بقالي فترة كبيرة -ربما تكون أكتر من سنة- بعاني من كسل في الكلام وبفضل الإشارات وبستسهلها، بحس إني ما ليش نفس أتكلم خالص، هي مش مشكلة عضوية، بحس إني مش عايزة أتكلم ومش عايزة أرد على حد ولا أفتح كلام مع حد، على سبيل المثال لو محتاجة حد يناولني حاجة ممكن أكسل أقول له، أشاور على الحاجة أو أسكت أو أجيبها لنفسي أو لو محتاجة مساعدة ضروري ممكن أبعت للشخص واتساب لو هو في غرفة تانية، مش عارفة حد مر قبل كدا بدا ولا لأ، حتى الأذكار، أو الصلاة على النبي لما يتذكر اسمه بقولهم في دماغي من غير تحريك اللسان
أنا عمومًا كلامي قليل وصوتي واطي بس بقيت بحس إني مش عايزة أتكلم
إيه سبب الموضوع دا وازاي أحله؟
هي مش مشكلة فعلا وده أغلبنا أحيانا بيكسل أنه يتكلم وبيستسهل الأشارة. لا وكمان بقينا نرن فون لو احنا في غرف منفصلة مش لسة هنكتب واتساب 😂كمان أنا كنت دايما بقول الأذكار والصلاة ع النبي بدون ما أحرك لساني بس بعدين استوعبت أن لما أحرك لساني هاخد ثواب أكتر وده الأفضل واتعودت ع كدة. عودي نفسك أن الأجر بتحريك اللسان وهتتعودي ومش هتنسي. المشكلة بس انك أوهمتي نفسك أنك مش عايزة تتكلمي يبقى مش هتتكلمي. لا اتكلمي واتحاوري مع اللي حواليكي واتكلمي مع نفسك بصوت عالي. ولما تحسي أنك مش حابة تتكلمي ده عادي لكن متخليهاش وكأنك كدة وهتفضلي كدة
تم النشر الثلاثاء، ٩ يونيو ٢٠٢٦
انا كده علفكرة بجد لدرجة اني لو محتاجة حاجة بكسل اقول وممكن اسكيب الحاجة دي عشان مجرد متكلمش وبزهق جدا من الشاتس وممكن حتى اشوف المسدج م برا واسكيب مؤخرا بقيت اشوف ان ده بسبب تأثير البيئة المحيطة أو نوعية الحاجات الي بشوفها بتأثر بيا
تم النشر الأربعاء، ١٠ يونيو ٢٠٢٦
أنا كنت مقارب لوضعك كده بس بصراحة كان بسبب مشكلية مرضية والحمد لله دوام الحال من المحال، بس احيانا بالنسبة لحالتك ده عادي يعني مش مشكلة ولا حاجة بس برضو علشان ميبقاش طبع ملازم ليكي ممكن مثلا تفتحي نقاشات وسهاري مع حد من اخواتك، تقرأي قرآن وبترتيل، ممكن تصلي على النبي وتقولي أذكار، ممكن مثلا تعملي Shadowing لفيديوهات تعلم الانجليزيه لو بتتعلميها والدنيا بتمشي يعني. حاولي تطلعي بره البيت الا يكون مثلا بسبب زهق ومحتاجة تغيري نفسية من وقت للتاني
تم النشر الأربعاء، ١٠ يونيو ٢٠٢٦
انا كنت ساعات بيحصلي كده لما بفضل ساكتة فترة بلاقي صعوبة اني اتكلم لكن بمجرد ما بقاوم وبكون مضطرة ارد بلاقي الموضوع بقى اسهل حاولي تقاومي وتتكلمي
تم النشر الخميس، ١١ يونيو ٢٠٢٦
يادى الإحراج 🙂 آسف قصدى على بنت كانت بتسأل بخصوص الثانوية 🙃🙃
تم النشر الأربعاء، ١٠ يونيو ٢٠٢٦
@أحمد سعيد فعلًا بدأت آخده مؤخرًا حسيت إني أحسن شوية بشكل عام مش في المشكلة دي تحديدًا، هكمل عليه بإذن الله لأنه أكيد بيحتاج وقت وشكرًا جدًّا لحضرتك
تم النشر الأربعاء، ١٠ يونيو ٢٠٢٦
اول مره الاقي حد يوصف حاجه بمر بيها ويديها اسم..فهماكي عموما بس اعتقد ده استنزاف اما الحل متضغطيش علي نفسك خدي وقتك بس ميطولش اوي وواحده واحده بسيطه اتكلمي
تم النشر الأربعاء، ١٠ يونيو ٢٠٢٦
ممكن يكون عندك خمول عام .. ممكن تاخدى كورس فيتامين د ممكن يساعدك
تم النشر الثلاثاء، ٩ يونيو ٢٠٢٦
حاربي نفسك والكسل دا لان الموضوع ممكن ينمو معاكي وحاولي تحاربي الكسل ب الصلاه وتقربي من ربنا
تم النشر الثلاثاء، ٩ يونيو ٢٠٢٦
وهل لازم تتكلمي
تم النشر الخميس، ١١ يونيو ٢٠٢٦
وانا كمان
تم النشر الأربعاء، ١٠ يونيو ٢٠٢٦
@أحمد سعيد التعليق دا مكانه مش هنا😅
تم النشر الأربعاء، ١٠ يونيو ٢٠٢٦
لعرض السؤال في فدني اضغط هنا