السلام عليكم ورحمه الله وبركاته
هو انا بصراحه محرجه كنت أعرض المشكله 😇
انا عندي ٢٢ سنه وعندي كرش فظيع 😇😂
وبيدايقني ف لبسي وبنطر البس over size علشان ميظهرش
المشكله مش هنا المشكله اني بعمل رياضه وكدا بس مش لاقيه فرق
فيه حاجه ممكن تساعدني انزل الكرش دا
او مشروبات معينه تنزل الكرش
وشكرا
اولا ، ممكن يكون دا شكل توزيع الدهون في جسمك بالوراثة .. هل ماما او بابا او خيلانك او عمامك كان او لا زال بيعاني من نفس المشكلة دي؟ يعني هل شكل جسمك تفاحي؟ ولا الساعة الرملية مثلا؟ عموما المشي ساعة يوميا كل يوم في الاسبوع (مشي سريع مش تمشية) ، بيساعد على شد البطن وتوزيع الدهون بشكل افضل في جسمك كله. ثانيا ، "الكرش الفظيع "، من وجهة نظرك دا ، لازم يتقاس بالمازورة ، قياس الخصر والارداف ،كام سم؟ ، عشان نقدر نقول فعليا هو كرش فظيع ، ولا في المعدل المعقول ولا لا .. وفي الحالة دي ، الافضل اللجوء لاخصائي تغذية ، او طبيب باطنة او الافضل تكون طبيبة بشرية وواخدة دبلومات في التغذية والتنحيف وكذا عشان هي هتكون انسب حد هيقدر يساعدك ويفهمك ايه سبب الزيادة دي ايه ، هيديكي وصفات صحية للاكل والرياضة اللى تناسبك بحسب حالتك الصحية ، وتمارين بنظام معين عشان اعادة توزيع الدهون في جسمك ، وهيوجهك للمتخصص اخر لو محتاجة دا . الاسباب ممكن تكون نفسية؟ لو بسبب حالتك النفسية لو مش مستقرة ، وبتلخبطي في الاكل او شهيتك مش مظبوطة ، او بتعوضي زعلك بالاكل ، اه ممكن يكون سبب .. وممكن يكون سبب كمان في عدم نزول الوزن .. ولكن الاول لازم تتاكدي من ان مافيش اسباب طبية ممكن تكون الغدة الدرقية ، الرحم والمبايض ، سرعة الحرق قليلة، او نظام اكلك ، او عوامل وراثية .. او اسباب تانية محدش هيقدر يفيدك فيها اونلاين (هيبقى مجرد تخمين) ، فلازم زيارة الطبيب.
تم النشر الجمعة، ١٦ أغسطس ٢٠٢٤
وعليكم السلام ورحمة الله وبركاته! حبيبتي، مفيش داعي للإحراج نهائيًا، كلنا بنعاني من مشاكل جسمانية في وقت من الأوقات. بالنسبة للكرش، فيه شوية نصائح ممكن تساعدك: الغذاء الصحي : حاولي تقللي من الأكلات الدهنية والسكريات، وزودي من الخضروات والفواكه. حبوب كاملة زي الشوفان والبرغل كمان مفيدة. شرب الماء : لازم تشربي كمية كافية من الماء يوميًا، ده بيساعد على تحسين عملية الهضم وطرد السموم. تمارين الكارديو : زي المشي أو الجري أو السباحة، هي مساعدة رائعة لخفض دهون البطن. تمارين البطن : مش مهم بس تعمل رياضة، مهم كمان تركز على تمارين البطن والعضلات الأساسية. تجنب الضغوط النفسية : القلق والتوتر ممكن يسهموا في زيادة الوزن، حاولي تلاقي طرق للاسترخاء زي اليوغا أو التأمل. ويمكنك كمان تشربي مشروبات زي الشاي الأخضر أو الماء مع الليمون، هتساعد في تحسين الهضم. لو حسيتي إنك عايزة تتبعي نظام غذائي محدد أو محتاجة دعم أكتر، يمكن يكون مفيد تروحي لخبير تغذية. حاولي تكوني صبورة مع نفسك، النتائج هتظهر بالتدريج. 😊💪 (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الخميس، ١٥ أغسطس ٢٠٢٤
لعرض السؤال في فدني اضغط هنا