إذا أحد يعرف برامج بتعرف فيها علي ناس جديدة احكي معاهم وكده يعني اذا أنا شخص وحيد وما عندي أصدقاء بس متكونش حاجة تبع التعارف وكده عايزة حاجة أتكلم فيها مع أشخاص جديده ب إخفاء هويتي
السلام عليكم، لا أنصحك بالبحث عن البرامج دي لنفس السبب اللي قالته كوتش ياسمين، لو بحثتِ هنا على الجروب هتلاقي مشاكل صعبة لبنات بدأت من استخدامهم لبرامج التعارف أو الشبيهة لها بغرض التخلص من وحدتهم وفراغهم وللأسف وقعوا ضحايا لأشخاص سيئين. الأفضل تتفاعلي في جروبات الفيسبوك لأنشطة تكوني انتِ حاباها ومهتمة بها، ويا ريت تكون جروبات للبنات فقط بلاش جروبات مختلطة. كمان هيكون حلو جدا تشوفي على أرض الواقع أنشطة تفاعلية، لو بتحبي القراءة أو حتى لو مش بتهتمي بها وممكن تبدأي تهتمي كخطوة تغيير في حياتك ممكن مثلا تشوفي أقرب فرع لمكتبة مصر العامة في منطقتك وتشتركي فيه، هتستفادي جدا من التجربة دي. فيه أنشطة تانية وفاعليات وورش في الرسم وغيرها من الأنشطة ممكن تبحثي في منطقتك وتنزلي تشتركي في واحدة منها، هتتعرفي على ناس جديدة وحقيقية مش مجرد هويات مجهولة ورا شاشة مش عارفة نواياها إيه وإيه الضرر اللي ممكن ينالك منها. خدي الخطوة وإن شاء الله تقدري تملأي وقت فراغك ووحدتك صح. بالتوفيق.
تم النشر الجمعة، ٨ أغسطس ٢٠٢٥
السلام عليكم ورحمه الله وبركاته انا لا انصحك تماما باي برنامج يكون الهدف بتاعه تعارفه يكون اشخاص اخرين بيدخلوا فيه بهدف التعارف فقط لانه بنسبه كبيره جدا نسبه 90% من اللي بيدخلوا في البرامج دي ما بيكونش نيتهم طيبه او بيكون في اصلا عندهم خلل نفسي مات وللاسف بيعكسوه جوه التعارف اللي هم بيبداوا مع اشخاص مجهولين فانا منصحكيش خالص اي برنامج ولا حد اثار عليك البرنامج انا ما انصحكيش بيه لكن اللي انصحك بيه انك تتعرفي على ناس ولكن بهويتك انت الطبيعيه مش محتاجه تستخبي وراء هوائيه مجهوله عشان تتعرفي على ناس طب وانت بتتعرفي عليهم اييي هتتكلمي عن نفسك على اساس انك شخصيه فعلا كل بياناتها وكل معلوماتها مجهوله. و تكون لك اهتمام بيها يعني بتحبي الرسم شوفي اي نشاط يكون له علاقه بالرسم بتحبي الزرع شوفي اي نشاط يكون له علاقه بالزرع بتحبي همم هوايه معينه تطريز كروشيه ادخلي ممكن الجروبات اللي كلهم بيتكلموا في نفس الموضوع اللي عندهم نفس اللي هو دي احسن حاجه تتعرفي بيها على الناس لكن هدف التعارف اللي هو بس ناس عايزه تتعرف ده في الاغلب بيكون وراه اا حاجات مش هتبان الا للاسف لما يكون حصل مشكله او لما نكون وقعنا مع ناس ثم مش شبهنا ولا حاجه فبيبقى الافضل احنا نتاكد انه على الاقل في جزء من الناس دي شبهنا ان احنا كلنا متفقين ان احنا جايين نعمل نفس الحاجه مهتمين بنفس الحاجه انصح افضل من جروبات التعارف.لا بس هي الموضوع كله موضوع انه انا مين واسمي ايه وسني كام وساكنه فين؟ اييي الانسان مش محتاج يستخبى ورا هويه مجهوله وهو بيتعرف على اشخاص ااا احنا محتاجين نعرف ازاي نتعرف على اشخاص وفي نفس الوقت نكون بنحمي نفسنا ااا بكل قوتنا وهويتنا مش هي اللي هتحمينا ده مهم جدا فا اللي انا هنصحك بيه انك يعني تخ اي انشطه.
تم النشر الجمعة، ٨ أغسطس ٢٠٢٥
السلام عليكم أنصحك لو حابة إنك تتعرفي على ناس جديدة تشوفي فريق تطوعي أو جمعية تنضمي ليها وتتطوعي وخلال تنفيذ المهام اللي هتطلب منك هتلاقي نفسك بتحتكي بالبنات اللي مشاركين معاكِ في النشاط وهتتعرفي عليهم وتكوَني صداقات، فعلى سبيل المثال فيه فريق تطوعي اسمه كن ذا أثر وبيكون غير مختلط، بتنضمي للجروبات الخاصة بيهم كمتطوعة وفيه جروب مخصصينه عشان تتكلمي عن أي حاجة انتِ حاباها مع البنات (تاخدي رأيهم في حاجة أو تحكي عن أي مشكلة أو تشاركيهم أي أحداث في حياتك..إلأخ)، غير العمل الجماعي اللي هتنزليه مع البنات، وهنا هتكوني قادرة تتواصلي معاهم على أرض الواقع، وبكده تكوني شغلتِ وقتك بحاجة مفيدة وفي الوقت نفسه كوَنتِ صداقات واتعرفتِ على ناس جديدة ومحترمة.
تم النشر السبت، ٩ أغسطس ٢٠٢٥
يا أخي فاهمه كلامك صح وكل حاجة ولكن انا ف نيتي حاجه غيركده يعني مصدر ل تكوين صداقات جديده والتعرف على ناس مش اكتر
تم النشر السبت، ٩ أغسطس ٢٠٢٥
متفتحيش على نفسك ابواب ترميكي في بحر الذنوب والمعاصي كله المواقع نصب خداع لعب بالمشاعر استغلال مادي وجنسي بلاش تحطي نفسك في دايره الخطر والخروج منها هيكون عنيف جدا
تم النشر الجمعة، ٨ أغسطس ٢٠٢٥
لعرض السؤال في فدني اضغط هنا