السلام عليكم انا ببعت لحضرتك رد على سؤالك انا عندي اكسبيرينس في المجال بتاع المحاسبة الحمد لله كبيره فانا اقدر اجاوب بحضرتك من المنطلق ده اولا لو انت هدفك ان انت تبص على الراتب الحالي زي بعض الاجابات قالت فانت بتبص كده على العجله القصيرة يعني بتبص كده على الوضع الحالي اللي انت موجود فيه لما تيجي تبص على المستقبل مدخل البيانات ليس له أي مستقبل إطلاقا مع تحديد او مع تطور الـ AI ان في بعض الحاجات بتعملها اتمتونيشن فبالتالي الوظيفه دي هيتم استبدالها او الغاءها او الحد من الوظائف فيها في المستقبل عندها رقم واحد فبالتالي مدخل بيانات ليس له مستقبل كوظيفه او ككرير طيب لو انت بتيجي تقارن بين مدخل بيانات ومحاسب هقول لك المحاسب أفضل بس ده بشرط ان انت يكون عندك الحافز والالتزام ان انت تطور من نفسك في مجال المحاسبه ومجال الماليه طيب التطور ده هيجي منين من خلال انت تدرس وتذاكر شهاده من الشهادات المهنيه وانا أنصح حضرتك ان انت لو بعيد تماما عن مجال المحاسبه في الفتره اللي فاتت فانت محتاج ان انت تاخد اساسيات المحاسبه وتراجعها وتذاكرها وبعد ما تاخذها تبدأ تذاكر شهاده واحده في الوضع أو في خطوه أولى. وهي شهاده دبلومه المعايير المحاسبيه الدوليه والتقرير المالي اللي هي الدبلومه الخاصه بالاي اف ار اس المذاكره بتاعتها بتاخذ ست شهور لكن الامتحان بتاعها مش سهل الامتحان بتاعها صعب شويه لكن محتاج ان انت تذاكر فيها كويس فالشهاده دي الهدف منها ان هي تدعم خبرتك او معرفتك بالمحاسبه وتلاقي لك فرصه عمل افضل من الوضع الحالي ده رقم واحد لكن لو انت هدفك ان انت تروح كمحاسب وما تطورش من نفسك فكده انت برده مش هتلاقي أي مستقبل للوظيفه دي لان هتلاقي في ناس كتير بتتطور نفسها وبتاخذ شهادات وبتطلع احسن اا بتاخد عندها كواليفيكيشنز اعلى وخبره كويسه فبالتالي هتعديك في الكارير بتاعك فهتفضل برده في وظيفتك كمحاسب حتى لو ترقيت هتفضل موجود في شركه صغيره مش هتكون مهتميه ان هي تعيين حد او الشركه كبيره تعيين حد من غير كواليفيكيشن ومن غير شهادات ومن غيره من غيره فبالتالي حتى كمان محاسب لازم يكون فيها.
لعرض الإجابة في فدني اضغط هنا