ازاى اقدر اتغلب علي التفكير السودوى السلبي اثناء المذاكره
مع العلم انى اتبعت قرأه سورة البقره كامله لاحظت بفرق ولكن تانى يوم شفت حلم في حد قريبي متخانقين معاه مش عارف اى سببه يمكن من الشيطان
ومبقدرش اواظب عليها بس بتفرق معايا
ازاى افكر فى حل تراكماتي ب ايجابيه
التجاهل ...هو ده شعار التعامل مع النوع ده من الافكار . لقيت فكرة ملهاش لازمه...اكتبها فى ورقها واشطب عليها وقول لنفسك ولا كأنها جات فى بالى اصلا وارميها فى باسكت الزبالة وتوكل على الله وكمل طريقك. زيها زى كلمة كتبتها غلط ومسحتها وكملت الكتابة الصح . متاخدش الاحلام فى الوقت المضغوط ده انها دليل على اى حاجة...المخ بيهنج كده وبيطلع حاجات ملهاشعلاقة باى حاجة وقت الضغوط وخصوصا لما تكون تحت ضغط مسؤولية . ربنا معاك وتحقق نتيجة ترضيك فى المرحلة الدراسية دى ان شاءالله وتكمل بعدها مراحل اعلى وافضل
تم النشر الجمعة، ٢٨ أبريل ٢٠٢٣
هقولك علي حاجه بجد لان عديت بالمرحلة دي ...بجد ضع أمامك ان دي خصائص مرحلة مش أكتر أهم حاجه ضع هدف أمامك أثناء المذاكرة مثلا زي عايز اكون مهندس عالم ذرة دكتور او اي حاجه بتحبها واؤمن بالهدف دا وحاول دايما تتخيل نفسك وانك بتدخل الجامعه والتخصص دا وانت ناجح فيه ودا مش هيتم الا عن طريق المذاكرة واكتساب الثقافة والمعارف لان اي مهنه محتاجه معارف ومهارات لازم تكتسبها من دلوقتي ودايما حاول متخليش حاجة تشتتك عن دا واحد من السوشيال ميديا في الفترة دي لأنها عاملة زي الدوامة فبلاش تبتلع جواها ركز علي هدف.
تم النشر الخميس، ٢٧ أبريل ٢٠٢٣
ايه هي الافكار اللي بتطرأ عليك اثناء المذاكرة؟
تم النشر الخميس، ٢٧ أبريل ٢٠٢٣
أولًا، أنت رائع لأنك تبحث عن الحلول للتفكير السلبي الذي يمكن أن يؤثر على دراستك. ثانيا، حاول تحويل تفكيرك إلى أشياء إيجابية خلال المذاكرة. قومي بتحديد أهداف واضحة ومحددة للمذاكرة وانطلقي في تحقيقها بطريقة مرحة وإيجابية. يمكنك أيضًا تقسيم الوقت والتركيز على كل موضوع على حدة، وتشجيع نفسك للإنجازات التي تنجزها. يمكنك أيضًا الاستفادة من تقنيات التأمل والاسترخاء قبل المذاكرة، ستساعدك هذه الخطوات في التخلص من التفكير السلبي. وأخيرًا، عليك أن تتذكر دائمًا أنك تمتلك القدرة على التغيير والتحسن، ولا تدع الأفكار السلبية تؤثر على ذلك. قومي بممارسة التفكير الإيجابي والابتعاد عن الأفكار السلبية وسوف تلاحظين تحسنا في دراستك وأداءك العام بإذن الله.
تم النشر الخميس، ٢٧ أبريل ٢٠٢٣
لعرض السؤال في فدني اضغط هنا