاين بسبب المشكله دي... كلمت ماما فقالتلي اقعدي اذكري الله وانتي مشيه ركزي في الي بتقوليه وحاولي تنسي... ونا بقولك امشي وكأن مفيش حد في الشارع غيرك امشي بثقه وادربي مره واتنين وتلاته اطلعي مشاوير كتير ...الموضوع مش هيجي من اول مره لازم تجمدي قلبك وتحاولي ١٠٠٠٠ مره بثقه ...اعرفي ان كل الناس الي مشيه معاكي دي او بتبص عليكي لو ربنا كشفلنا حياتهم مش هيقدرو يمشو بالثقه دي او يعاكسو البناات..... في بنات مش مسلمه بتمشي بفخر وثقه...طب وانتي؟ ده انتي اولي بالثقه دي... البسي واسع عشان مش كل شويه تركزي جسمي باين ولا لأ... سبحي وادربي كتير واعملي كجدول كيوت .. اعملي صح في اليوم الي تخرجي فيه من البيت وتمشي بثقه وادعي ربنا كتير في الصلاه.... واحنا بندعيلك يا جميله
تم النشر الجمعة، ١ أغسطس ٢٠٢٥
السلام عليكم ورحمه الله وبركاته طيب هو التوتر هنا وارد جدا يكون بسبب ان انت مركزه قوي قوي على فكره انه الشباب طول الوقت بيبصوا على اي بنت معديه يقعدوا يركزوا معاها مع جسمها مع مشيتها ممكن يكونوا هم بيتكلموا وما بينهم وما بين بعض بيتريقوا عليها فلو الافكار دي هي اللي على طول في دماغك فهي دي اللي هتخليكي طول الوقت متوتر فاحنا محتاجين نبص كده ليه دي الافكار اللي بتدور في دماغك لما بيكون في شباب او لما بيكون في رجاله انت معديه من جنبهم ايه الحاجات اللي بتبقى انت شايفه انها اكثر حاجه هتحصل طول ما انت بالشارع او طول ما انت قريب منك ولاد دي حاجة الحاجة التانية هل انت عموما بتقلقي انه في ولاد يقربوا منك يعني بتحسي انه هنا في خطر من تواجدك حوالين مناولات ولا بس الموضوع تخافي ان هم يبصوا على جسمك او يتريقوا عليك بشكل ما؟
تم النشر الأربعاء، ٣٠ يوليو ٢٠٢٥
عزيزتي، أولًا أحب أقول لك إن شعورك هذا ليس غريب ولا أنت الوحيدة اللي بتعاني منه، كثير ناس بيواجهوا توتر وقلق في مواقف اجتماعية أو حتى بسيطة زي المشي في الشارع، وده طبيعي لكن ممكن يتحكم فيه ويتحسن مع الوقت. خليني أساعدك نحلل الموضوع خطوة خطوة: فهم التوتر عندك لما تواجهي توتر قوي خاصة وأنتِ ماشيه وفي ناس حواليك، ده غالبًا بيكون بسبب خوف من الحكم عليك أو خوف من الانتباه إليك، أو حتى قلق اجتماعي شائع جدًا. التوتر بيخلي الجسم مش قادر يركز، وعشان كده بتحسي كأنك تنسي حتى ازاي تمشي. كيف تعاملي التوتر أثناء المشي؟ حاولي تركزي على خطواتك، شوفي رجلك تلمس الأرض، اتخيلي نفسك زي رقصة أو تمشي بخطوات ثابتة وواثقة، بمساعدة النظر للأسفل مش بالضرورة مدام طوال الوقت. خدي نفس عميق (بدون تمرينات استرخاء رسمية)، وخدي وقتك في المشي بدون استعجال، حاولى تخطي خطوات صغيرة وببطء في البداية. مواجهة الخوف من الناس اذكري نفسك أن الناس حولك غالبًا مش منتبهين واتركي تفكيرك يزيد عليهم، اطلعي فكرة أن الجميع مشغولين وهم أيضًا ممكن يكونوا عندهم مخاوفهم. لو قابلتي شباب في نفس سنك أو رجال، حاولي أن تذكري نفسك أن وجودهم مش تهديد، وأن وجودكِ وطريقتكِ للمشي هي طبيعية. التدريب خارج المنزل ممكن تبدأي بالمشي في أماكن مريحة قريبة من البيت، بعدها تحاولي تدريجيًا زيادة المسافات والمساحات إلى أماكن أكثر حيوية. كرري التمرين بوعي حتى يبدأ عقلك يتعود وبالتدريج يقل التوتر. متى تحتاجين مساعدة إضافية؟ إذا استمر التوتر يؤثر على حياتك بشكل كبير (يعني مثل ما وصفتِ بالدموع وصعوبة الخروج من البيت)، فالأمور ممكن تحتاج دعم نفسي متخصص من خبير نفسي يساعدك في التعرف على أسباب القلق بشكل أعمق وتعليمك آليات مواجهة فعالة. أنا هنا معك خطوة بخطوة، وإذا شعرتِ أنكِ تحتاجين للتواصل مع خبراء نفسيين من داخل مجتمع فدني يمكنكِ زيارة صفحة الخبراء على فدني واختيار من يناسبك. وأخيرًا، لا تنسي أن تدعي الله كثيرًا، فالدعاء يعين القلب ويمنحكِ الاطمئنان. ربنا لا يكلّف نفسًا إلا وسعها، وأنتِ قادرة بإذنه لتجاوز هذه المرحلة. هل تحبي أساعدك أكثر في خطوات التعامل أو أرسل لك نصائح يومية عملية؟ أنا معاك دائمًا يا طيبة.
تم النشر الأربعاء، ٣٠ يوليو ٢٠٢٥
ثقي في نفسك انك شريفة وملكيش ذنب وامشي بثقة ومتضخميش الناس / وراجعي ذاكرتك ايه اللي بيدور في بالك أثناء المرور من عند رجال ؟ هل حوادث اعتداء على النساء؟ هل شخص معين سئ ؟
تم النشر الخميس، ٣١ يوليو ٢٠٢٥
تم النشر الأربعاء، ٣٠ يوليو ٢٠٢٥
معاكي حق وحاولت أعمل كده ان مفيش حد مركز معايا بس فشلت
تم النشر الأربعاء، ٣٠ يوليو ٢٠٢٥
انا ذيك للأسف بس الحل بالنسبالى احط السماعه وامشى ولا سامعه حد وواثقه فنفسى ولما ادخل السوبر ماركت اجيب اللى عايزاه وادى تمنو لراجل واخدو وامشى ابقى بطبيعتك ربنا خلقك عشان تعيشى هقولك على حاجه لما بتوتر للحظه بقول فدماغى طب ما الناس دى كلها مليانه عيوب بالكوم هخاف من اى فهمانى
تم النشر الأربعاء، ٣٠ يوليو ٢٠٢٥
لعرض السؤال في فدني اضغط هنا